དབྱི་སི་རལ་གྱི་དམག་མིས་ཉིན་དེར་ཅཱ་ཧྲའི་ས་ཁུལ་མང་པོར་འཇབ་རྒོལ་བྱས་ནས་ཆེས་ཉུང་མཐར་ཡང་མི14རྐྱེན་ལམ་དུ་ཤོར།
ཕཱ་ལེ་སི་ཐན་ཅཱ་ཧྲ་བདེ་འཇགས་དང་འཕྲོད་བསྟེན་སྡེ་ཁག་གི་གསར་འགྱུར་མི་སྣས་ཚེས2ཉིན་བསྟན་དོན། དབྱི་སི་རལ་གྱི་དམག་མིས་ཉིན་དེར་ཅཱ་ཧྲའི་ས་ཁུལ་མང་པོར་འཇབ་རྒོལ་བྱས་ནས། ཆེས་ཉུང་མཐར་ཡང་མི14རྐྱེན་ལམ་དུ་ཤོར།
གསར་འགྱུར་མི་སྣས་བཤད་རྒྱུར། དབྱི་སི་རལ་གྱི་དམག་མིས་ཅཱ་ཧྲའི་ལྷོ་ཕྱོགས་ཀྱི་གྲོང་ཁྱེར་ཡུག་ཀན་ནེ་སི་དང་ལཱ་ཧྥ་སོགས་སུ་འགས་གཏོར་བཏང་ནས། ཆེས་ཉུང་མཐར་ཡང་མི8རྐྱེན་ལམ་དུ་ཤོར་པ་དང་། མི30ལྷག་ལ་རྨས་སྐྱོན་བཟོས། དབྱི་སི་རལ་གྱིས་ཅཱ་ཧྲའི་བྱང་ཕྱོགས་ཀྱི་ཁང་བ་མང་པོ་རྡིབས་སུ་བཅུག་ནས། ཆེས་ཉུང་མཐར་ཡང་མི5རྐྱེན་ལམ་དུ་ཤོར་པ་དང་། མི7ལ་རྨས་ཕོག གཞན་ཅཱ་ཧྲའི་དབུས་རྒྱུད་ཀྱི་ཡུལ་གྱར་བའི་སྒར་ས་ནུའུ་སེ་ལེ་ཐིག་ལ་བར་སྣང་འཇབ་རྒོལ་བྱས་ནས། བྱིས་པ1བར་སྣང་འཇབ་རྒོལ་ཁྲོད་རྐྱེན་ལམ་དུ་ཤོར་པ་མ་ཟད། དབྱི་སི་རལ་གྱི་དམག་མིས་མུ་མཐུད་དུ་ཅཱ་ཧྲའི་གྲོང་ཁྱེར་གྱི་ལྟེ་བའི་ཤར་ཕྱོགས་སུ་ཡོད་པའི་ཧྲུའུ་ཅཱ་ཨེ་ཡའེ་གཞིས་ཁུལ་དུ་དམག་དོན་འགུལ་བསྐྱོད་སྤེལ།
དབྱི་སི་རལ་གྱི་རྒྱལ་སྲུང་དམག་གིས་ཚེས་གཉིས་ཉིན་གསལ་སྒྲོག་སྤེལ་ནས། དབྱི་སི་རལ་གྱི་དམག་མིས་ཧྲུའུ་ཅཱ་ཨེ་ཡེ་དང་ལཱ་ཧྥ། ཅཱ་ཧྲའི་དབུས་རྒྱུད་བཅས་སུ་ཆམ་ཕབ་བཏང་། ཧྲུའུ་ཅཱ་ཨེ་ཡེ་ས་ཁུལ་དུ་འགུལ་སྐྱོད་སྤེལ་དུས། མཁའ་དམག་དང་སྐམ་དམག་མཉམ་འབྲེལ་བྱས་ནས། འཇིགས་སྐུལ་རིང་ལུགས་པ་འགའ་བསད་པ་དང་། ཁོ་ཚོའི་རྨང་གཞིའི་སྒྲིག་ཆས་བཅུ་ཕྲག་ལ་གཏོར་སྐྱོན་བཟོས་ཡོད་ཟེར།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注