པུའུ་ཅི་ནཱ་ཧྥ་སའོ་ཡི་ཙུང་ཐུང་གིས་ཙུང་ལི་གསར་བ་བསྐོ་བཞག་བྱས།

ཝ་ཅཱ་ཏུའུ་ཀུའུ་ཡིས་གནས་ཚུལ་སྤེལ་བ་ལྟར་ན། པུའུ་ཅི་ནཱ་ཧྥ་སའོ་ཡི་ཙུང་ཐུང་དབྱི་པུའུ་ལཱ་ཞིན·ཐེ་ལཱ་ཨའོ་ལིས་ཀྱིས་ཚེས7ཉིན་སྲིད་གཞུང་གི་བཀའ་རྒྱར་མིང་བཀོད་དེ། ཝེ་ཏི་ལཱ་ཨའོ་ཀི་ཙུང་ལི་གསར་བར་བསྐོ་བཞག་བྱས།

པུའུ་ཅི་ནཱ་ཧྥ་སའོ་ཡི་སྲིད་གཞུང་གི་དྲུང་ཡིག་ཆེན་མོ་མཱ་ཏིས་ཡཱ་སི·ཐེ་ལཱ་ཨའོ་ལིས་ཀྱིས་ཉིན་དེའི་དགོང་མོར་པུའུ་ཅི་ནཱ་ཧྥ་སའོ་རྒྱལ་ཁབ་རྒྱང་སྒྲོག་བརྙན་འཕྲིན་ཁང་ནས་སྲིད་གཞུང་གི་བཀའ་རྒྱ་དེ་སྒྲོག་འདོན་བྱས།

ཝེ་ཏི་ལཱ་ཨའོ་ཀི་ཡིས2022ལོའི་ཟླ10པ་ནས་བཟུང་པུའུ་ཅི་ནཱ་ཧྥ་སའོ་ཡི་གསར་འགྱུར་དང་རིག་གནས། སྒྱུ་རྩལ་དང་ཡུལ་སྐོར་བཅས་ཀྱི་པུའུ་ཀྲང་གི་འགན་ཁུར་བ་རེད།

དབྱི་པུའུ་ལཱ་ཞིན·ཐེ་ལཱ་ཨའོ་ལིས་ཀྱིས་ཚེས6ཉིན་སྲིད་གཞུང་གི་བཀའ་རྒྱར་མིང་རྟགས་བཀོད་པ་དང་། ཅི་ཡེ་ལང་གི་ཙུང་ལིའི་འགན་ཁུར་མཚམས་བཞག་པར་མ་ཟད་སྲིད་གཞུང་གཏོར་བ་ཁྱབ་བསྒྲགས་བྱས།