སུ་རུ་ཡའི་དམག་ཕྱོགས་ཀྱིས་ཉུང་མཐར་ཡང་ངོ་རྒོལ་ཤོག་ཁག་གི་དྲག་ཆས་དང་ཐལ་སྐྱོད་རྩ་འཛུགས་ཀྱི་མི་སྣ300ལྷག་བསད་པར་བཤད།

ཟླ12པའི་ཚེས4ཉིན།　སི་རི་ཡའི་དམག་ཕྱོགས་ཀྱིས་བསྒྲགས་པའི་གནས་ཚུལ་ལྟར་ན།　སྲིད་གཞུང་དམག་གིས་ཉིན་དེར་དབུས་རྒྱུད་ཀྱི་ཧ་མ་ཞིང་ཆེན་དུ་ཡོད་པའི་ངོ་རྒོལ་ཤོག་ཁག་གི་དྲག་ཆས་དང་ཐལ་སྐྱོད་རྩ་འཛུགས་ཀྱི་མི་སྣ་ཉུང་མཐར་ཡང300བསད་པ་དང་མི་མེད་གནམ་གྲུ25ལྷག་གཏོར་བར་བཤད།　

སྤེལ་བའི་གནས་ཚུལ་ལྟར་ན།　ཉིན་དེའི་ཞོགས་པ་ནས་བཟུང་སི་རི་ཡ་སྲིད་གཞུང་དམག་གིས་ས་ངོས་ཀྱི་དྲག་ཤུགས་དང་དམག་འཐབ་གནམ་གྲུ་བཀོལ་ནས་ཧ་མ་ཞིང་ཆེན་བྱང་རྒྱུད་དུ་ཡོད་པའི་ངོ་རྒོལ་ཤོག་ཁག་གི་དྲག་ཆས་ལ་མུ་མཐུད་ནས་རྡུང་རྡེག་བཏང་ཞིང་།　རྐྱེན་ལམ་དུ་ཤོར་བའི་དྲག་ཆས་མི་སྣ་ཁྲོད་ཕྱི་རྒྱལ་བ་ཡང་ཚུད་ཡོད།　

ཚེས4ཉིན།　སི་རི་ཡའི་སྨྱན་སྦྱོར＂ཧྲ་མུའུ་སྒྲ་ཟློས＂སྟེང་སྤེལ་བའི་གནས་ཚུལ་ལྟར་ན།　སི་རི་ཡ་སྲིད་གཞུང་དམག་གིས་ཧ་མ་ཞིང་ཆེན་གྱི་བྱང་རྒྱུད་དང་ནུབ་བྱང་རྒྱུད།　བྱང་ཤར་རྒྱུད་བཅས་འཐབ་ཕྱོགས་གསུམ་ཀ་ནས་ངོ་རྒོལ་ཤོག་ཁག་གི་དྲག་ཆས་བར་མུ་མཐུད་དུ་དམག་འཁྲུག་བརྒྱབ་པ་རེད།　སྨྱན་སྦྱོར་དེས་ད་དུང་སི་རི་ཡའི་བྱང་རྒྱུད་ཀྱི་གྲོང་ཁྱེར་ཆེ་ཤོས་ཨ་ལེ་པོའི་གྲོང་མིའི་སྐད་ཆ་དྲངས་ནས་བཤད་རྒྱུར།　ཐོབ་ཐང་གསལ་པོ་མི་ཤེས་པའི་དྲག་ཆས་པས་གྲོང་ཁྱེར་དེའི་གྲོང་མིའི་སྡོད་ཁུལ་ཁག་གཅིག་ལ་ལྐོག་རྐུ་བྱས་ཤིང་།　ཨ་ལེ་ཕོ་གྲོང་ཁྱེར་ཉེ་འཁོར་དུ་མཚམས་རེར་འཕྲིན་གཏོང་ཆད་སྟབས།　དངུལ་ཁང་དང་དངུལ་ལོར་བརྗེ་ས་ཚུད་པའི་དངུལ་རྩའི་སྒྲིག་གཞི་སྔར་བཞིན་སྒོ་བརྒྱབ་ཡོད།　

ཟླ11པའི་ཚེས27ཉིན་ནས་བཟུང་།　སི་རི་ཡ་སྲིད་གཞུང་དམག་དང་ངོ་རྒོལ་ཤོག་ཁག་གི་དྲག་ཆས་བར་དང་།　དེ་མིན་ཐལ་སྐྱོད་རྩ་འཛུགས་བར་སི་རི་ཡའི་ནུབ་བྱང་རྒྱུད་ས་ཁུལ་དུ་གཞི་ཁྱོན་ཆེ་བའི་འཐབ་འཛིང་བྱས།　ཟླ11པའི་ཚེས30ཉིན་སི་རི་ཡའི་དམག་ཕྱོགས་ཀྱིས་ངོ་རྒོལ་ཤོག་ཁག་གི་དྲག་ཆས་པ་ཨ་ལེ་ཕོ་གྲོང་ཁྱེར་དུ་འབྱོར་ཡོད་པར་བཤད།།