དབྱི་ལིང་གྲོས་ཁང་གི་གྲོས་དཔོན་གྱིས་སྔར་ལས་ལྷག་པའི་སྒོ་ནས་དབྱི་ལིང་དང་ཀྲུང་གོའི་མཉམ་ལས་རྒྱ་བསྐྱེད་དགོས་པའི་ཚུལ་བསྟན།

དབྱི་ལིང་གྲོས་ཁང་གི་གྲོས་དཔོན་ཁཱ་ལེ་པཱ་ཧྥུའུ་ཡིས་ཚེས27ཉིན་ཏི་ཧེ་ལན་ནས་བསྡུས་པའི་གསར་འགྱུར་སྒྲོག་སྤེལ་ཚོགས་འདུའི་སྟེང་བཤད་རྒྱུར། དབྱི་ལིང་གིས་སྔར་ལས་ལྷག་པའི་སྒོ་ནས་ཀྲུང་གོའི་བར་གྱི་ཕྱོགས་གཉིས་ཀྱི་མཉམ་ལས་རྒྱ་བསྐྱེད་དགོས་ཟེར།

ཁཱ་ལེ་པཱ་ཧྥུའུ་ཡིས་ཞིན་ཧྭ་གསར་འགྱུར་ཁང་གི་གསར་འགོད་པའི་དྲི་བར་ལན་འདེབས་སྐབས་བཤད་རྒྱུར། ཕྱོགས་གཉིས་དང་ས་ཁུལ། རྒྱལ་སྤྱི་བཅས་ཀྱི་རིམ་པ་དང་། ཡང་ན་ཆབ་སྲིད་དང་དཔལ་འབྱོར། རིག་གནས། ཁོར་ཡུག བདེ་འཇགས་སོགས་ཀྱི་ཁྱབ་ཁོངས་གང་ཡིན་ཡང་། དབྱི་ལིང་དང་ཀྲུང་གོའི་བར་འཐབ་ཇུས་འབྲེལ་བ་ཟབ་མོ་ཡོད། དབྱི་ལིང་གིས་ཀྲུང་གོའི་བར་གྱི་མཉམ་ལས་རྒྱ་བསྐྱེད་འདོད་ཡོད་པ་དང་། ས་ཁུལ་དང་རྒྱལ་སྤྱིའི་རིམ་པ་ནས་རྒྱལ་ཁབ་གཉིས་ཀྱི་འབྲེལ་བའི་འཕེལ་རྒྱས་ལ་སྔར་ལས་སྐུལ་འདེད་གཏོང་འདོད་ཡོད་ཟེར།

ཁཱ་ལེ་པཱ་ཧྥུའུ་ཡིས་ད་རུང་བཤད་རྒྱུར། གསེར་གྱོམ་རྒྱལ་ཁབ་དང་ཧྲང་ཧེ་མཉམ་ལས་རྩ་འཛུགས་སོགས་ཕྱོགས་མང་རྐྱེན་སྲོལ་གྱིས་རྒྱལ་ཁབ་གཉིས་ཀྱིས་མཉམ་ལས་རྒྱ་བསྐྱེད་པར་གོ་སྐབས་འདོན་སྤྲོད་བྱས་ཡོད་ཟེར།