འཇར་པན་གྱི་མཚོ་ཐོག་རང་སྲུང་རུ་ཁག་གི་འབོམ་སེལ་གྲུ་གཟིངས་ཤིག་མེར་འབར་བ།

ཚེས10ཉིན་གྱི་སྔ་དྲོ། འཇར་པན་གྱི་མཚོ་ཐོག་རང་སྲུང་རུ་ཁག་གི་འབོམ་སེལ་གྲུ་གཟིངས་ཤིག་ཧྥུའུ་ཀང་རྫོང་གི་ཉེ་འདབས་ཀྱི་མཚོ་ནང་དུ་མེར་འབར་རྗེས། ཚེས11ཉིན་གྱི་ནམ་གུང་མགོ་རྟིང་ལོག་པ་དང་། ད་ལྟ་གྲུ་གཟིངས་དེའི་སྟེང་གི་མི་ གཅིག་གར་སོང་ཆ་མེད་དུ་གྱུར་ཡོད་པ་རེད།

ཚེས10ཉིན་གྱི་སྔ་དྲོ། འཇར་པན་གྱི་མཚོ་ཐོག་རང་སྲུང་རུ་ཁག་གི་འབོམ་སེལ་གྲུ་གཟིངས་ཤིག་ཧྥུའུ་ཀང་རྫོང་ཙུང་ཞང་གྲོང་ཁྱེར་གྱི་གླིང་ཕྲན་ཆེན་པོའི་བྱང་ཕྱོགས་ཀྱི་སྤྱི་ལེ2.5ཡི་མཚོ་ཁོངས་སུ་སྐྱོད་སྐབས་མེ་ཤོར་བ་རེད། རོགས་སྐྱོབ་གྲུ་གཟིངས་ཀྱིས་མྱུར་དུ་མེ་བསད་ཀྱང་མེ་གསོད་ཡག་བྱེད་ཐུབ་མེད།  ས་གནས་དེའི་དུས་ཚོད་ཚེས11ཉིན་གྱི་ནམ་གུང་ཙམ་ལ་འབོམ་སེལ་གྲུ་གཟིངས་དེ་མེ་སྐྱོན་གྱི་དབང་གིས་མགོ་རྟིང་ལོག་པ་དང་།   གྲུའི་སྟེང་གི་མི1སྔར་བཞིན་གར་སོང་ཆ་མེད་དུ་གྱུར།

འཇར་པན་གྱི་མཚོ་ཐོག་རང་སྲུང་རུ་ཁག་གིས་གྲུ་གཟིངས་སྟེང་མི40ཙམ་ཡོད་ཅིང་། གྲུ་གཟིངས་དེ་ཚེས10ཉིན་གྱི་སྔ་དྲོ་ཧྲན་ཁི་རྫོང་ཞ་ཀོན་གྲོང་ཁྱེར་གྱི་རྟེན་གཞི་ནས་ལུའུ་ཨེར་ཏའོ་རྫོང་གི་ཀྲི་པུའུ་ཀྲི་གྲུ་ཁར་བསྐྱོད་པའི་ལམ་བར་དུ་མེ་སྐྱོན་བྱུང་བ་རེད་ཅེས་བསྟན།

བསྒྲགས་པའི་གནས་ཚུལ་ལྟར་ན། མེ་དེ་སྒུལ་ཤུགས་འཕྲུལ་འཁོར་ལས་འབར་བ་ཡིན་ཞིང་། འབོམ་སེལ་གྲུ་གཟིངས་དེའི་རིང་ཚད་ལ་སྨི54ཡོད་པ་དང་ཚད་ལྡན་གྱི་ཆུ་ཕྱིར་གཏོང་ཚད་ཏུན510རེད།  ཁབ་ལེན་རང་བཞིན་གྱི་ཆུ་འབོམ་འབར་གས་འབྱུང་བར་སྔོན་འགོག་བྱེད་ཆེད་གྲུ་གཟིངས་དེ་ཤིང་གིས་བཟོས་པ་ཞིག་རེད། འཇར་པན་གྱི་མཚོ་ཐོག་རང་སྲུང་རུ་ཁག་གིས་ད་ལྟ་དོན་རྐྱེན་བརྟག་དཔྱད་ཨུ་ཡོན་ལྷན་ཁང་བཙུགས་ནས་བརྟག་དཔྱད་བྱེད་བཞིན་ཡོད་པ་རེད།