རྒྱལ་རྩེ་རྫོང་མདའ་མང་དུས་ཆེན་འགོ་ཚུགས་པ།

རྒྱལ་རྩེ་རྫོང་མདའ་མང་དུས་ཆེན་འགོ་ཚུགས་པ།

འདི་ནི་རྟ་རྒྱུག་གི་ཐོག་མའི་འགྲན་བསྡུར་བྱེད་བཞིན་པ།

ཉེ་ཆར། གཞིས་རྩེ་གྲོང་ཁྱེར་རྒྱལ་རྩེ་རྫོང་མདའ་མང་དུས་ཆེན་འགོ་ཚུགས་པ་རེད།

འགོ་ཚུགས་མཛད་སྒོའི་ཐོག་རང་སྐྱོང་ལྗོངས་རྟ་རྩལ་རུ་ཁག་གིས་མི་རིགས་ཀྱི་སྲོལ་རྒྱུན་རྟ་རྩལ་འཁྲབ་སྟོན་དང་མི་200ལྷག་ཙམ་ལས་གྲུབ་པའི་སྤང་ལྗོངས་ཞབས་བྲོའི་འཁྲབ་སྟོན་བྱས་པ་ལས་བྱེད་སྒོའི་རྣམ་པ་འཁྲུག་ཆ་དོད་དུ་ཕྱིན་ཡོད། འགོ་ཚུགས་མཛད་སྒོ་མཇུག་འགྲིལ་རྗེས་རྟ་རྒྱུག་གི་ཐོག་མའི་འགྲན་བསྡུར་བྱས་པ་དང་བདམས་ཐོན་པ་ཚོས་དཔའ་ངར་ཆེན་པོས་ཨང་དང་པོ་བརྩོན་ལེན་གྱི་འགྲན་བསྡུར་བྱས་ནས་རྒྱལ་རྩེའི་བུ་ཕྲུག་ཚོའི་ཡར་རྒྱས་གོང་འཕེལ་གྱི་སྙིང་སྟོབས་མངོན་པར་བྱས་ཡོད།

འདི་ལོའི་མདའ་མང་དུས་ཆེན་དེ་ཟླ་8ཚེས་8ཉིན་བར་རྒྱུན་མཐུད་ནས་གཉེར་རྒྱུ་ཡིན་པ་རེད།