ཀྲུང་གོ་དང་རྒྱ་གར་གྱི་མཐའ་མཚམས་གནད་དོན་དོན་གྱི་དམིགས་བསལ་འཐུས་མིས་པེ་ཅིང་ནས་གྲོས་མོལ་བྱས།

ཀྲུང་གོ་དང་རྒྱ་གར་གྱི་མཐའ་མཚམས་གནད་དོན་དོན་གྱི་དམིགས་བསལ་འཐུས་མིས་པེ་ཅིང་ནས་གྲོས་མོལ་བྱས།

ཀྲུང་གོ་དང་རྒྱ་གར་གྱི་མཐའ་མཚམས་གནད་དོན་དོན་གྱི་དམིགས་བསལ་འཐུས་མིའི་གྲོས་མོལ་ཐེངས23པ་ཚེས18ཉིན་པེ་ཅིང་ནས་བསྡུས། ཀྲུང་གོ་ཕྱོགས་ཀྱི་དམིགས་བསལ་འཐུས་མི། ཀྲུང་གུང་ཀྲུང་དབྱང་ཆབ་སྲིད་ཅུའི་ཨུ་ཡོན། ཀྲུང་དབྱང་ཕྱི་ཕྱོགས་གཞུང་སྒྲུབ་ཁང་གི་ཀྲུའུ་རིན་ཝང་དབྱི་དང་རྒྱ་གར་གྱི་དམིགས་བསལ་འཐུས་མི། རྒྱལ་ཁབ་བདེ་འཇགས་ཀྱི་བློ་འདོན་པ་ཏའོ་ཝ་ཨར་གཉིས་ཀྱིས་ཀྲུང་གོ་དང་རྒྱ་གར་གྱི་མཐའ་མཚམས་གནད་དོན་དང་ཕྱོགས་གཉིས་ཀྱི་འབྲེལ་བ་སོགས་ཀྱི་ཐད་ནས་འཛུགས་སྐྲུན་རང་བཞིན་ལྡན་པའི་འབྲེལ་འདྲིས་ཟབ་མོ་བྱས།

ཝང་དབྱི་ཡིས་བཤད་རྒྱུར། ད་ལོའི་ཟླ10བར། ཀྲུའུ་ཞི་ཞི་ཅིན་ཕིང་གིས་ཁཱ་ཧྲན་ནས་ཙུང་ལི་མའོ་ཏིས་དང་གྲོས་མོལ་མཛད་དེ། ཀྲུང་གོ་དང་རྒྱ་གར་ཕྱོགས་གཉིས་ཀྱི་མཐའ་མཚམས་ས་ཁུལ་གྱི་འབྲེལ་ཡོད་གནད་དོན་ཐག་གཅོད་བྱེད་པའི་ཐད་ནས་བླངས་པའི་གྲུབ་འབྲས་ལ་གདེང་འཇོག་ཆེན་པོ་བྱས་པ་དང་། ཀྲུང་གོ་དང་རྒྱ་གར་གྱི་འབྲེལ་བ་ལེགས་བཅོས་དང་འཕེལ་རྒྱས་སུ་གཏོང་བའི་ཐད་ནས་ཐུན་མོང་གི་ལྟ་ཚུལ་གལ་ཆེན་བཀོད། རྒྱལ་ཁབ་གཉིས་ཀྱི་འགོ་ཁྲིད་པས་གནད་འགག་གི་སྐབས་སུ་ཀྲུང་གོ་དང་རྒྱ་གར་གྱི་འབྲེལ་བའི་འཕེལ་རྒྱས་སླར་གསོ་བྱེད་པར་ཁ་ཕྱོགས་གསལ་སྟོན་བྱས་ཡོད། དེ་རིང་གི་དམིགས་བསལ་གྲོས་མོལ་ནི་ལོ་ངོ་ལྔའི་རིང་གི་དམིགས་བསལ་འཐུས་མིའི་དངོས་གཞིའི་གྲོས་མོལ་ཐོག་མ་ཡིན་ཞིང་། ཕྱོགས་གཉིས་ཀྱིས་ཉམས་མྱོང་སྤྱི་བསྡོམས་དང་མ་འོངས་པར་ཁ་ཕྱོགས་པ། མཉམ་ལས་མཉམ་རྒྱལ་བཅས་ཀྱི་སྙིང་སྟོབས་བཟུང་ནས། མཐའ་མཚམས་ཀྱི་གནད་དོན་དེ་ཕྱོགས་གཉིས་ཀྱི་འབྲེལ་བའི་གོ་གནས་འོས་འཚམ་སྟེང་འཇོག་པ་དང་། མཐའ་མཚམས་ས་ཁུལ་གྱི་ཞི་བདེ་དང་གཏན་འཇགས་ལ་མཉམ་དུ་སྲུང་སྐྱོབ་བྱས་ཏེ། ཀྲུང་གོ་དང་རྒྱ་གར་གྱི་འབྲེལ་བ་དེ་སྔ་མོ་ནས་གཏན་འཇགས་བདེ་ཐང་གི་འཕེལ་རྒྱས་ལམ་དུ་ཞུགས་པར་སྐུལ་འདེད་གཏོང་དགོས་ཟེར།

