ཧྲའོ་ཨར་ཚི་ཡིས་ཐི་ལིང་ཕུའུ་ཡི་བྱང་ཆིངས་རྩ་འཛུགས་ཀྱི་རྒྱལ་སྲུང་འགྲོ་སོང་ཇེ་མཐོར་གཏོང་བའི་སྐོར་གྱི་གཏམ་བཤད་ལ་ངོ་རྒོལ་བྱས།

འཇར་མན་གྱི་ཙུང་ལི་ཧྲའོ་ཨར་ཚི་ཡིས་ཚེས9ཉིན་འཇར་མན་སྨྱན་བྱད་ཀྱི་བཅར་འདྲི་དང་ལེན་བྱེད་སྐབས་བསྟན་དོན། ཁོས་ཨ་མེ་རི་ཁའི་འགན་ཁུར་བར་སྒུག་པའི་ཙུང་ཐུང་ཐི་ལིང་ཕུའུ་ཡིས་བྱང་ཆིས་རྩ་འཛུགས་ཀྱི་ཁོངས་གཏོགས་རྒྱལ་ཁབ་དག་གིས་རྒྱལ་སྲུང་འགྲོ་སོང་དེ་རྒྱལ་ནང་གི་སྤྱིའི་ཐོན་རིན་གྱི་བརྒྱ་ཆའི་ལྔར་ཇེ་མཐོར་གཏོང་བའི་རེ་བ་བཏོན་པའི་འབྲེལ་ཡོད་གཏམ་བཤད་ལ་ངོ་རྒོལ་བྱེད་བཞིན་ཡོད་ཟེར།

ཧྲའོ་ཨར་ཚི་ཡིས་བསྟན་དོན། འཇར་མན་གྱིས་ངེས་པར་དུ་བདེ་འཇགས་ཐད་ནས་བྱེད་ཐབས་སྔར་ལས་མང་བོ་སྤྱོད་དགོས་པ་བསྙོན་མེད་ཡིན། དེ་ཡང་ཁོས་མགོ་ཁྲིད་པའི་འཇར་མན་སྲིད་གཞུང་གིས་རྒྱལ་སྲུང་འགྲོ་སོང་དེ་ལོ་བདུན་གྱི་ཡར་སྔོན་གྱི་ལོ་རེའི་ཡོ་སྒོར་ཐེར་ཆེན་བཞི་ནས་ལོ་རེར་ཡོ་སྒོར་ཐེར་ཆེན་བརྒྱད་ལ་ཇེ་མཐོར་གཏོང་དགོས་པས་ཡིན། མིག་སྔར་བྱང་ཆིངས་རྩ་འཛུགས་ཀྱིས་ཁོངས་གཏོགས་རྒྱལ་ཁབ་དག་གིས་རྒྱལ་ནང་གི་སྤྱིའི་ཐོན་རིན་གྱི་བརྒྱ་ཆའི་གཉིས་རྒྱལ་སྲུང་འགྲོ་སོང་ཐད་བཀོལ་དགོས་པའི་རེ་བ་བཏོན་ཡོད་ཀྱང་། ཐི་ལིང་ཕུའུ་ཡི་གཏམ་བཤད་ལྟར་ན་འཇར་མན་གྱིས་ལོ་རེར་ཡོ་སྒོར་ཁྲག་ཁྲག་གཉིས་རྒྱལ་སྲུང་འགྲོ་སོང་ཐད་གཏོང་དགོས་པས། ཁ་གྲངས་དེ་ཧ་ཅང་མང་ཟེར།

དེ་ལས་གཞན་འཇར་མན་གྱི་ཡེ་ཤུའི་ཆོས་ལུགས་དམངས་གཙོ་མནའ་འབྲེལ་གྱི་ཀྲུའུ་ཞི་མའོ་ཚི་ཡིས་བསྟན་དོན། འཇར་མན་གྱིས་རྒྱལ་སྲུང་འགྲོ་སོང་ཇེ་མཐོར་བཏང་ཡང་། ཐི་ལིང་ཕུའུ་ཡིས་རེ་བ་བྱེད་པའི་ཁ་གྲངས་དུ་བསླེབས་མི་སྲིད་ཟེར།