དབྱི་སི་རལ་གྱིས་ལེ་པ་ནོན་ལ་མཁའ་རྒོལ་བྱས་པ་ལས་མི11རྐྱེན་ལམ་དུ་ཤོར།

ཚེས14ཉིན།  དབྱི་སི་རལ་གྱིས་ལེ་པ་ནོན་གྱི་ཤར་རྒྱུད་དང་ལྷོ་རྒྱུད་ས་ཁུལ་དུ་མཁའ་དབྱིངས་འཇབ་རྒོལ་བྱས་པ་ལས་མི11རྐྱེན་ལམ་དུ་ཤོར་བ་དང་མི9ལ་རྨས་ཕོག་ཡོད།

ལེ་པ་ནོན་རྒྱལ་ཁབ་གསར་འགྱུར་ཁང་གིས་སྤེལ་བའི་གནས་ཚུལ་ལྟར་ན།  དབྱི་སི་རལ་གྱི་དམག་འཐབ་གནམ་གྲུས་ཉིན་དེར་ལེ་པ་ནོན་གྱི་ཤར་རྒྱུད་གྲོང་ཁྱེར་གྱི་པ་ལེ་པེ་ཁེར་མཁའ་རྒོལ་རབ་དང་རིམ་པ་བྱས་པའི་ནང་།  མཁའ་རྒོལ་བྱེད་ཐེངས་གཅིག་གི་དམིགས་ཡུལ་ནི་ཐོག་སོ་གཉིས་ཅན་གྱི་ཁང་པ་ཞིག་ཡིན་ཞིང་།  དོན་རྐྱེན་དེ་ལས་མི9རྐྱེན་ལམ་དུ་ཤོར་བ་དང་མི5ལ་རྨས་སྐྱོན་ཕོག་ཡོད་པ་རེད། རོགས་སྐྱོབ་མི་སྣས་སྔར་བཞིན་ནུས་ཤུགས་ཡོད་རྒུས་རྫ་ལྷེབ་སོགས་ཞིག་རོ་གཙང་སེལ་བྱས་ནས་མི་སྣ་འཚོལ་སྐྱོབ་བྱེད་བཞིན་འདུག

ལེ་པ་ནོན་དམག་ཕྱོགས་ཀྱི་ཆ་འཕྲིན་མི་སྣས་ཞིན་ཧྭ་གསར་འགྱུར་ཁང་གི་གསར་འགོད་པར་བཤད་རྒྱུར།  དབྱི་སི་རལ་གྱི་དམག་འཐབ་གནམ་གྲུས་ཚེས14ཉིན་ལེ་པ་ནོན་གྱི་ལྷོ་རྒྱུད་གྲོང་ཁྱེར་ནའེ་པའེ་ཐེ་ཡེ་དང་དེའི་མཐའ་འཁོར་ས་ཁུལ་ལ་མཁའ་རྒོལ་ཐེངས16བྱས་པ་དང་།  ལྷོ་རྒྱུད་གྲོང་ཁྱེར་ཐི་ཨར་དང་པིན་ཐེ་ཀྲུའུ་པའེ་ལེའི་ཉེ་འགྲམ་གྱི་གྲོང་ཁྱེར་དང་གྲོང་རྡལ་ལ་མཁའ་རྒོལ་ཐེངས11བྱས་པ་རེད། ལེ་པ་ནོན་གྱི་རྒྱ་གྲམ་དམར་པོ་ཚོགས་པའི་ཆ་འཕྲིན་མི་སྣས་གསར་འགོད་པར་བཤད་རྒྱུར།  ནའེ་པའེ་ཐེ་ཡེ་ལ་མཁའ་རྒོལ་བྱས་པ་ལས་མི2རྐྱེན་ལམ་དུ་ཤོར་བ་དང་མི4ལ་རྨས་སྐྱོན་ཕོག་ཡོད་ཟེར།

ཚེས14ཉིན།  ལེ་པ་ནོན་གྱི་སྤྱི་པའི་འཕྲོད་བསྟེན་པུའུ་ཡིས་ཁྱབ་བསྒྲགས་བྱས་པའི་བསྡོམས་རྩིས་གཞི་གྲངས་ལྟར་ན།  ན་ནིང་ཟླ10པའི་ཟླ་སྟོད་ནས་བཟུང་ལེ་པ་ནོན་གྱི་ཀྲིན་ཀྲུའུ་དང་དབྱི་སི་རལ་བར་གྱི་གདོང་ཐུག་དེ་ལས་ལེ་པ་ནོན་དུ་མི3386རྐྱེན་ལམ་དུ་ཤོར་ཟེར།