དབྱི་སི་ཐན་པོར་ནས་ཆང་རྫུན་མས་དུག་ཕོག་པའི་དོན་རྐྱེན་བྱུང་སྟེ་མི11རྐྱེན་ལམ་དུ་ཤོར།

ཐུར་ཁེའི་སྨྱན་བྱད་ཀྱིས་ཚེས14ཉིན་བསྒྲགས་པ་ལྟར་ན། རྒྱལ་ཁབ་དེའི་ཆེས་ཆེ་བའི་གྲོང་ཁྱེར་དབྱེ་སི་ཐན་པོར་ནས་འདས་པའི་དུས་ཚོད་ཉེར་བཞིའི་རིང་ཆང་རྫུན་མ་འཐུང་བ་ལས་མི11ལ་དུག་ཕོག་སྟེ་རྐྱེན་ལམ་དུ་ཤོར་བ་དང་། གྱོད་དོན་དེར་འབྲེལ་བ་ཡོད་པའི་དོགས་ཡོད་མི་སྣ་གཉིས་ཉེན་རྟོག་ཕྱོགས་ཀྱིས་འཛིན་བཟུང་བྱས་ཟེར།

བསྒྲགས་པ་ལྟར་ན། འདས་པའི་ཉིན་གཅིག་གི་ནང་། དབྱི་སི་ཐན་པོར་མི་སོ་བརྒྱད་ལ་ཆང་རྫུན་མ་འཐུང་བ་ལས་དུག་ཕོག་སྟེ་སྨན་ཁང་དུ་བསྐྱལ་ནས་གསོ་བཅས་བྱེད་བཞིན་ཡོད་པ་དང་། དེའི་ནང་མི26ནི་ཕྱི་རྒྱལ་གྱི་མི་ཡིན་པ་རེད། མིག་སྔར་མི11རྐྱེན་ལམ་དུ་ཤོར་ཟེར།

བསྒྲགས་པ་ལྟར་ན། དབྱི་སི་ཐན་པོར་གྱི་སྡོད་དམངས་འདུས་སྡོད་ས་ཁུལ་ཞིག་ཏུ་ཆང་རྫུན་མ་ཐོན་སྐྱེད་བྱས་པར་འབྲེལ་བ་ཡོད་པའི་དོགས་ཡོད་མི་སྣ་གཉིས་ཉེན་རྟོག་ཕྱོགས་ཀྱིས་འཛིན་བཟུང་བྱས། ཉེན་རྟོག་ཕྱོགས་ཀྱིས་འགུལ་སྐྱོད་སྤེལ་སྐབས་ཆང་རྫུན་མ་ཧྲིན་ལྔ་བཅུ་ཙམ་དང་། སྦྲིད་སྨན། གནས་སྤོར་སྡོད་དམངས་ཀྱི་ཐོབ་ཐང་རྫུན་མ་སོགས་རྙེད་ཡོད་པ་རེད།

ཐུར་ཁེའི་དབྱི་སི་ཐན་པོར་གྱི་ཧྲིན་ཀྲང་གཞུང་སྒྲུབ་ཁང་གིས་ཉིན་དེར་གསལ་སྒྲོག་སྤེལ་ཏེ། 2024ལོར་དབྱི་སི་ཐན་པོར་ནས་བསྡོམས་པས་མི110ཆང་རྫུན་མ་འཐུང་བ་སོགས་ལས་དུག་ཕོག་བ་དང་། དེའི་ནང་མི48རྐྱེན་ལམ་དུ་ཤོར་ཟེར།