ཨུ་རུ་སུའི་སྨྱན་སྦྱོར་གྱིས་ཨུ་རུ་སུའི་དམག་དཔུང་གིས་ཁུའུ་ལ་ཧོ་ཝོ་གྲོང་ཁྱེར་གྱི་ལྟེ་གནས་བར་ཕར་རྒོལ་བྱས་ཡོད་ཅེས་བཤད།

ཡོང་ཁུངས། ཀྲུང་གོ་བོད་ཀྱི་དྲ་བ། རྩོམ་སྒྲིག་པ། གུ་རུ་སྐྱབས། 2024-11-28 15:22:32 ཀློག་གྲངས།1820

ཨུ་རུ་སུའི་རྒྱལ་སྲུང་པུའུ་ཡིས་དམག་འཐབ་གནས་ཚུལ་སྤེལ་བའི་ནང་། འདས་ཟིན་པའི་ཉིན་མཚན་གཅིག་གི་རིང་། ཨུ་རུ་སུའི་དམག་དཔུང་གིས་ཡུག་རེན་གྱི་དམག་དོན་བཟོ་ལས་ཁེ་ལས་ལ་འགན་སྲུང་བྱེད་པའི་དམག་སྤྱོད་གནམ་གྲུ་ཐང་གི་སྒྲིག་བཀོད་དང་། ནུས་ཁུངས་ཀྱི་སྒྲིག་བཀོད་ལ་རྡུང་རྡེག་བཏང་པ་དང་། ཨུ་རུ་སུའི་དམག་དཔུང་གི་མཁའ་ཟོན་མ་ལག་གིས་མི་མེད་གནམ་གྲུ45གཏོར་བ་དང་དུས་མཚུངས་སུ་མདེལ་ལམ་འཕུར་མདའ8བཀག་ཡོད་པར་བཤད།

ཡུག་རེན་དྲག་ཆས་དཔུང་སྡེའི་སྤྱི་ཁྱབ་དྲག་ཇུས་པུའུ་ཡིས་གཡུལ་སར་དམག་འཐབ་ཐེངས་བརྒྱ་ལྷག་བརྒྱབ་པ་དང་། འཁྲུག་ཡུལ་དེ་གཙོ་བོ་ཁུའུ་ལ་ཧོ་ཝོ་དང་པོ་ཁེ་ལོ་ཧྥུ་སི་ཁེའི་ཕྱོགས་ཡིན་ཞེས་བཤད། ཨུ་རུ་སུའི་རྒྱལ་ཁབ་སྨྱན་སྦྱོར་གྱིས་ཚེས་25ཉིན་སྤེལ་བའི་གནས་ཚུལ་ལྟར་ན། ཨུ་རུ་སུའི་དམག་དཔུང་གིས་ཏུན་ཉེ་ཚི་ཁེའི་ཁུའུ་ལ་ཧོ་ཝོ་གྲོང་ཁྱེར་གྱི་ལྟེ་གནས་བར་ཕར་རྒོལ་བྱས་ཡོད་པ་བསྟན་ཡོད། ཡུག་རེན་གྱི་ཙུང་ཐུང་ཙེ་ལེན་སི་ཅིས་ཉིན་དེར་སྤྱི་འབྲེལ་སྨྱན་སྦྱོར་ཐོག མིག་སྔར་ཁུའུ་ལ་ཧོ་ཝོ་ཕྱོགས་ཀྱི་ཡུག་རེན་དམག་དཀའ་ཚེགས་ཆེ་བའི་གནས་སུ་གྱར་ཡོད་ཅེས་དང་། ཁོང་གིས་ཁུའུ་ལ་ཧོ་ཝོ་ཡི་ཕྱོགས་ནི་དཀའ་ངལ་ཆེ་ཤོས་ཀྱི་ཕྱོགས་དེ་ཡིན། ཡུག་རེན་དམག་གིས་གཡུལ་སར་ཤུགས་སྣོན་བཞིན་ཡོད་པ་དང་། གཞན་ཡང་ཀྲ་པོ་ལོའི་རེའི་ཕྱོགས་སུ་ཉེན་ཁ་ཡོད་པ་ཤེས་རྟོགས་བྱུང་ཡོད་ལ། ཡུག་རེན་དམག་གིས་དུས་བབ་ལ་ཚོད་འཛིན་བྱེད་བཞིན་ཡོད་ཅེས་བསྟན། །