དབྱི་ལིང་ཕྱི་འབྲེལ་པུའུ་ཡི་མགྲིན་ཚབ་པས་ཀྲུང་གོའི་བར་གྱི་འབྲེལ་བ་དེས་དཔལ་ཡོན་སྦྲེལ་ཐག་རྨང་གཞིར་བྱས་ཏེ་ཇེ་ཟབ་ཏུ་འགྲོ་བཞིན་པའི་ཚུལ་བསྟན།

དབྱི་ལིང་ཕྱི་འབྲེལ་པུའུ་ཡི་མགྲིན་ཚབ་པ་པཱ་ཅཱ་ཨེ་ཡིས་ཚེས13ཉིན་སྤེལ་བའི་གསར་འགྱུར་སྒྲོག་སྤེལ་ཚོགས་འདུའི་སྟེང་ཀྲུང་གོའི་མི་དམངས་ལ་ལུགས་རྙིང་ལོ་སར་གྱི་སྨོན་འདུན་ཞུས་པ་དང་། དབྱི་ལིང་དང་ཀྲུང་གོའི་དཔལ་ཡོན་འབྲེལ་བའི་རྒྱུན་རིང་ཞིང་རྨང་མཐུག་པས། དབྱི་ལིང་དང་ཀྲུང་གོའི་འབྲེལ་བས་དཔལ་ཡོན་སྦྲེལ་ཐག་གི་རྨང་གཞིའི་སྟེང་རྒྱུན་ཆད་མེད་པར་ཇེ་ཟབ་ཏུ་འགྲོ་སྲིད་ཟེར།

པཱ་ཅཱ་ཨེ་ཡིས་ཀྲུང་གོའི་མི་དམངས་ཀྱི་མི་འགྱངས་པར་ཐོན་ལ་ཉེ་བའི་ལུགས་རྙིང་ལོ་སར་སྐབས་སྔར་ལས་བདེ་སྐྱིད་ལྡན་པའི་སྨོན་འདུན་ཞུས།

ཞིན་ཧྭ་གསར་འགྱུར་ཁང་གི་གསར་འགོད་པའི་རྒྱལ་ཁབ་གཉིས་ཀྱི་འབྲེལ་བ་ང་མཉམ་ལས་སྐོར་གྱི་དྲི་བར་ལན་འདེབས་སྐབས་པཱ་ཅཱ་ཨེ་ཡིས་བཤད་རྒྱུར། དབྱི་ལིང་དང་ཀྲུང་གོའི་འབྲེལ་བ་དེ་དཔལ་འབྱོར་དང་ཉོ་ཚོང་། ཚན་རིག་སོགས་ཁྱབ་ཁོངས་མི་འདྲ་བར་འཕེལ་རྒྱས་འགྲོ་བཞིན་ཡོད་པ་དང་། ཡུལ་སྐོར་དང་རིག་གནས་ཀྱི་བརྗེ་རེས་ནི་རྒྱལ་ཁབ་གཉིས་ཀྱི་མཉམ་ལས་ཀྱི་ཁྱབ་ཁོངས་གཙོ་བོ་ཡིན་ཟེར། ཁོས་བསྟན་དོན། དཔལ་ཡོན་སྦྲེལ་ཐག་ལ་བརྟེན་པ་དང་སྲ་བརྟན་གྱི་རིག་གནས་རྨང་གཞིར་བྱས་ན། དབྱི་ལིང་དང་ཀྲུང་གོ་རྒྱལ་ཁབ་གཉིས་ཀྱིས་ཕྱོགས་གཉིས་ཀྱི་འབྲེལ་བ་འཐུས་ཚང་དུ་གཏོང་བ་དང་སྔར་ལས་འཕེལ་རྒྱས་སུ་གཏོང་བའི་ཐད་ནས་གོམ་སྟབས་གསར་བ་སྤོ་ཐུབ་ངེས་རེད་ཟེར།