ཕཱ་ཁི་སི་ཐན་དམག་ཕྱོགས་ཀྱིས2024ལོར་འཇིགས་སྐུལ་ཉེས་ཅན925བསད་པའི་ཚུལ་བསྟན།
ཕཱ་ཁི་སི་ཐན་དམག་ཕྱོགས་ཀྱིས་ཚེས27ཉིན་བཤད་རྒྱུར། 2024ལོར་ཕཱ་ཁི་སི་ཐན་དམག་ཕྱོགས་ཀྱིས་གཙང་ཕྱགས་འགུལ་སྐྱོད་སྤེལ་སྐབས་འཇིགས་སྐུལ་ཉེས་ཅན925བསད་པ་དང་། བདེ་འཇགས་མི་སྣ383འགུལ་སྐྱོད་སྤེལ་སྐབས་ཚེ་ལས་འདས་ཟེར།
ཕཱ་ཁི་སི་ཐན་གྱི་དམག་གསུམ་གསར་འགྱུར་ཅུའུ་ཡི་ཅུའུ་ཀྲང་ཆའོ་ཏུའུ་ལི་ཡིས་ཉིན་དེར་ཕཱ་ཁི་སི་ཐན་ཤར་ཕྱོགས་ཀྱི་ལཱ་ཝ་ཨར་ཕེན་ཏིས་གྲོང་ཁྱེ་ནས་བསྡུས་པའི་གསར་འགོད་པའི་སྣེ་ལེན་ཚོགས་འདུའི་སྟེང་བཤད་རྒྱུར། ཕཱ་ཁི་སི་ཐན་དམག་དཔུང་ཉེན་རྟོག་པ་སོགས་ཁྲིམས་བསྟར་ལས་ཁུངས་ཀྱིས་ད་ལོར་བསྡོམས་པས་གཙང་ཕྱགས་འགུལ་སྐྱོད59775སྤེལ་ནས། འཇིགས་སྐུལ་ཉེས་ཅན་ཚར་གཅོད་བྱས་པའི་ཁ་གྲངས་དེ་འདས་པའི་ལོ་ལྔ་ལས་ཆེས་མང་བོ་ཡིན་པ་དང་། དེའི་ནང་འཇིགས་སྐུལ་ཉེས་ཅན72ཕཱ་ཁི་སི་ཐན་ཐཱ་ལེ་པན་སོགས་འཇིགས་སྐུལ་རྩ་འཛུགས་ཀྱི་ཁོངས་མི་གཙོ་བོ་ཡིན་ཟེར།
ཆའོ་ཏུའུ་ལི་ཡིས་བཤད་རྒྱུར། ཕཱ་ཁི་སི་ཐན་དམག་ཕྱོགས་ཀྱིས་འཇིགས་སྐུལ་ངོ་རྒོལ་དང་མཐའ་མཚམས་བདེ་འཇགས་སྲུང་སྐྱོབ་བྱེད་པའི་ཐད་ནས་གྲུབ་འབྲས་གལ་ཆེན་བླངས་ཡོད་པར་མ་ཟད། འགུལ་སྐྱོད་ཀྱི་ཁྱབ་ཁོངས་དེ་དུག་རྫས་ལྐོག་འཚོང་དང་རྐུ་འཕྲོག་སོགས་ཀྱི་བྱ་སྤྱོད་ལ་རྒྱ་བསྐྱེད་ཡོད་ཟེར།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注