2024ལོའི་ལོ་ཧྲིལ་བོར་རང་རྒྱལ་སྡོད་དམངས་ཀྱི་འཛད་སྤྱོད་རིན་གོང་ཞི་འཇམ་ངང་ཡར་འཕར།

རྒྱལ་ཁབ་སྡོམ་རྩིས་ཅུའུ་ཡིས་ཟླ1པོའི་ཚེས9ཉིན་སྤེལ་བའི་གཞི་གྲངས་ལས་མངོན་པ་ལྟར་ན།  2024ལོའི་ལོ་ཧྲིལ་བོར།  སྡོད་དམངས་ཀྱི་འཛད་སྤྱོད་རིན་གོང་དམིགས་ཚད་ལོ་སྔོན་མ་དང་བསྡུར་ན0.2%འཕར་ཡོད་ལ།  འཕར་ཚད་ལོ་སྔོན་མ་དང་འདྲ་མཉམ་ཡིན།  དེའི་ཁྲོད།  ཟས་རིགས་འདོན་སྤྲོད་སྤྱིའི་ཆ་ནས་འཛོམས་པོ་ཡིན་ལ།རིན་གོང་ཡང་ཅུང་མར་ཆག་ཡོད།"རྙིང་ཚབ་གསར་བརྗེ"སོགས་སྲིད་ཇུས་ཀྱི་སྣེ་ཁྲིད་འོག། འཛད་སྤྱོད་དགོས་མཁོ་ཇེ་ཆེ་ཡིན་པ་དང་།  བཟོ་ལས་འཛད་སྤྱོད་དངོས་རྫས་ཀྱི་རིན་གོང་ལོ་སྔོན་མ་དང་འདྲ་མཉམ་ཡིན་ལ།  ཞབས་ཞུའི་འཛད་སྤྱོད་རིམ་བཞིན་སླར་གསོ་དང་།  རིན་གོང་ཡང་ཅུང་ཡར་འཕར་ཡོད།  ཟླ་གཅིག་གི་གཞི་གྲངས་ལ་བལྟས་ན།  2024ལོའི་ཟླ12པར།  རང་རྒྱལ་གྱི་འཛད་སྤྱོད་ཁྲོམ་རའི་འཁོར་སྤྱོད་སྤྱིའི་ཆ་ནས་བརྟན་པོ་ཡིན་ལ། འཛད་སྤྱོད་རིན་གོང་དམིགས་ཚད་ཟླ་སྔོན་མ་དང་འདྲ་མཉམ་ཡིན་པ་དང་།  ལོ་སྔོན་མ་དང་བསྡུར་ན0.1% འཕར་ཡོད།

2024ལོའི་ལོ་ཧྲིལ་བོར།  བཟོ་ལས་ཐོན་སྐྱེད་པས་བཟོ་གྲྭའི་རིན་གོང་དམིགས་ཚད་ལོ་སྔོན་མ་དང་བསྡུར་ན་མར་ཆག་ཚད་བརྒྱ་ཆའི་གྲངས་གནས0.8ཇེ་ཆུང་དུ་སོང་ཡོད།  ལས་རིགས་མི་འདྲ་བའི་གནས་བབས་ལ་དབྱེ་ཞིབ་བྱས་ན།  ནུས་ཁུངས་གསར་བ་སོགས་ཀྱི་ལས་རིགས་མགྱོགས་མྱུར་ངང་འཕེལ་རྒྱས་བྱུང་བ་དང་བསྟུན་ནས།  མདོག་ལྡན་ལྕགས་རིགས་ལས་རིགས་ཀྱི་རིན་གོང་ཡང་མངོན་གསལ་སྒོས་ཡར་འཕར་ཡོད་ལ།  ནུས་ཁུངས་དང་བཟོ་སྐྲུན་ལས་རིགས་ཁ་ཤས་ཀྱི་རིན་གོང་ཅུང་མར་ཆག་ཡོད།