དམངས་ཡོངས་ཀྱི་རྒྱལ་ཁབ་བདེ་འཇགས་སློབ་གསོ་ཉིན་མོ།

《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁབ་བདེ་འཇགས་བཅའ་ཁྲིམས》ཀྱི་དོན་ཚན་དོན7པའི་ནང་གཏན་འབེབས་བྱས་པ་ལྟར་ན།

（གཅིག）རྩ་ཁྲིམས་དང་། ཁྲིམས་ལུགས་ཁྲིམས་སྲོལ་ནང་གཏན་ལ་ཕབ་པའི་རྒྱལ་ཁབ་བདེ་འཇགས་སྐོར་གྱི་འབྲེལ་ཡོད་གཏན་འབེབས་ལ་བརྩི་སྲུང་བྱ་དགོས། 

（གཉིས）རྒྱལ་ཁབ་ཀྱི་བདེ་འཇགས་ལ་གནོད་པའི་བྱ་འགུལ་གྱི་ཁུངས་སྣེ་དུས་ཐོག་ཏུ་སྙན་སེང་ཞུ་དགོས།

（གསུམ）རྒྱལ་ཁབ་ཀྱི་བདེ་འཇགས་ལ་གནོད་པའི་བྱ་འགུལ་དང་འབྲེལ་བ་ཡོད་པའི་དཔང་རྟགས་ཤེས་རྟོགས་བྱུང་ཚེ་ཇི་མ་ཇི་བཞིན་གདོན་དགོས། 

（བཞི）རྒྱལ་ཁབ་བདེ་འཇགས་ཀྱི་བྱ་བར་སྟབས་བདེའི་ཆ་རྐྱེན་བསྐྲུན་པའམ་གཞོགས་འདེགས་ཞུ་དགོས།

（ལྔ）རྒྱལ་ཁབ་བདེ་འཇགས་ལས་ཁུངས་དང་། སྤྱི་བདེ་ལས་ཁུངས། དམག་དོན་འབྲེལ་ཡོད་ལས་ཁུངས་བཅས་ལ་དགོས་ངེས་ཀྱི་རྒྱབ་སྐྱོར་དང་གཞོགས་འདེགས་ཞུ་དགོས།

（དྲུག）རྒྱལ་ཁབ་ཀྱི་གསང་བ་ཤེས་རྟོགས་བྱུང་བ་རྣམས་དམ་སྲུང་བྱ་དགོས། 

（བདུན）བཅའ་ཁྲིམས་དང་སྲིད་འཛིན་ཁྲིམས་སྲོལ་ནང་གཏན་འབེབས་བྱས་པའི་འོས་འགན་གཞན་དག་བསྒྲུབ་དགོས།

མི་སྒེར་དང་རྩ་འཛུགས་གང་ཡིན་ཡང་རྒྱལ་ཁབ་ཀྱི་བདེ་འཇགས་ལ་གནོད་པའི་བྱ་སྤྱོད་སྤེལ་མི་ཆོག་ལ། རྒྱལ་ཁབ་ཀྱི་བདེ་འཇགས་ལ་གནོད་འཚེ་གཏོང་མཁན་མི་སྒེར་རམ་རྩ་འཛུགས་ལ་རོགས་དངུལ་སྤྲོད་པའམ་རོགས་སྐྱོར་གང་ཡང་བྱ་མི་ཆོག 

དོན་ཚན51པ། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཀྱིས་རང་དབང་དང་ཁེ་དབང་ལོངས་སུ་སྤྱོད་དུས། རྒྱལ་ཁབ་དང་། སྤྱི་ཚོགས། ཐུན་མོང་བཅས་ཀྱི་ཁེ་ཕན་དང་སྤྱི་དམངས་གཞན་གྱི་ཁྲིམས་མཐུན་རང་དབང་དང་ཁེ་དབང་ལ་གནོད་འཚེ་གཏང་མི་ཆོག

དོན་ཚན52པ། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་རྒྱལ་ཁབ་གཅིག་གྱུར་དང་རྒྱལ་ཡོངས་མི་རིགས་ཁག་གི་མཐུན་སྒྲིལ་ལ་སྲུང་སྐྱོང་བྱེད་པའི་འོས་འགན་ཡོད།

དོན་ཚན53པ། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཀྱིས་ངེས་པར་དུ་རྩ་ཁྲིམས་དང་བཅའ་ཁྲིམས་ལ་བརྩི་སྲུང་དང་། རྒྱལ་ཁབ་ཀྱི་གསང་དོན་དམ་སྲུང་། སྤྱི་པའི་རྒྱུ་ནོར་ལ་གཅེས་སྤྲས། ངལ་རྩོལ་གྱི་སྒྲིག་ཁྲིམས་ལ་བརྩི་སྲུང་། སྤྱིའི་སྒྲིག་ལམ་ལ་བརྩི་སྲུང་། སྤྱི་ཚོགས་སྤྱིའི་སྤྱོད་བཟང་ལ་བརྩི་འཇོག་བཅས་བྱ་དགོས།

དོན་ཚན54པ། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་མེས་རྒྱལ་གྱི་བདེ་འཇགས་དང་། མཚན་སྙན། ཁེ་ཕན་བཅས་ལ་སྲུང་སྐྱོང་བྱ་རྒྱུའི་འོས་འགན་ཡོད་ལ། མེས་རྒྱལ་གྱི་བདེ་འཇགས་དང་། མཚན་སྙན། ཁེ་ཕན་བཅས་ལ་གནོད་པའི་བྱ་སྤྱོད་སྤེལ་མི་ཆོག

དོན་ཚན55པ། མེས་རྒྱལ་ལ་སྲུང་སྐྱོང་དང་། བཙན་འཛུལ་ལ་འགོག་རྒོལ་བྱ་རྒྱུ་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཡོངས་ཀྱི་འོས་འགན་མཆོག་ཏུ་གྱུར་པ་ཞིག་ཡིན།

བཅའ་ཁྲིམས་ལྟར་དམག་སྐུལ་དང་ལེན་དང་ཡུལ་དམག་རྩ་འཛུགས་ནང་ཞུགས་རྒྱུ་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཀྱི་འོས་འགན་གཟི་བརྗིད་ཅན་ཞིག་ཡིན།

དོན་ཚན56པ། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་ཁྲིམས་ལྟར་དཔྱ་ཁྲལ་འཇལ་བའི་འོས་འགན་ཡོད།

གསུམ། རྒྱལ་ཁབ་བདེ་འཇགས་ལ་སྲུང་སྐྱོང་བྱེད་སྐབས་སྤྱི་དམངས་ལ་དབང་ཆ་གང་དག་ཡོད།