ཨ་མེ་རི་ཁའི་སྤྱི་མཐུན་ཏང་གིས་གྲོས་ཁང་འོག་མའི་གོ་གནས་མང་པོ་བརྟན་སྲུང་བྱས་ཡོད་པས་གྲོས་ཁང་གོང་འོག་གཉིས་ཀ་ཚོད་འཛིན་བྱེད་རྒྱུ་རེད།

ཨ་མེ་རི་ཁའི་སྨྱན་བྱད་མང་པོས་ཚེས13ཉིན་ཚོད་རྩིས་དང་གསར་འགྱུར་སྤེལ་བར་གཞིགས་ན། ཨ་མེ་རི་ཁའི་སྤྱི་མཐུན་ཏང་གིས་རྒྱལ་ཚོགས་ཀྱི་གྲོས་ཁང་འོག་མའི་གོ་གནས་ཕྱེད་ཀའི་ཡན་ཟིན་པས། གྲོས་ཁང་འོག་མའི་གོ་གནས་མང་པོ་བརྟན་སྲུང་བྱེད་ཐུབ་ཡོད་ཅིང་། དེ་ལས་སྤྱི་མཐུན་ཏང་གིས་རྒྱལ་ཚོགས་ཀྱི་གྲོང་ཁང་གོང་འོག་གཉིས་ཀར་ཚོད་འཛིན་བྱེད་པ་དང་། གསར་དུ་བདམས་ཐོན་བྱུང་བའི་ཙུང་ཐུང་ཐི་ལིང་ཕུའུ་ཡིས་སྲིད་ཇུས་གཙོ་བོ་ལག་བསྟར་བྱེད་པར་ཕན་ཐོགས་ཡོད་པར་འདོད།

ཨ་མེ་རི་ཁའི་རྒྱལ་ཁབ་རྒྱང་སྒྲོག་ཀུང་སི་དང་ཨ་མེ་རི་ཁའི་བརྙན་འཕྲིན་གསར་འགྱུར་དྲ་བ་སོགས་སྨྱན་བྱད་ཀྱིས་ཁྱབ་བསྒྲགས་བྱས་པའི་ཚོད་རྩིས་མཇུག་འབྲས་ལྟར་ན། སྤྱི་མཐུན་ཏང་གིས་གྲོས་ཁང་འོག་མའི་གོ་གནས་བཞི་བརྒྱ་སོ་ལྔའི་ཁྲོད་ཀྱི་གོ་གནས་ཉིས་བརྒྱ་བཅོ་བརྒྱད་ཟིན་ཡོད་ཅིང་། འདི་ནི་གྲོས་ཁང་འོག་མའི་ཏང་མང་གོ་གནས་སྲུང་འཛིན་བྱེད་པའི་དགོས་ངེས་ཀྱི་གོ་གནས་ཤིག་རེད། དམངས་གཙོ་ཏང་གིས་གྲོས་ཁང་འོག་མའི་གོ་གནས་ཉིས་བརྒྱ་དང་བརྒྱད་ཟིན་ཡོད། མིག་སྔར་གོ་གནས་དགུ་ལྷག་ཡོད་ཀྱང་འདེམ་བསྐོའི་མཇུག་འབྲས་ད་དུང་ཁྱབ་བསྒྲགས་བྱས་མེད།

ཉེ་སྔོན། སྤྱི་མཐུན་ཏང་གིས་གྲོས་ཁང་གོང་མའི་འདེམ་སྒྱུར་ཁྲོད་དམངས་གཙོ་ཏང་གི་ལག་ནས་གོ་གནས་བཞི་བརྩོན་ལེན་བྱས་ཤིང་། གྲོས་ཁང་གི་གོ་གནས་ཞེ་དགུ་ནས་གོ་གནས་ལྔ་གསུམ་ལ་འཕར་ནས། སྐབས་གསར་པའི་རྒྱལ་ཚོགས་ཀྱི་གྲོས་ཁང་གོང་མའི་ཁྲོད་ཀྱི་གོ་གནས་མང་ཆེ་ཤས་ཐོབ་པ་རེད། གྲོས་ཁང་གོང་མར་བསྡོམས་པས་གོ་གནས་བརྒྱ་ཡོད་པ་དང་། ཐེངས་འདིའི་འདེམ་བསྐོའི་འདེམ་སྒྱུར་ཁྲོད་ཀྱི་སུམ་ཆའི་གཅིག་རེད།

ཨ་མེ་རི་ཁའི་གྲོས་ཁང་གོང་མའི་སྤྱི་མཐུན་ཏང་གི་མིས་ཚེས13ཉིན་འགོ་ཁྲིད་པ་འདེམ་བསྐོ་བྱས་ཏེ། ནན་ཏ་ཁི་ཐ་མངའ་སྡེ་ནས་ཐོན་པའི་གྲོས་ཁང་གོང་མའི་སྤྱི་མཐུན་ཏང་གི་ཏང་གཙོ་ཡུའེ་ཧན·ཐུའུ་ཨིན་ཅང་ཅེ་ཐིས་མིས་ཆི·མའེ་ཁང་ནེ་ཨར་སྐབས་རྗེས་མའི་གྲོས་ཁང་གོང་མའི་སྤྱི་མཐུན་ཏང་གི་འགོ་བར་གྱུར།

ཐི་ལིང་ཕུའུ་ཡིས་ཚེས13ཉིན་ཕོ་བྲང་དཀར་པོ་ནས་ད་ལྟའི་ཙུང་ཐུང་པེ་ཏིན་དང་ཐུག་འཕྲད་བྱས། པེ་ཏིན་གྱིས་དབང་ཆ་སྤྲོད་པའི་བྱེད་སྒོ་སྤེལ་རྒྱུའི་ཚུལ་བསྟན་པ་དང་། ཐི་ལིང་ཕུའུ་ཡིས་བཀའ་དྲིན་ཞུས།

ཨ་མེ་རི་ཁའི་སྨྱན་བྱད་གསར་འགྱུར་ལྟར་ན། 2024ལོའི་ཨ་མེ་རི་ཁའི་ཙུང་ཐུང་འདེམ་བསྐོའི་བསྡོམས་རྩིས་གསར་པའི་མཇུག་འབྲས་ལས། ཐི་ལིང་ཕུའུ་ལ་གནད་འགག་གཡོ་འགུལ་གྱི་མངའ་སྡེ་བདུན་པོ་ཚང་མ་ལས་རྒྱལ་ཁ་ཐོབ་སྟེ། འདེམ་ཤོག་སུམ་བརྒྱ་བཅུ་གཉིས་ཡན་ཐོབ་པར་མ་ཟད། འདེམ་བསྐོར་དགོས་ངེས་ཀྱི་འདེམ་ཤོག་ཉིས་བརྒྱ་བདུན་ཅུ་ལས་བརྒལ་བ་རེད། དམངས་གཙོ་ཏང་གི་འདེམ་སྒུག་པ། ཙུང་ཐུང་གཞོན་པ་ཧ་ལིས་སི་ལ་འདེམ་ཤོག་ཉིས་བརྒྱ་ཉེར་དྲུག་ཐོབ་ཡོད།