མཚོ་སྔོན་གྱི་བརྙན་ལེན་པ་ཞིག་ལ་རྒྱལ་སྤྱིའི་བྱ་དགའ་ཆེན་པོ་ཐོབ།

མཚོ་སྔོན་གྱི་བརྙན་ལེན་པ་ཞིག་ལ་རྒྱལ་སྤྱིའི་བྱ་དགའ་ཆེན་པོ་ཐོབ།

ཉེ་ཆར། རྒྱལ་སྤྱིའི་བརྙན་ལེན་སྐོར་སྐྱོད་འགྲན་བསྡུར་གྲགས་ཅན་ཏེ་འཇར་མན་གྱི་ས་གནས་བཞིའི་སྐོར་སྐྱོད་རྒྱལ་སྤྱིའི་བརྙན་ལེན་འགྲན་བསྡུར་ཆེན་པོའི་དཔྱད་འདེམས་མཇུག་འབྲས་ཁྱབ་བསྒྲགས་བྱས་པ་དང་། མདོ་ལ་རི་བོའི་རྒྱལ་ཁབ་སྤྱི་གླིང་གི་གན་རྒྱ་བཞག་པའི་དབུ་བཞུགས་བརྙན་ལེན་པ་ཅའོ་ཧྲེང་ཧྥུའུ་མིང་ཐོ་གྲས་སུ་ཚུད་འདུག

«རྐང་རྗེས5»ཅའོ་ཧྲེང་ཧྥུའུ་ཡིས་པར་བླངས།

ཤེས་གསལ་ལྟར་ན། འཇར་མན་གྱི་ས་གནས་བཞིའི་སྐོར་སྐྱོད་རྒྱལ་སྤྱིའི་བརྙན་ལེན་འགྲན་བསྡུར་ཆེན་པོར“འཇར་མན་རྒྱལ་སྤྱིའི་བརླན་ལེན་རྟགས་མ”ཡང་ཟེར། འགྲན་བསྡུར་དེ་རྒྱལ་སྤྱིའི་བརྙན་ལེན་སྒྱུ་རྩལ་མཉམ་འབྲེལ་ལྷན་ཚོགས་དང་རྒྱལ་སྤྱིའི་བརྙན་ལེན་པའི་མནའ་འབྲེལ་ཚོགས་པ། འཇར་མན་བརྙན་ལེན་མཐུན་ཚོགས་བཅས་དབང་གྲགས་ལྡན་པའི་ཁས་ལེན་དཔང་འདོན་སྒྲིག་གཞི་གསུམ་གྱིས་མཉམ་གཅིག་ཏུ་ཁས་ལེན་དཔང་འདོན་བྱས་པ་ཡིན་ཞིང་། དེ་ནི་ཀྲུང་གོ་བརྙན་ལེན་པའི་དགའ་བསུ་ཐོབ་པའི་རྒྱལ་སྤྱིའི་སྐད་གྲགས་ཆེ་བའི་སྐོར་སྐྱོད་འགྲན་བསྡུར་ཆེན་པོའི་གྲས་ཤིག་ཡིན། འགྲན་བསྡུར་ལ་ཚོན་ལྡན་སྒོ་འབྱེད་ཚོགས་ཆུང་དང་། དཀར་ནག་སྒོ་འབྱེད་ཚོགས་ཆུང་། རང་བྱུང་ཚོགས་ཆུང་། རོལ་རྩེད་ཚོགས་ཆུང་བཅས་ཚོགས་ཆུང་ཆེན་པོ་བཞི་རུ་བགོས་ཡོད་ལ། འགྲན་བསྡུར་ནང་ཞུགས་པའི་བརྙན་ལེན་པ་མང་པོ་ཡོད་པས་འགྲན་རྩོད་ཧ་ཅང་ཛ་དྲག་ཡིན། མཚོ་སྔོན་ཞིང་ཆེན་མདོ་ལ་རི་བོའི་རང་བྱུང་སྲུང་སྐྱོབ་མཐུན་ཚོགས་ཀྱི་ཚོགས་གཙོ་གཞོན་པའམ། མདོ་ལ་རི་བོའི་རྒྱལ་ཁབ་སྤྱི་གླིང་དང་མཚོ་སྔོན་ཞིང་ཆེན་མདོ་ལ་རི་བོའི་རང་བྱུང་སྲུང་སྐྱོབ་མཐུན་ཚོགས་ཀྱི་གན་རྒྱ་བཞག་པའི་དབུ་བཞུགས་བརྙན་ལེན་པ་ཅའོ་ཧྲེང་ཧྥུའུ་ཡི་བརྩམས་ཆོས«རྐང་རྗེས5»དང«ཞོགས་པའི་ཉི་འོད་ཁྲོད་ཀྱི་ནོར་གནག»ལ་གསེར་གྱི་རྟགས་མ2ཐོབ་པ་དང་། བརྩམས་ཆོས«ཁེར་རྐྱང་གི་གྲུ་ཆུང་ཞིག»ལGIPཡི་གཟི་བརྗིད་མཚན་སྙན་ཐོབ།

ཉེ་བའི་ལོ་འགའི་རིང་ལ། མཚོ་སྔོན་དུ་སྐྱེ་ཁམས་བརྙན་ལེན་པ་སྐོར་ཞིག་འཚར་ལོངས་བྱུང་བ་དང་། ཁོ་ཚོས་གྲང་ངར་དང་དཀའ་ངལ་ལ་མི་འཛེམ་པར་བརྙན་ཆས་ཀྱི་རྣམ་པས་རང་བྱུང་ཁམས་ཆེན་པོའི་ཁྲོད་ཀྱི་ངོ་མཚར་ཆེ་བའི་གནས་རེ་རེ་དང་། མཛེས་སྡུག་ལྡན་པའི་རང་བྱུང་མཛེས་ལྗོངས་སམ་ཡང་ན་མཐོང་དཀོན་པའི་རི་སྐྱེས་སྲོག་ཆགས། འཆམ་མཐུན་གྱི་མི་ཆོས་རིག་གནས་སྣང་ཚུལ་ཀྱི་རི་མོ་བཅས་དངོས་སུ་ཟིན་ཐོར་བཀོད། སྐྱེ་ཁམས་གྱི་བརྙན་ལེན་བརྩམས་ཆོས་དེ་དག་གིས་རབ་མཛེས་མཚོ་སྔོན་གྱི་སྐྱེ་ཁམས་དང་ཐོན་ཁུངས་སྲུང་སྐྱོང་གི་གྲུབ་འབྲས་མཚོན་པ་དང་དུས་མཚུངས་སུ། མི་རྣམས་ལ་སྐྱེ་ཁམས་ལ་གུས་བཀུར་བྱེད་པར་འབོད་སྐུལ་བཏང་བ་དང་། ཡང་དག་པའི་སྐྱེ་ཁམས་རིན་ཐང་ལྟ་བ་འཛིན་དགོས་པར་ཁྲིད་སྟོན་བྱས།