ཧན་གོའི་ཉེན་རྟོག་ཕྱོགས་ཀྱིས་ཝུའུ་ཨན་གནམ་གྲུ་ཐང་སོགས་ལ་སྔོག་བཤེར་བྱས།

ཚེས2ཉིན།  ཧན་གོའི་མཉམ་འབྲེལ་གསར་འགྱུར་ཁང་གིས་སྤེལ་བའི་གནས་ཚུལ་ལྟར་ན།  ཧན་གོའི་ཆོན་ལུའོ་ནན་ཏའོ་ཉེན་རྟོག་ཐིང་གིས་ཝུའུ་ཨན་གནམ་གྲུ་ཐང་སོགས་གནམ་གྲུ་སར་ལྷུང་བའི་དོན་རྐྱེན་དང་འབྲེལ་བ་ཡོད་པའི་ཕྱོགས་ལ་སྔོག་བཤེར་བྱེད་འགོ་བརྩམས།

གནས་ཚུལ་སྤེལ་བ་ལྟར་ན།  ཆོན་ལུའོ་ནན་ཏའོ་ཉེན་རྟོག་ཐིང་གིས་ཝུའུ་ཨན་གནམ་གྲུ་ལྷུང་བའི་དོན་རྐྱེན་བརྟག་དཔྱད་སྡེ་ཁག་བཙུགས་ནས། ལས་འགན་ནོར་འཛོལ་གྱི་དབང་གིས་མི་སྣ་ཤི་རྨས་བྱུང་བ་དང་འབྲེལ་བ་ཡོད་པ་རྒྱུ་མཚན་དུ་བྱས་ཏེ། གནམ་གྲུ་ཐང་གི་འབྲེལ་ཡོད་སྡེ་ཁག་དང་ཐ་ཐའེ་དང་ཧྥུའུ་ཧྲན་ས་གནས་མཁའ་འགྲུལ་ཐིང་ཝུའུ་ཨན་དོན་གཅོད་ཁྲུའུ་དང་། ཅི་ཀྲོའུ་མཁའ་འགྲུལ་ཧྲོ་ཨར་དོན་གཅོད་ཁྲུའུ་བཅས་ལ་སྔོག་བཤེར་བྱས་པ་རེད།

མིག་སྔར་ཉེན་རྟོག་ཕྱོགས་ཀྱིས་ད་དུང་བྱེ་བྲག་གི་མི་སྣར་གྱོད་ཐོ་བཟོས་ནས་བརྟག་དཔྱད་བྱས་མེད། ཉེན་རྟོག་ཕྱོགས་ཀྱིས་ཝུའུ་ཨན་གནམ་གྲུ་ཐང་གི་རྒྱུག་ལམ་མཐའ་འཁོར་གྱི་མཚོ་འགྲུལ་ཁ་ཕྱོགས་ཀྱི་བརྡ་རྟགས་སྟེགས་བུའི་སྒྲིག་མཐུན་རང་བཞིན་དང་། དོན་རྐྱེན་མ་བྱུང་སྔོན་གྱི་གནམ་གྲུ་ཐང་གི་བརྡ་སྟེགས་དང་འཕུར་སྐྱོད་པའི་བར་གྱི་འཕྲིན་གཏོང་ནང་དོན། དོན་རྐྱེན་བྱུང་བའི་གནམ་གྲུའི་ཞིག་གསོ་ཟིན་ཐོ་སོགས་འབྲེལ་ཡོད་དཔྱད་གཞི་བསྡུ་ལེན་བྱེད་བཞིན་ཡོད་པ་རེད།

ཧན་གོའི་ཅི་ཀྲོའུ་མཁའ་འགྲུལ་གནམ་གྲུ་ཨང7C2216རྟགས་ཅན་དེ་ 2024ལོའི་ཟླ12པའི་ཚེས29ཉིན། ཆོན་ལུའོ་ནན་ཏའོ་རུ་ཡོད་པའི་ཝུའུ་ཨན་གནམ་གྲུ་ཐང་དུ་འབབ་སྐབས་སར་ལྷུང་ནས་མི179རྐྱེན་ལམ་དུ་ཤོར།