མགོན་པོ་བཀྲ་ཤིས་ཀྱིས་ཀོས་ནན་རྫོང་དུ་རྟོག་ཞིབ་བྱས།

ཟླ7པའི་ཚེས31ཉིན་ནས་ཟླ8པའི་ཚེས1ཉིན་བར། ཞིང་ཆེན་སྲིད་གྲོས་ཀྱི་ཏང་ཙུའུ་ཧྲུའུ་ཅི། ཀྲུའུ་ཞི་མགོན་པོ་བཀྲ་ཤིས་ཀོས་ནན་རྫོང་དུ་སོང་ནས་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་བྱ་བར་རྟོག་ཞིབ་བྱས་པ་དང་། ཡུལ་དངོས་སུ་གྲོང་གསེབ་དར་སྤེལ་དང་གཞི་རིམ་རྩ་འཛུགས་ཀྱི་ནུས་པ་འདོན་སྤེལ་བྱས་ཚུལ་ལ་རྒྱུས་ལོན་བྱས། ཁོས་ནན་གྱིས་བསྟན་དོན། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་ལ་རྟོག་ཞིབ་མཛད་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་ལེན་མཐར་ཕྱིན་གཏིང་ཟབ་བྱེད་པ་དང་། ཞིང་ཆེན་ཏང་ཨུའི་སྐབས་བཅུ་བཞི་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པའི་བཀོད་སྒྲིག་གཞིར་བཟུང་ནས་དམ་འཛིན་ནན་འཛིན་དང་། མགོ་ཡོད་མཇུག་ཡོད་སྒོས་ཏང་གི་སྒྲིག་ཁྲིམས་སློབ་སྦྱོང་སློབ་གསོའི་གྲུབ་འབྲས་ལ་བརྟེན་ནས་ལས་སྒྲུབ་ལས་གཏོད་ལ་འགན་ལེན་བརྟན་པོ་བྱེད་པ་དང་། བཅོས་སྒྱུར་གྱི་བསམ་གཞིག་དང་བཅོས་སྒྱུར་གྱི་བྱེད་ཐབས་ལ་བརྟེན་ནས་ལས་འགན་སོ་སོ་དོན་འཁྱོལ་བྱ་རྒྱུར་སྐུལ་འདེད་གཏོང་དགོས།

 ཀོས་ནན་རྫོང་མགོ་མང་གྲོང་རྡལ་ཅོ་སེར་སྡེ་བ་ནི་འབྲོག་ལས་སྲིད་འཛིན་སྡེ་བ་ཞིག་ཡིན་པ་དང་། སྡེ་བའི་གཙོ་ཁྲིད་ཐོན་ལས་ནི་འབྲོག་ལས་ཡིན་པས། མགོན་པོ་བཀྲ་ཤིས་ཐོག་མར་ཅོ་སེར་སྡེ་བའི་ནོར་གནག་གསོ་སྤེལ་རྟེན་གཞིར་སོང་ནས་ནོར་གནག་གི་རིགས་རྒྱུད་དང་། ཁྲོམ་ར། ཕྱིར་ཚོང་སོགས་ཀྱི་གནས་ཚུལ་ལ་རྒྱུས་ལོན་ཞིབ་མོ་བྱས་པ་དང་། སྡེ་བའི་ལོ་རྒྱུས་ཁང་དུ་བསྐྱོད་དེ་སྡེ་བའི་འཕེལ་རྒྱས་ཀྱི་བརྒྱུད་རིམ་ལ་རྒྱུས་ལོན་བྱས་པར་མ་ཟད། ཕྱུག་འགྱུར་སྣེ་ཁྲིད་པར་འཚམས་འདྲི་བྱས་པ་དང་སྡེ་མིའི་འཐུས་མི་དང་གྲོས་མོལ་བརྗེ་རེས་བྱས། ཁོས་བཤད་རྒྱུར། ཀོས་ནན་རྫོང་དུ་མི་རིགས་སོ་སོའི་ལས་བྱེད་པ་དང་མང་ཚོགས་ཀྱི་བསམ་བློའི་ཉམས་འགྱུར་བཟང་པོ་མཐོང་བ་དང་། ཚང་མས་མཛེས་སྡུག་ལྡན་པའི་འཚོ་བ་སྐྱེལ་རྒྱུ་དང་། འཕེལ་རྒྱས་ཇེ་མགྱོགས་སུ་གཏོང་རྒྱུ། མི་རིགས་མཐུན་སྒྲིལ་ལ་སྐུལ་འདེད་གཏོང་རྒྱུ་བཅས་ལ་ཤུགས་སྣོན་བཞིན་པ་ཚོར་བྱུང་། སྡེ་བའི“ཨུ་ཡོན་ལྷན་ཁང་གཉིས”ཀྱིས་ཧུར་བརྩོན་ཆེན་པོས་མང་ཚོགས་ཀྱི་སྣེ་ཁྲིད་དེ་ཐབས་བརྒྱ་ཇུས་སྟོང་གིས་འབབ་འཕར་ཕྱུག་འགྱུར་ཡོང་བར་བྱས་པ་དང་། ལས་གཏོད་བྱ་བར་ཁྱད་ཆོས་ལྡན་ཞིང་ཕན་འབྲས་ཐོན་ནས་གྲོང་གསེབ་དར་སྤེལ་གཏོང་རྒྱུར་སྟོབས་ཤུགས་གསར་པ་བསྣན་འདུག་ཟེར། 

