མཚོ་སྔོན་གྱིས་བྱེད་ཐབས་སྣ་མང་སྤྱད་ནས་སྨན་བཅོས་འགན་སྲུང་བརྒྱུད་སྒྲུབ་ཞབས་ཞུ་སྤུས་འདེགས་ནུས་སྤེལ་ཐུབ་པར་སྐུལ་འདེད་བཏང་།

ཟླ3ཚེས28ཉིན། གསར་འགོད་པས་མཚོ་སྔོན་ཞིང་ཆེན་སྨན་བཅོས་འགན་སྲུང་ཅུའུ་ནས་རྒྱུས་ལོན་བྱུང་བ་ལྟར་ན། མཚོ་སྔོན་གྱིས་སྨན་བཅོས་འགན་སྲུང་གི་སྤྱི་བའི་ཞབས་ཞུ་སྒྲོམ་གཞི་རྒྱུན་ཆད་མེད་པར་འཐུས་ཚང་དུ་གཏོང་བ་དང་། སྨན་བཅོས་འགན་སྲུང་བརྒྱུད་སྒྲུབ་ཞབས་ཞུའི་བཅོས་སྐྱོང་གསར་གཏོད་ལ་སྐུལ་འདེད་གཏོང་བ། ཚད་གཞི་ཅན་དང་ཚད་ལྡན་ཅན། སྟབས་བདེ་ཅན། གཞི་གྲངས་ཅན་བཅས་མྱུར་དུ་འཛུགས་སྐྲུན་བྱས་ཏེ། ཚད་གཞི་ཆེས་ཆེ་བའི་སྒོ་ནས་མི་དམངས་མང་ཚོགས་དང་། ངེས་གཏན་སྨན་རྫས་ལས་ཁུངས། ཁེ་ལས་བཅས་ཀྱི་ལས་སྒྲུབ་དགོས་མཁོ་བསྐང་རྒྱུ་རེད།

ཞིང་ཆེན་སྨན་བཅོས་འགན་སྲུང་ཅུའུ་ཡིས་སྨན་བཅོས་འགན་སྲུང་གི་སྲིད་གཉེར་ཞབས་ཞུའི་གསལ་ཁྲ་ལེགས་སྒྱུར་དང་འཐུས་ཚང་དུ་གཏོང་བ་དང་། ཞིང་ཆེན་ཡོངས་ཀྱི་ལས་དོན་གསལ་ཁྲ་དང་ལས་སྒྲུབ་ཕྱོགས་སྟོན་གཅིག་གྱུར་བྱས་ཏེ། ཞིང་ཆེན་ཡོངས་ཀྱི་ཁྱབ་ཁོངས་ཁྲོད་ལས་སྒྲུབ་དུས་བཅད་དང་ལས་སྒྲུབ་རྒྱུ་ཆ། ལས་སྒྲུབ་ལས་རིམ་ཚད་ལྡན་གཅིག་གྱུར་ཡོང་བ་མངོན་འགྱུར་བྱས་ལ། ལས་དོན་གཅིག་ཐེངས་གཅིག་གིས་བསྒྲུབ་པའི་ལས་རིམ་ལ་ཤུགས་ཆེན་པོས་སྐུལ་འདེད་གཏོང་བ་དང་། སྔར་ལས་གསེད་བཀྲོལ་སྡེབ་སྒྲིག་བྱེད་པ། སྐུལ་ལམ་དང་ཡུལ་དངོས་མཉམ་སྲེས་གཏིང་ཟབ་ཏུ་བཏང་ནས། ཁེ་ལས་དང་མང་ཚོགས་ལ་ཆ་སྡེབ་རྣམ་པ་དང་བརྗོད་དོན་རྣམ་པའི་མཉམ་འདུས་ལས་སྒྲུབ་ཞབས་ཞུ་འདོན་སྤྲོད་བྱས་ཏེ་མང་ཚོགས་ཀྱི་ལས་སྒྲུབ་སྟབས་བདེའི་ཚད་གཞི་ཇེ་མཐོར་བཏང་། སྨན་བཅོས་འགན་སྲུང་ཞབས་ཞུ་ཞིང་ཆེན་ཡོངས་སུ་སྒྲུབ་ཐུབ་པར་རྒྱུན་མཐུད་ངང་སྐུལ་འདེད་བཏང་སྟེ། ས་ཁོངས་ཀྱི་བཀག་རྒྱ་གཏོར་ཞིང་། ལས་སྒྲུབ་ཀྱི་ཚད་བཀག་མེད་པར་བཟོས་ནས། སྨན་བཅོས་འགན་སྲུང་ལས་དོན་ཞིང་ཆེན་ཡོངས་སུ་སྒྲུབ་ཐུབ་པ་ཚད་གཞི་མཐོ་བའི་སྒོ་ནས་མངོན་འགྱུར་བྱུང་ལ།  ནད་གཉིས་ངོས་འཛིན་དང་ཐོ་འགོད་སྙན་ཞུ། བུ་སྐྱེ་ཉེན་སྲུང་ཐོ་འགོད་སྙན་ཞུ་དང་མི་སྒེར་སྨན་བཅོས་འགན་སྲུང་ཁྲོད་ཞུགས་པའི་ཆ་འཕྲིན་འདྲི་རྟོགས་སོགས་ལས་རིམ་བཅུ་གསུམ་ཞིང་ཆེན་ཡོངས་ཀྱི་རྫོང་རིམ་པ་ཡན་གྱི་ཚོང་དོན་ཉེན་སྲུང་ཀུང་ཟིའི་སྨན་བཅོས་འགན་སྲུང་ལས་ཁུངས་འདུ་བའི་སྨན་བཅོས་འགན་སྲུང་བརྒྱུད་སྒྲུབ་ལས་ཁུངས་སུ་ཁྱད་མེད་བདག་སྤྲོད་བྱེད་པ་དང་ཚད་གཞི་གཅིག་པའི་ལས་སྒྲུབ་མངོན་འགྱུར་བྱུང་ཡོད།

