སྤྱི་ཚོགས་ཐོག་གླེང་ཆ་ཆེ་བའི་གནད་དོན་གསལ་འདེབས།
དངུལ་བུན་གཏོང་ལེན་གྱི་གན་རྒྱའི་སྐྱེད་ཀ་ཇི་ལྟར་འཇལ་དགོས་སམ།
《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དམངས་དོན་ཁྲིམས་གཞུང་》གི་དོན་ཚན་དྲུག་བརྒྱ་བདུན་ཅུ་པ། དངུལ་བུན་བཏང་བའི་སྐྱེད་ཀ་སྔོན་ལ་མ་རྩའི་ནང་ནས་འཐེན་མི་ཆོག སྐྱེད་ཀ་སྔོན་ལ་མ་རྩའི་ནང་ནས་འཐེན་ཚེ་གཡར་བའི་གྲངས་འབོར་དངོས་ལྟར་དངུལ་བུན་འཇལ་བ་མ་ཟད་སྐྱེད་ཀ་ཡང་དེ་ལྟར་རྩིས་རྒྱག་དགོས།
དོན་ཚན་དྲུག་བརྒྱ་བརྒྱད་ཅུ་པ། སྐྱེད་ཀ་མཐོ་བའི་དངུལ་བུན་གཏོང་རིགས་གཏན་འགོག་བྱ་རྒྱུ་དང་། དངུལ་བུན་གཡར་བའི་སྐྱེད་ཚད་དེ་རྒྱལ་ཁབ་ཀྱི་འབྲེལ་ཡོད་གཏན་འབེབས་ལས་འགལ་མི་ཆོག
དངུལ་བུན་གཏོང་ལེན་གྱི་གན་རྒྱའི་ནང་སྐྱེད་ཀའི་སྐོར་ཁ་ཆད་བྱས་མེད་ཚེ་སྐྱེད་ཀ་མེད་པར་བརྩི་རྒྱུ།
དངུལ་བུན་གཏོང་ལེན་གྱི་གན་རྒྱའི་ནང་སྐྱེད་ཀའི་སྐོར་ཁ་ཆད་གསལ་པོ་བྱས་མེད་ཅིང་དོ་བདག་གིས་ཁ་གསབ་གྲོས་མཐུན་འཇོག་མི་ཐུབ་ཚེ། ས་གནས་དེ་གའམ་དོ་བདག་གི་ཉོ་ཚོང་བྱེད་སྟངས་དང་ཉོ་ཚོང་གི་གོམས་གཤིས། ཁྲོམ་རའི་སྐྱེད་ཀ་སོགས་ཀྱི་རྒྱུ་རྐྱེན་ལ་གཞིགས་ནས་སྐྱེད་ཀ་གཏན་འཁེལ་བྱ་རྒྱུ། མི་སྒེར་ཕན་ཚུན་དངུལ་བུན་གཏོང་ལེན་བྱས་རིགས་ལ་སྐྱེད་ཀ་མེད་པར་བརྩི་རྒྱུ།
གན་རྒྱ་དྲང་གཞག་གི་རྩ་དོན་མཚོན་པ་དང་དངུལ་བུན་གཏོང་མཁན་གྱིས་དགེ་མཚན་བེད་སྤྱོད་བྱས་ནས་འདྲ་མཉམ་མིན་པའི་གན་རྒྱའི་ནང་དོན་གཏན་འཁེལ་བྱེད་རིགས་སྔོན་འགོག་བྱ་ཆེད། ཁྲིམས་ཐོག་ཏུ་དངུལ་བུན་གཏོང་མཁན་གྱིས་དངུལ་བུན་གཏོང་སྐབས་སྐྱེད་ཀ་མ་རྩའི་ནང་ནས་སྔོན་ལ་འཐེན་མི་ཆོག་པའི་གཏན་འབེབས་གསལ་པོ་བྱས་ཡོད། གལ་ཏེ་དངུལ་བུན་གཏོང་མཁན་གྱིས་ཁྲིམས་ལུགས་ཀྱི་གཏན་འབེབས་དང་འགལ་ནས་དངུལ་བུན་གཏོང་སྐབས་སྐྱེད་ཀ་མ་རྩའི་ནང་ནས་འཐེན་ཚེ། དངུལ་བུན་ལེན་མཁན་གྱིས་དངུལ་བུན་གཡར་བའི་གྲངས་འབོར་དངོས་ལྟར་དངུལ་བུན་འཇལ་བ་མ་ཟད་དེ་ལྟར་སྐྱེད་ཀ་རྩིས་རྒྱག་དགོས།
དངུལ་བུན་གྱི་གྲངས་འབོར་དང་སྐྱེད་ཀ་ནི་དངུལ་བུན་གཏོང་ལེན་གྱི་གན་རྒྱའི་ནང་དོན་གཙོ་བོ་ཡིན། དངུལ་བུན་གཏོང་ལེན་གྱི་གན་རྒྱའི་ནང་སྐྱེད་ཀའི་སྐོར་ཁ་ཆད་བྱས་མེད་ཚེ། སྐྱེད་ཀ་མེད་པར་བརྩི་རྒྱུ། དངུལ་བུན་གཏོང་ལེན་གྱི་གན་རྒྱའི་ནང་སྐྱེད་ཀའི་སྐོར་ཁ་ཆད་གསལ་པོ་བྱས་མེད་ཚེ་དོ་བདག་གིས་ཁ་གསབ་གྲོས་མཐུན་བཞག་ཆོག་པ་དང་། ཁ་གསབ་གྲོས་མཐུན་འཇོག་མི་ཐུབ་ཚེ། ས་གནས་དེ་གའམ་དོ་བདག་གི་ཉོ་ཚོང་བྱེད་སྟངས་དང་། ཉོ་ཚོང་གོམས་གཤིས། ཚོང་རའི་སྐྱེད་ཀ་སོགས་ཀྱི་རྒྱུ་རྐྱེན་ལ་གཞིགས་ནས་སྐྱེད་ཀ་གཏན་འཁེལ་བྱ་རྒྱུ། མི་སྒེར་ཕན་ཚུན་དངུལ་བུན་གཏོང་ལེན་བྱེད་སྐབས་སྐྱེད་ཀའི་ཁ་ཆད་ཁ་གསལ་མེད་ཚེ་སྐྱེད་ཀ་མེད་པར་བརྩི་རྒྱུ། གཞན་ཡང་ཁྲིམས་ལུགས་ཐོག་སྐྱེད་ཀ་མཐོ་བའི་དངུལ་བུན་གཏོང་རིགས་བཀག་འགོག་བྱས་ཡོད་ཅིང་། དངུལ་བུན་གྱི་སྐྱེད་ཚད་རྒྱལ་ཁབ་ཀྱི་འབྲེལ་ཡོད་གཏན་འབེབས་དང་འགལ་མི་ཆོག
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注