ཀོས་ནན་རྫོང་ཏང་ཨུ་རུ་མགོན་པོ་བཀྲ་ཤིས་ཀྱིས་ཏང་གི་སྒྲིག་ཁྲིམས་སློབ་སྦྱོང་སློབ་གསོ་དང་། གྲོང་གསེབ་དར་སྤེལ། གཞི་རིམ་རྩ་འཛུགས་ཀྱི་ནུས་པ་འདོན་སྤེལ་སོགས་ཀྱི་གནས་ཚུལ་སྙན་ཞུར་གསན་པ་དང་། གོམ་སྟབས་རྗེས་མའི་བྱ་བ་ཡག་པོར་བསྒྲུབ་རྒྱུའི་ཐད་བསམ་ཚུལ་བཏོན། ཁོས་བཤད་རྒྱུར། ཀོས་ནན་རྫོང་གིས་ཐོག་མཐའ་བར་གསུམ་དུ་ཏང་གི་སྒྲིག་ཁྲིམས་སློབ་སྦྱོང་སློབ་གསོར་ཚད་མཐོའི་མཐོང་ཆེན་བྱེད་པ་དང་། ཞིང་ཆེན་ཏང་ཨུའི་ཏང་གི་སྒྲིག་ཁྲིམས་སློབ་སྦྱོང་སློབ་གསོ་བྱ་བའི་བླང་བྱ་ལག་བསྟར་དོན་འཁྱོལ་ནན་ཏན་དང་ནུས་ལྡན་བྱས་པས། རྫོང་ཡོངས་ཀྱི་ལས་བྱེད་པས་སྤྱོད་ཚུལ་ལ་མཐོང་ཆེན་དང་། དངོས་སྒྲུབ་ལ་མཐོང་ཆེན། གཞི་རིམ་དམ་འཛིན་བྱེད་པ། འཕེལ་རྒྱས་ལ་སྐུལ་འདེད་གཏོང་བ། འགན་འཁྲི་འཁུར་ཕོད་པ་བཅས་ཀྱི་རྣམ་པ་ཟབ་མོ་ཆགས་ཡོད། མིག་སྔར། ཏང་གི་སྒྲིག་ཁྲིམས་སློབ་སྦྱོང་སློབ་གསོ་དེ་འགག་སྒྲོལ་དུས་སྐབས་དང་ཕན་འབྲས་མངོན་གསལ་དོད་པོ་ཐོན་པའི་དུས་སྐབས་སུ་སླེབས་ཡོད་པས། རྒྱུན་འཁྱོངས་ལྷོད་མེད་དང་དམ་འཛིན་ལྷོད་མེད་བྱས་ཏེ། ཞིང་ཆེན་ཏང་ཨུའི་བཀོད་སྒྲིག་བླང་བྱ་ལྟར་ཏང་གི་སྒྲིག་ཁྲིམས་སློབ་སྦྱོང་སློབ་གསོ་དམ་འཛིན་ཡག་པོ་བྱེད་པ་དང་། ཏང་གི་སྒྲིག་ཁྲིམས་སློབ་སྦྱོང་སློབ་གསོའི་གྲུབ་འབྲས་དེ་བྱ་བར་སྐུལ་འདེད་གཏོང་བའི་ཕན་འབྲས་དངོས་སུ་བསྒྱུར་བར་མུ་མཐུད་དུ་སྐུལ་འདེད་གཏོང་དགོས། ཐོག་མཐའ་བར་གསུམ་དུ་མང་ཚོགས་ལ་སེམས་ཁུར་དང་དམངས་འཚོ་ལ་མཐོང་ཆེན། མང་ཚོགས་ཀྱི་ཡོང་འབབ་འཕར་སྣོན་དམིགས་ཡུལ་དུ་བཟུང་ནས་གྲོང་གསེབ་ཁྱོན་ཡོངས་ནས་དར་སྤེལ་གཏོང་བར་སྐུལ་འདེད་གཏོང་དགོས།  འཕེལ་རྒྱས་ཀྱི་གོ་སྐབས་དམ་འཛིན་དང་། ཐོན་ཁུངས་ཀྱི་སྤུས་ཚད་ལ་གཞི་ཚུགས་པ། ཁྱད་ལྡན་ཐོན་ལས་འཕེལ་རྒྱས་འཚོལ་ཞིབ་ཧུར་ཐག་བྱས་ཏེ། ས་ཁོངས་ཀྱི་དོན་དངོས་དང་མཐུན་པ་དང་། ཁྱད་ལྡན་དགེ་མཚན་ལྡན་པ། ཐོན་རྫས་ཀྱི་ཕན་འབྲས་མངོན་གསལ་དོད་པོ་ཡིན་པ་བཅས་ཀྱི་དེང་རབས་ཅན་དང་ལྗང་མདོག་ཅན་གྱི་ཐོན་ལས་འཕེལ་རྒྱས་ལམ་དུ་བསྐྱོད་དགོས། 

དེའི་སྐབས་སུ་མགོན་པོ་བཀྲ་ཤིས་ཀྱིས་ད་དུང་ཀོས་ནན་རྫོང་སྲིད་གྲོས་ལས་ཁུངས་ཀྱི་ལས་བྱེད་པ་དང་སྲིད་གྲོས་ཨུ་ཡོན་གྱི་འཐུས་མིར་འཚམས་འདྲི་གནང་།