ཏའོ་ཝ་ཨར་གྱིས་བཤད་རྒྱུར། རྒྱ་གར་དང་ཀྲུང་གོའི་བར་ཐུན་མོང་གི་ཁེ་ཕན་དང་ལྟ་ཚུལ་གཅིག་མཚུངས་ཡོད་པས། ཞི་བདེ་མཉམ་གནས་དང་ལག་རྡང་སྦྲེལ་ནས་གོང་འཕེལ་མཉམ་བརྩོན་བྱེད་དགོས། འདས་པའི་ལོ5ནང་། ཕྱོགས་གཉིས་ཀྱིས་མཉམ་དུ་འབད་བརྩོན་བྱས་འོག མཐའ་མཚམས་ས་ཁུལ་གྱི་འབྲེལ་ཡོད་གནད་དོན་ཐག་གཅོད་བཟང་བོ་བྱས་ཏེ་དོན་སྙིང་གལ་ཆེན་ལྡན། རྒྱ་གར་ཕྱོགས་ཀྱིས་ཀྲུང་གོའི་བར་དངོས་གཉེར་གྱི་རྣམ་འགྱུར་བཟུང་ཞིང་། ཕན་ནུས་ལྡན་པའི་འབྲེལ་འདྲིས་སྲུང་འཛིན་བྱས་ཏེ། མཇུག་མཐར་མཐའ་མཚམས་གནད་དོན་ཐག་གཅོད་བྱེད་པར་ཆ་རྐྱེན་བཟང་བོ་བསགས་འདོད་ཡོད་ཟེར།

ཕྱོགས་གཉིས་ཀྱིས2005ལོར་བཀོད་པའི་ཆབ་སྲིད་མཛུབ་སྟོན་རྩ་དོན་གཞིར་བཟུང་སྟེ། འདྲ་མཉམ་དང་ལུགས་མཐུན་ཡིན་ལ། ཕྱོགས་གཉིས་ཀྱིས་དང་ལེན་བྱེད་ཐུབ་པའི་མཐའ་མཚམས་གནད་དོན་ཐག་གཅོད་ཀྱི་ཇུས་གཞི་རབ་དང་རིམ་པ་འཚོལ་ཞིབ་བྱེད་པའི་ཞོར་དུ། སླ་མོ་ནས་དཀའ་མོའི་བར་རིམ་འཕར་གྱི་བྱ་བའི་ལམ་ཐིག་ཇུས་གཞི་ཆགས་པར་བྱེད་དགོས་པ་བསྐྱར་སྒྲོག་བྱས། ཕྱོགས་གཉིས་ཀྱིས་མཐའ་མཚམས་གནད་དོན་གྱི་དམིགས་བསལ་འཐུས་མིའི་གྲོས་མོལ་རྐྱེན་སྲོལ་གྱི་ནུས་པ་འདོན་སྤེལ་གང་ལེགས་བྱས་ནས་མཐའ་མཚམས་ས་ཁུལ་གྱི་གནས་བབ་རྒྱུན་ལྡན་ཅན་དུ་འགྱུར་བར་ཤུགས་སྣོན་བྱེད་རྒྱུ་ནན་བཤད་བྱས།