ཟླ3ཚེས28ཉིན། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གིས2025ལོའི་ཁྲིམས་འཛུགས་འཆར་གཞིའི་བྱ་བའི་གྲོས་ཚོགས་ཟི་ལིང་དུ་བསྡུས། གྲོས་ཚོགས་ལས2025ལོའི་ཁྲིམས་འཛུགས་འཆར་གཞིའི་སྒྲིག་ཁོངས་གནས་ཚུལ་ཁྱབ་བསྒྲགས་བྱས་པ་དང་། སྡེ་ཁག་དང་ས་ཁུལ་སྐོར་ཞིག་གིས་བརྗེ་རེས་གཏམ་བཤད་སྤེལ།
གྲོས་ཚོགས་ལས་བསྟན་དོན། 2024ལོར་ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གིས་ཞིང་ཆེན་ཏང་ཨུའི་གཙོ་གནད་བྱ་བར་དམིགས་ཏེ། མངའ་ཁོངས་གཙོ་བོ་དང་གསར་དར་མངའ་ཁོངས་ཀྱི་ཁྲིམས་འཛུགས་ལ་འཕེལ་རྒྱས་གསར་པ་བླངས་པ་དང་། དམངས་ཚིས་ཁྲིམས་འཛུགས་ལ་དྲིས་ལན་གསར་པ་སྤྲད་པ། ལམ་ལུགས་འཛུགས་སྐྲུན་ཐད་སྒྲིག་སྲོལ་གསར་པ་འཐུས་ཚང་དུ་བཏང་བ། ཁྲིམས་འཛུགས་དཔུང་ཁག་འཛུགས་སྐྲུན་སྐས་རིམ་གསར་པར་སླེབས་པ་བཅས་ཀྱི་གྲུབ་འབྲས་ལ་ཁས་ལེན་གང་ལེགས་བྱས།
གྲོས་ཚོགས་ལས་ནན་གྱིས་བསྟན་དོན། 2025ལོའི་ཁྲིམས་འཛུགས་ལས་འགན་སྔར་བཞིན་ལྕི་ལ། འབྲེལ་ཡོད་ས་ཁུལ་དང་སྡེ་ཁག་ཁག་གིས་ཞིང་ཆེན་ཏང་ཨུའི“ཁྲིམས་འཛུགས་ཀྱི་ཡང་དག་པའི་ཁ་ཕྱོགས་རྒྱུན་འཁྱོངས་དང་། ཚན་རིག་དང་མཐུན་པའི་དམངས་གཙོའི་ཁྲིམས་ལྟར་ཁྲིམས་འཛུགས་རྒྱུན་འཁྱོངས་བྱེད་པ། ཁྲིམས་འཛུགས་སྤུས་ཚད་མཐོར་འདེགས་གཏོང་བ་རྒྱུན་འཁྱོངས་བྱེད་པ”བཅས་ཀྱི་བྱ་བའི་བླང་བྱ་གཞིར་བཟུང་ནས། ཆབ་སྲིད་ཀྱི་སྣེ་ཁྲིད་བྱེད་ཤུགས་ཆེ་རུ་གཏོང་བ་དང་། བསམ་བློ་ངོས་འཛིན་ཐད་ས་གནས་ཁྲིམས་འཛུགས་ཀྱི་ཡང་དག་པའི་ཆབ་སྲིད་ཁ་ཕྱོགས་དངོས་གནས་བརྟན་པོ་ཡོང་བར་བྱ་དགོས། ཁྲིམས་སྐྱོང་དང་བཅོས་སྒྱུར་གྱི་མཐུན་སྦྱོར་རང་བཞིན་ལ་ཤུགས་བསྣན་ཏེ། རང་འགུལ་སྒོས་བཅོས་སྒྱུར་གྱི་དགོས་མཁོ་དང་འཚམ་པར་བྱེད་པ་དང་། ཁྲིད་སྟོན་ཚད་ལྡན་གྱི་འགན་སྲུང་ནུས་པ་འདོན་སྤེལ་བྱེད་དགོས། ས་གནས་ཁྲིམས་འཛུགས་ཀྱི་དམངས་གཙོའི་རང་བཞིན་ཆེ་རུ་གཏོང་བ་དང་། སྔར་ལས་ལྷག་པའི་སྒོ་ནས་དམངས་ཆེན་འཐུས་མི་དང་གཞི་རིམ་ཁྲིམས་འཛུགས་འབྲེལ་གཏུག་ས་ཚིགས། རིག་མཛོད་ཆེད་མཁས་ནུས་པ་འདོན་སྤེལ་བྱས་ཏེ། ཁྲིམས་འཛུགས་དེ་བརྒྱུད་རིམ་ཧྲིལ་པོའི་མི་དམངས་དམངས་གཙོའི་གསོན་ཉམས་ལྡན་པའི་ལག་ལེན་ཞིག་ཏུ་འགྱུར་བར་བྱ་དགོས། འཆར་གཞིའི་ཚོད་འཛིན་གྱི་ཟིལ་ཤུགས་རང་བཞིན་ལ་ཤུགས་སྣོན་པ་དང་། ཏང་ཨུའི་མགོ་ཁྲིད་དང་དམངས་ཆེན་གྱིས་གཙོ་ཁྲིད་བྱེད་པ། སྲིད་གཞུང་ལ་བརྟེན་པ། ཕྱོགས་ཚང་མ་ཟབ་ཞུགས་བྱེད་པའི་བྱ་བའི་རྣམ་པ་དངོས་འབེབ་ཡག་པོ་བྱས་ཏེ། དུས་ཐོག་ཏུ་ལོ་འཁོར་གྱི་ཁྲིམས་འཛུགས་ལས་འགན་སྤུས་ཚད་ལེགས་པོའི་སྒོ་ནས་ཡོངས་འགྲུབ་བྱེད་དགོས།
ཞིང་ཆེན་དམངས་ཆེན་གྱི་ཆེད་དོན་བྱ་བའི་ཨུ་ལྷན་སོ་སོ་དང་རྒྱུན་ལས་ཨུ་ཡོན་ལྷན་ཁང་གཞུང་སྒྲུབ་ཐིན། ཞིང་ཆེན་ཁྲིམས་འཛིན་ཐིན་སོགས་འབྲེལ་ཡོད་སྲིད་གཞུང་སྡེ་ཁག་དང་། ཞིང་ཆེན་སྲིད་གྲོས་སྤྱི་ཚོགས་བཅའ་ཁྲིམས་ཨུ་ཡོན་ལྷན་ཁང་། གྲོང་ཁྱེར་དང་ཁུལ་སོ་སོ། འབྲེལ་ཡོད་རང་སྐྱོང་རྫོང་གི་དམངས་ཆེན་རྒྱུན་ལས་ཨུ་ཡོན་ལྷན་ཁང་། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཁྲིམས་འཛུགས་རྟེན་གཞི། གཞི་རིམ་ཁྲིམས་འཛུགས་འབྲེལ་གཏུག་ས་ཚིགས་སྐོར་ཞིག་གི་འགན་འཁུར་བློ་མཐུན་གྲོས་ཚོགས་སུ་ཞུགས།
公众号 
抖音号 
快手号 