ཟླ11པའི་ཚེས11ཉིན། ཀྲུང་གོ་དང་ཨར་པ་ནི་ཡ་བར་ཕྱི་འབྲེལ་བཙུགས་ནས་ལོ་འཁོར75ལོན་པའི་རིག་གཞུང་བགྲོ་གླེང་ཚོགས་འདུ་ཨར་པ་ནི་ཡའི་རྒྱལ་ས་ཐི་ལ་ན་རུ་བསྡུས། ཨར་པ་ནི་ཡར་སྡོད་པའི་ཀྲུང་གོའི་གཞུང་ཚབ་ཆེན་མོ་བ་ཕང་ཁྲུན་ཞའེ་དང་ཨར་པ་ནི་ཡའི་ཕྱི་འབྲེལ་པུའུ་ཀྲང་གཞོན་པ་ཧྥེ་ནུའོ། ཨར་པ་ནི་ཡ་དང་ཀྲུང་གོའི་མཛའ་མཐུན་ཚོགས་པའི་ཀྲུའུ་ཞི་ན་ནུའོ། དེ་མིན་ཀྲུང་གོ་དང་ཨར་པ་ནི་ཡའི་ཆེད་མཁས་པ་སོགས་མི་བརྒྱ་ལྷག་ཚོགས་འདུར་ཞུགས།
ཕང་ཁྲུན་ཞའེ་ཡིས་ཤིས་ཚིག་ཕུལ་སྐབས། ཕྱི་འབྲེལ་བཙུགས་ནས་ལོ་འཁོར75ལོན་པའི་རིང་། ཀྲུང་གོ་དང་ཨར་པ་ནི་ཡ་བར་ཕན་ཚུན་བརྩི་འཇོག་དང་ལྟ་སྟངས་འདྲ་མཉམ། གཉིས་ཁེ་མཉམ་རྒྱལ་བཅས་ཀྱི་རྩ་དོན་མཐའ་འཁྱོངས་བྱས་ཏེ། ཕྱོགས་གཉིས་ཀྱི་འབྲེལ་བ་བརྟན་བརླིང་ངང་འཕེལ་བར་སྐུལ་འདེད་བཏང་ཡོད། མ་འོངས་པར་ཀྲུང་གོ་ཕྱོགས་ཀྱིས་ཨར་པ་ནི་ཡ་ཕྱོགས་དང་མཉམ་དུ་འབད་བརྩོན་བྱས་ཏེ་ཆབ་སྲིད་ཐད་ཕན་ཚུན་ཡིད་ཆེས་བྱེད་ཤུགས་ཆེ་རུ་གཏོང་བ་དང་དངོས་སྒྲུབ་མཉམ་ལས་རྒྱ་ཆེར་གཏོང་བ། སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་སྤེལ་རེས་བྱེད་པར་སྐུལ་འདེད་གཏོང་བ་བཅས་བྱས་ཏེ་ཀྲུང་ཨའི་སྲོལ་རྒྱུན་མཛའ་མཐུན་དེ་དུས་སྐབས་གསར་པའི་ནང་སྐྱེ་སྟོབས་དང་གསོན་ཤུགས་སྔར་བས་རྒྱས་སུ་འཇུག་འདོད་ཡོད་ཚུལ་བསྟན།
ཧྥེ་ནའོ་ཡིས་ཤིས་ཚིག་ཕུལ་སྐབས། ཨ་ཀྲུང་བར་ཕྱི་འབྲེལ་བཙུགས་ནས་ལོ་འཁོར75ལོན་པ་ནི་རྒྱལ་ཁབ་གཉིས་ཀྱི་སྲོལ་རྒྱུན་གྱི་མཛའ་མཐུན་ལོ་རྒྱུས་སྟེང་གི་དམིགས་བསལ་གྱི་དུས་སྐབས་ཤིག་རེད། ཨར་པ་ནི་ཡ་ཕྱོགས་ཀྱིས་ཐེངས་འདིའི་གོ་སྐབས་དམ་འཛིན་བྱས་ཏེ། ཀྲུང་གོ་དང་མཉམ་དུ་རྒྱུས་ལོན་གཏིང་ཟབ་དང་མཉམ་ལས་དམ་ཟབ་བྱེད་པ་དང་ལག་གདང་མཉམ་སྦྲེལ་སྒོས་འགྲན་སློང་ལ་ཁ་གཏད་བཅག་སྟེ་རྒྱལ་ཁབ་གཉིས་ཀྱི་མི་དམངས་ལ་སྔར་ལས་བདེ་སྐྱིད་བསྐྲུན་འདོད་ཡོད་ཚུལ་བསྟན།
ཚོགས་ཞུགས་སྐུ་མགྲོན་གྱིས་ཀྲུང་ཨ་བར་ཕྱི་འབྲེལ་བཙུགས་ནས་ལོ་ངོ75རིང་གི་འབྲེལ་བའི་འཕེལ་རྒྱས་ལ་གདེང་འཇོག་ཚད་མེད་གནང་ཞིང་། རྒྱལ་ཁབ་གཉིས་ཀྱི་མཉམ་ལས་ལ་མདུན་ལྗོངས་རྒྱ་ཆེ་ལྡན་པར་རེ་བ་ཡོད་ཚུལ་བསྟན།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注