ཧན་གོའི་སྲིད་སྐྱོང་ཏང་སྤྱི་ཁྱབ་པུའུ་ལ་འབར་རྫས་ཀྱི་འཇིགས་སྐུལ་ཐེབས་པར་བཤད་ཀྱང་ཉེན་རྟོག་ཕྱོགས་ཀྱིས་གནས་སྐབས་སུ་རྒྱུན་ལྡན་མིན་པའི་གནས་ཚུལ་མ་མཐོང་།

ཚེས2ཉིན།  ཧན་གོའི་སྨྱན་བྱས་ཀྱིས་སྤེལ་བའི་གནས་ཚུལ་ལྟར་ན། ཉིན་དེར་ཧན་གོའི་ཉེན་རྟོག་ཕྱོགས་ཀྱིས་འབར་རྫས་ཀྱི་འཇིགས་སྐུལ་ཐེབས་པར་བཤད་པའི་སྲིད་སྐྱོང་ཏང་རྒྱལ་དམངས་སྟོབས་ཤུགས་ཏང་སྤྱི་ཁྱབ་པུའུ་ལ་སྔོག་བཤེར་བྱས་རྗེས་དོགས་པ་ཡོད་པའི་འབར་རྫས་མ་རྙེད།

གནས་ཚུལ་སྤེལ་བ་ལྟར་ན། ཟླ1པོའི་ཚེས1ཉིན། རྒྱལ་དམངས་སྟོབས་ཤུགས་ཏང་ལ་བརྙན་སྐྱེལ་འབྱོར་ནས་ཧྲོ་ཨར་གྲོང་ཁྱེར་ཡུང་ཏེང་ཧྥུའུ་ས་ཁུལ་གྱི་རུའུ་དབྱི་གླིང་ཕྲན་དུ་ཡོད་པའི་སྤྱི་ཁྱབ་པུའུ་ཡི་འཛུགས་སྐྲུན་ཁྲོད་འབར་རྫས་ཡོད་པར་བཤད། ཧྲོ་ཨར་ཉེན་རྟོག་ཐིང་དང་ཡུང་ཏེང་ཧྥུའུ་ཉེན་རྟོག་ཧྲུའུ་ལ་ཉེན་བརྡ་འབྱོར་རྗེས། ཚེས་2ཉིན་གྱི་སྔ་དྲོ། ཉེན་རྟོག་པ20ལྷག་ཙམ་དང་དམག་ཁྱི2ཙམ་གྱིས་སྔོག་བཤེར་བྱས་ཀྱང་དོགས་པ་ཡོད་པའི་འབར་རྫས་མ་རྙེད།

མིག་སྔར་ཉེན་རྟོག་ཕྱོགས་ཀྱིས་བརྡ་རྟགས་ཁུངས་སྣེ་སོགས་དང་ཟུང་འབྲེལ་བྱས་ནས་བརྙན་སྐྱེལ་བསྐུར་མཁན་ལ་རྩད་གཅོད་བྱེད་བཞིན་ཡོད་པ་རེད།