ཕན་ནུས་མཐོ་བ་དང་སྒྲུབ་ཐུབ་པར་དམིགས་ཏེ། ལས་སྒྲུབ་མང་ཚོགས་ཀྱི་དཀའ་གནད་དང་བཀག་རྒྱ་ཡང་དག་པར་འཚོལ་ཞིབ་དང་། ལས་སྒྲུབ་ལས་རིམ་རྒྱུན་ཆད་མེད་པར་ལེགས་སྒྱུར་དང་སྟབས་བདེ་ཅན་ཏུ་བཏང་། སྐྱེས་ཡིག་ལ་བརྟེན་པའི་ས་ཚིགས་གཅིག་ཅན་གྱི་སྨན་བཅོས་འགན་སྲུང་ནང་ཞུགས་པའི་འགྲོ་སོང་རྩིས་ཞུ་མངོན་འགྱུར་བྱས་ཏེ། འགྲོ་སོང་རྩིས་ཞུ་དལ་བ་དང་། མང་ཚོགས་ཀྱིས་ཡང་ལས་བསྐྱར་ལས་བྱེད་པའི་གནད་དོན་ཐག་གཅོད་བྱས། སྤྱི་ཚོགས་འགན་སྲུང་མ་ལག་དང་སྦྲེལ་མཐུད་བྱས་པ་བརྒྱུད། ལས་བཟོ་བའི་ལས་ཁྱུར་ངལ་གསོ་བྱེད་པ་མཉམ་སྒྲུབ་དང་སྟབས་བདེས་སྒྲུབ་པ། ཐད་ཀར་སྒྲུབ་པ་མངོན་འགྱུར་བྱུང་། བུ་སྐྱེ་ཁ་གསབ་མ་དངུལ་ཞིབ་བཤེར་གཏོང་སྤྲོད་ཀྱི་ཆ་སྙོམ་དུས་ཡུན་ཉིན་གཅིག་ལྷག་ཡིན་པས། རྒྱལ་ཡོངས་ཆ་སྙོམ་གྱི་ལས་སྒྲུབ་དུས་ཡུན་ལས་ཉིན་བདུན་གྱིས་ཇེ་ཐུང་དུ་བཏང་ཞིང་།     ཞིང་ཆེན་ཡོངས་ཀྱི་གཅིག་འདོམས་ཁུལ་དགུ་ཡིས་དྲ་ཐོག་ནས་ཁྱིམ་ཚང་གི་རོགས་སྐྱོར་དང་གཉེན་ཉེའི་རྩིས་ཐོ་དྲ་ཐོག་ནས་སྒྲུབ་པ་མངོན་འགྱུར་བྱས་ནས། རྒན་གཞོན་ཚོགས་ཁག་གི་སྨན་རྫས་དང་སྨན་བཅོས་འགན་སྲུང་ནང་ཞུགས་པའི་འགྲོ་སོང་ཁག་བགོས་བྱས།

མཉམ་འབྲེལ་དྲ་བ་དང་སྲིད་གཉེར་ཞབས་ཞུ་ཟུང་འབྲེལ་ལ་སྐུལ་འདེད་གཏིང་ཟབ་བཏང་སྟེ། སྨན་བཅོས་འགན་སྲུང་གི་སྲོག་ཤིང་ལས་དོན་དང་སྲིད་གཉེར་ཞབས་ཞུ་སྟེགས་བུའི་གཞི་གྲངས་སྦྲེལ་གནས་སྡེབ་སྒྲིག་བྱས་ཏེ། སྨན་བཅོས་འགན་སྲུང་ནང་ཞུགས་པར་མིང་ཐོ་འགོད་པ་སོགས་ཀྱི་ལས་རིམ་གཙོ་བོ་ཁག་དྲ་ལམ་གཅིག་ནས་མཉམ་དུ་སྒྲུབ་ཐུབ་པ་མངོན་འགྱུར་བྱུང་ཞིང་། ཞིང་ཆེན་ཡོངས་ཀྱི་གཅིག་འདོམས་ཁུལ་དགུ་དང་། སྨན་བཅོས་འགན་སྲུང་ལས་གཉེར་ཁག28ཚད་གཞི་གཅིག་པའི་སྒོ་ནས་སྒྲུབ་པ་དང་། སྨན་བཅོས་འགན་སྲུང་ཞབས་ཞུའི་ཕན་ནུས་མངོན་གསལ་གྱིས་མཐོ་རུ་བཏང་། ལས་དོན་ལས་སྒྲུབ་རྒྱུ་ཆ་བརྒྱ་ཆའི་ལྔ་བཅུར་སྟབས་བདེ་རུ་བཏང་བ་དང་། ཆ་སྙོམ་ལས་སྒྲུབ་དུས་ཡུན་བརྒྱ་ཆའི་ཞེ་ལྔ་རུ་ཇེ་ཉུང་དུ་བཏང་ལ། དྲ་ལམ་ལས་སྒྲུབ་ཚད་གཞི་བརྒྱ་ཆའི་གོ་ལྔ་རུ་སླེབས་ཡོད།