ཀྲ་ཏི་དམག་ཕྱོགས་ཀྱིས་ཚར་གཅོད་བྱ་སྤྱོད་ཁྲོད“པོ་ཁི་གནས་མཆོག”གི་ཁོངས་མི96བསད།

ཡོང་ཁུངས། གངས་ལྗོངས་མེ་ལོང་། རྩོམ་སྒྲིག་པ། གུ་རུ་སྐྱབས། 2024-11-12 15:15:05 ཀློག་གྲངས།1914

ཀྲ་ཏི་དམག་ཕྱོགས་ཀྱིས་ཚེས10ཉིན་གྱི་དགོང་མོར་གསལ་བསྒྲགས་སྤེལ་ནས་བཤད་རྒྱུར། དམག་ཕྱོགས་ཀྱིས་ཚེས9ཉིན་ཀྲ་ཏི་མཚེའུ་རྒྱུད་དུ་གཙང་འཇོམས་ཀྱི་བྱ་སྤྱོད་སྤེལ་བའི་རིང་ལ་ཉུང་མཐར་ཡང“པོ་ཁི་གནས་མཆོག”གི་དྲག་ཆས་པ96བསད་ཡོད་པ་དང་། གཞན་ཡང་མི11ལ་རྨས་སྐྱོན་ཕོག་ཡོད་ཟེར།

གསལ་བསྒྲགས་ལས་བཤད་རྒྱུར། བྱ་སྤྱོད་དེའི་ཁྲོད་སྲིད་གཞུང་གི་དམག་མི་15རྐྱེན་ལམ་དུ་ཤོར་ཡོད་ཅིང་། གཞན་ཡང་དམག་མི32ལ་རྨས་ཕོག་ཡོད་པས་མྱུར་དུ་རྒྱལ་ས་ཨེན་ཅ་མེ་ན་ལ་སྨན་བཅོས་བྱེད་དུ་བསྐྱལ་ཡོད་ཟེར།

དམག་ཕྱོགས་ཀྱི་མགྲིན་ཚབ་པ་ཧྲ་ན་ནེ·དབྱི་ས་ཁ·ཨ་ཞེ་ཧི་ཡིས་བཤད་རྒྱུར། མིག་སྔའི་གནས་བབ་ལ་ཚོད་འཛིན་བྱེད་ཐུབ་ཡོད་པ་དང་གཙང་འཇོམས་ཀྱི་བྱ་སྤྱོད་མུ་མཐུད་དུ་སྤེལ་བཞིན་ཡོད་ཟེར།

ཟླ10བའི་ཚེས27ཉིན། ཀྲ་ཏིའི་ནུབ་རྒྱུད་ཀྱི་དམག་དོན་རྟེན་གཞི་ཞིག་ལ་ཐལ་སྐྱོད་རྩ་འཛུགས“པོ་ཁོ་གནས་མཆོག”གི་འཇབ་རྒོལ་ཐེབས་ནས་ཉུང་མཐར་ཡང་དམག་མི40འཇབ་རྒོལ་དེའི་ཁྲོད་རྐྱེན་ལམ་དུ་ཤོར་བ་དང་། དེའི་རྗེས་སུ་རྒྱལ་ཁབ་དེའི་དམག་ཕྱོགས་ཀྱིས་གཙང་འཇོམས་བྱ་སྤྱོད་སྤེལ་འགོ་བརྩམས་པ་རེད།