དབྱི་སི་རལ་གྱི་དམག་དཔུང་གིས་ལེ་པཱ་ནུན་ལྷོ་ཕྱོགས་ཀྱི་ཀྲིན་ཀྲུའུ་ཏང་གི་སྒྲིག་ཆས་ལ་བར་སྣང་འཇབ་རྒོལ་བྱས།

དབྱི་སི་རལ་གྱི་རྒྱལ་སྲུང་དམག་དཔུང་གིས་ཚེས28ཉིན་གྱི་ཕྱི་དྲོར་གསལ་སྒྲོག་སྤེལ་ཏེ། དབྱི་སི་རལ་གྱི་དམག་དཔུང་གིས་ཉིན་དེའི་སྔ་དྲོར་ལེ་པཱ་ནུན་ལྷོ་ཕྱོགས་ཀྱི་ཀྲིན་ཀྲུའུ་ཏང་གིས་འབྲིང་འཕེན་མེ་ཤུགས་འཕུར་མདའ་གསོག་འཇོག་བྱེད་སའི་སྒྲིག་ཆས་ཁྲོད་འཇིགས་ཉེན་ཆེན་པོ་ཡོད་པ་མཐོང་ནས། དབྱི་སི་རལ་གྱི་དམག་དཔུང་གི་འཐབ་འཛིང་གནམ་གྲུས་འཇིགས་ཉེན་དེ་ཕམ་ཉེས་སུ་བཏང་བ་ཡིན་ཟེར།

གསལ་སྒྲོག་ལས་བཤད་རྒྱུར། མིག་སྔར་དབྱི་སི་རལ་གྱི་དམག་དཔུང་སྔར་བཞིན་ལེ་པཱ་ནུན་ལྷོ་ཕྱོགས་ས་ཁུལ་དུ་བཅའ་སྡོད་བྱས་ཡོད་པ་དང་། འཁྲུག་རྩོད་མཚམས་འཇོག་པའི་གྲོས་མཐུན་དང་འགལ་བའི་བྱ་སྤྱོད་ལ་ཆམ་ཕབ་གཏོང་བཞིན་ཡོད་ཟེར།

མིག་སྔར་ལེ་པཱ་ནུན་གྱི་ཀྲིན་ཀྲུའུ་ཏང་གིས་ཐེངས་འདིའི་འཇབ་རྒོལ་དོན་རྐྱེན་ཐད་ནས་རྣམ་འགྱུར་ཅི་ཡང་བསྟན་མེད།