སི་རི་ཡཱའི་སྲིད་གཞུང་དམག་དཔུང་དང་ངོ་རྒོལ་ཕྱོགས་ཁག་གི་དྲག་ཆས་པའི་བར་ནུབ་བྱང་ས་ཁུལ་ནས་གཞི་རྒྱ་ཆེ་བའི་འཁྲུག་རྩོད་བྱུང་།

སི་རི་ཡཱའི་དམག་ཕྱོགས་ཀྱིས་ཚེས28ཉིན་གསལ་སྒྲོག་སྤེལ་ཏེ། སི་རི་ཡཱའི་དམག་དཔུང་དང་ངོ་རྒོལ་ཕྱོགས་ཁག་གི་དྲག་ཆས་པའི་བར་ཚེས27ཉིན་ནས་བཟུང་ནུབ་བྱང་ས་ཁུལ་ནས་གཞི་རྒྱ་ཆེ་བའི་འཁྲུག་རྩོད་བྱུང་བ་དང་། ངོ་རྒོལ་ཕྱོགས་ཁག་གི་དྲག་ཆས་པར་ཤི་རྨས་ཚབས་ཆེན་བཟོས་ཡོད་ལ། མིག་སྔར་འཁྲུག་རྩོད་མུ་མཐུད་དུ་སྤེལ་བཞིན་ཡོད་ཟེར།

གསལ་སྒྲོག་ལས་བཤད་རྒྱུར། སི་རི་ཡཱའི་ངོ་རྒོལ་ཕྱོགས་ཁག་གི་དྲག་ཆས་པས་ཚེས27ཉིན་ནས་བཟུང་སི་རི་ཡཱའི་ནུབ་བྱང་ཕྱོགས་ཀྱི་ཨ་ལེ་ཕའོ་དང་དབྱེ་ཏི་ལེ་པུའུ་ཞིང་ཆེན་གྱི་ཞིང་སྡེ་ས་ཁུལ་དུ་གཞི་རྒྱ་ཆེ་བའི་འཇབ་རྒོལ་བྱས་པ་དང་། དེའི་ནང་སི་རི་ཡཱའི་སྲིད་གཞུང་དམག་དཔུང་གིས་ཚོད་འཛིན་བྱེད་པའི་མཁར་གྲོང་དང་སྡེ་བ། དམག་དོན་རྟེན་གཞི་བཅས་འདུས་ཡོད། སི་རི་ཡཱའི་སྲིད་གཞུང་དམག་དཔུང་གིས་མནའ་མཐུན་དམག་དཔུང་གི་གཞོགས་འདེགས་འོག་དྲག་ཆས་སྣ་ཚོགས་བཀོལ་ནས་རྒོལ་ལན་སྤྲད་པ་དང་། ངོ་རྒོལ་ཕྱོགས་ཁག་གི་དྲག་ཆས་མི་སྣར་ཤི་རྨས་ཐེབས་ཡོད་ལ། སྒྲིག་ཆས་ལ་གཏོར་བརླག་ཐེབས་ཡོད་ཟེར།

མིག་སྔར་སི་རི་ཡཱའི་ནུབ་བྱང་ས་ཁུལ་དེ་སྔར་བཞིན་སི་རི་ཡཱའི་ངོ་རྒོལ་ཕྱོགས་ཁག་གི་དྲག་ཆས་པ་དང་ཐལ་སྤྱོད་རྩ་འཛུགས་རེ་འགས་བཙན་བཟུང་བྱས་ཡོད་པ་རེད།