འཇར་མན་ཙུང་ལིས་ཟླ12པར་ཡིད་ཆེས་འདེམས་ཤོག་འཕེན་དུ་འཇུག་རྒྱུ་རེད།

ཟླ11པའི་ཚེས12ཉིན།　སྤྱི་ཚོགས་དམངས་གཙོ་ཏང་གི་ཏང་ཚོགས་ཀྱི་ཀྲུའུ་ཞི་སྨི་ཚེ་ཉི་ཞི་ཡིས་ཁྱབ་བསྒྲགས་བྱས་དོན།　འཇར་མན་གྱི་ཙུང་ལི་ཧྲོ་ཨར་ཚེ་ཡིས་ཟླ12པར་རྒྱལ་ཕྲན་མཉམ་འབྲེལ་གྲོས་ཁང་དུ་ཡིད་རྟོན་འདེམས་ཤོག་འཕེན་རྒྱུ་དང་འདེམས་ཤོག་འཕེན་པའི་དུས་ཚོད་ཟླ12པའི་ཚེས16ཉིན་ལ་གཏན་འཁེལ་བྱས་ཡོད།　

"མཉམ་ལས་ལ་ཡིད་ཆེས་བྱེད་པའི་རྨང་གཞི"མེད་པའི་རྐྱེན་གྱིས་སུའོ་ཨེར་ཚི་ཡིས་ཟླ11པའི་ཚེས6ཉིན་རང་དབང་དམངས་གཙོ་ཏང་གི་ཀྲུའུ་ཞི་ལིན་ཏེ་ན་ཡི་ནོར་སྲིད་པུའུ་ཀྲང་གི་གོ་གནས་མེད་པ་བཟོས་པ་དང་དེ་རྗེས་རང་དབང་དམངས་གཙོ་ཏང་གིས་སྐབས་འདིའི་མཉམ་འབྲེལ་སྲིད་གཞུང་ནས་ཕྱིར་འཐེན་བྱ་རྒྱུའི་ཁྱབ་བསྒྲགས།　འདིས་ཧྲོ་ཨར་ཚི་ཡིས་མགོ་ཁྲིད་པའི་སྤྱི་ཚོགས་དམངས་གཙོ་ཏང་དང་རང་དབང་དམངས་གཙོ་ཏང་།　ལྗང་ཏང་བཅས་ལས་གྲུབ་པའི་སྲིད་འཛིན་མནའ་འབྲེལ་ཐོར་ཞིག་ཏུ་སོང་བ་མཚོན།　

འཇར་མན་སྨྱན་སྦྱོར་གྱིས་དབྱེ་ཞིབ་བྱས་པ་ལྟར་ན།　མིག་སྔར་གྲངས་ཉུང་ཕྱོགས་ཁག་གི་སྲིད་གཞུང་ལ་མགོ་འཁྲིད་མཁན་ཧྲོ་ཨར་ཚེ་ལ་འདེམས་ཤོག་ཕྱེད་ཀ་ཡན་གྱི་རྒྱབ་སྐྱོར་ཐོབ་པ་ནས་ཡིད་ཆེས་འདེམས་ཤོག་ཐོབ།　སྤྱི་ཚོགས་དམངས་གཙོ་ཏང་དང་སྲིད་དབང་བཟུང་མེད་པའི་ཏང་གི་མནའ་འབྲེལ་ཏང་ཁག་བར་གྲོས་མཐུན་བཞག་པར་གཞིགས་ན། ཡིད་ཆེས་འདེམས་ཤོག་ལ་གྲོས་འཆམ་བྱུང་མེད་པའི་གནས་ཚུལ་འོག་ཧྲོ་ཨར་ཚི་ཡིས་ཙུང་ཐུང་ལ་གྲོས་ཚོགས་མེད་པ་བཟོ་རྒྱུ་དང་སང་ལོའི་ཟླ9པའི་ཚེས28ཉིན་འཚོགས་འཆར་ཡོད་པའི་རྒྱལ་ཕྲན་མཉམ་འབྲེལ་གྲོས་ཁང་གི་འདེམས་བསྐོ་དེ་སང་ལོའི་ཟླ2པའི་ཚེས23ཉིན་བར་སྔ་སྣུར་བྱ་རྒྱུའི་གྲོས་མགོ་བཏོན།

འཇར་མན་གྱི《གཞི་རྩའི་བཅའ་ཁྲིམས》ལྟར་ན།　སྲིད་གཞུང་ལ་ཡིད་ཆེས་ཀྱི་འདེམས་ཤོག་མ་ཐོབ་ཚེ་ཙུང་ཐུང་གིས་ཙུང་ལིའི་གྲོས་མགོ་བཏོན་པའི་གནས་ཚུལ་འོག་རྒྱལ་ཕྲན་མཉམ་འབྲེལ་གྲོས་ཁང་མེད་པར་བཟོ་ཆོག་ལ།　གྲོས་ཁང་མེད་པར་བཟོས་ནས་ཉིན60ཡི་ནང་གསར་འདེམས་བྱ་དགོས།