གཞན་གྱི་རང་དགར་ངང་རླངས་འཁོར་བསྐོར་ཏེ་དོན་རྐྱེན་བྱུང་ན་འགན་སུས་འཁུར་དགོས།

རླངས་འཁོར་གཞན་ལ་གཡར་བ་དང་གླས་ཏེ་འགྲིམ་འགྲུལ་དོན་རྐྱེན་བྱུང་ནས་གནོད་འཚེ་བཟོས་པ་དེ་སྤྱིར་བཏང་གི་གནས་ཚུལ་འོག　རླངས་འཁོར་གླ་མཁན་དང་གཡར་མཁན་གྱིས་སྐྱིན་ཚབ་སྤྲོད་འགན་འཁུར་དགོས་པ་ལས་རླངས་འཁོར་གྱི་བདག་པོས་འགན་འཁྲི་འཁུར་མི་དགོས།　འོན་ཀྱང་།　རླངས་འཁོར་བདག་པོར་གཤམ་གསལ་གྱི་གནས་ཚུལ་རིགས་གཅིག་ཡོད་ན་འགན་འཁུར་ཏེ།

(གཅིག)　འཕྲུལ་སྒུལ་འཁོར་ལོར་ཆག་སྐྱོན་ཡོད་པ་ཤེས་བཞིན་དུ་གཞན་ལ་གཡར་ནས་ཆག་སྐྱོན་དེའི་དབང་གིས་འགྲིམ་འགྲུལ་དོན་རྐྱེན་བྱུང་བའི་རིགས།

(གཉིས)　ཁ་ལོ་བར་ཁ་ལོ་བའི་ཐོབ་ཐང་མེད་པའམ་བབ་མཚུངས་ཀྱི་ཁ་ལོ་བའི་ཐོབ་ཐང་ཐོབ་མེད་པ་ཤེས་པའམ་ཡང་ན་ཤེས་དགོས་པའི་རིགས།

(གསུམ)　ཁ་ལོ་བས་ཆང་འཐུང་བ་དང་རྒྱལ་ཁབ་ཀྱིས་དོ་དམ་བྱེད་པའི་ཀླད་རྩའི་སྨན་རྫས་སམ་སྦྲིད་སྨན་འཐུང་བའམ་ཡང་ན་རླངས་འཁོར་བསྐོར་བར་བར་ཆད་ཡོད་པའི་ནད་ཕོག་པ་སོགས་ཁྲིམས་ལྟར་རླངས་འཁོར་བསྐོར་མི་ཐུབ་པ་ཤེས་པའམ་ཡང་ན་ཤེས་དགོས་པའི་རིགས།

(བཞི)　འཕྲུལ་སྒུལ་འཁོར་ལོའི་བདག་པོའམ་དོ་དམ་པར་ནོར་འཛོལ་ཡོད་པར་ངོས་འཛིན་བྱ་དགོས་པ་དང་སྔར་བཞིན་བབ་མཚུངས་ཀྱི་སྐྱིན་ཚབ་འཇལ་འགན་འཁུར་དགོས་པའི་རིགས་བཅས་ཡིན།