ཅོང་ཞི་ཉེར་བཞི་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

ཅོང་ཞི་མཛོ་འོ་སྲང་ལྔ།  ཙན་དཀར་ཞོ་བཞི།  ཙན་དམར་ཞོ་བརྒྱད།  ཨར་ནག་ཞོ་ལྔ།  ཨ་རུ་སྲང་གང་།  སུག་སྨེལ་ཞོ་དོ།  ལི་ཤི་ཞོ་གཉིས།  གུར་གུམ་ཞོ་ལྔ།  ཅུ་གང་ཞོ་བཞི།  ཛཱ་ཏི་ཞོ་གཉིས།  ཀོ་ལ་ཞོ་དོ།  སྐྱུ་རུ་ཞོ་བརྒྱད།  སེ་འབྲུ་ཞོ་དྲུག  དུག་ཉུང་ཞོ་གསུམ།  པི་ལིང་ཞོ་བཞི།  རུ་རྟ་ཞོ་བཞི།   པྲི་ཡང་ཀུ་ཞོ་བརྒྱད།  སུམ་ཏིག་ཞོ་ལྔ།  བ་ཤ་ཀ་ཞོ་ལྔ།  ཨུཏྤལ་སྔོན་པོ་ཞོ་བརྒྱད།  གསེར་མེ་ཞོ་བཞི།  བོང་དཀར་ཞོ་བརྒྱད།  གི་ཝང་སྐར་གཅིག  གླ་རྩི་སྐར་ཕྱེད་བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ།

ཕན་ནུས།

ཅོང་ཞི་ཉེར་བཞི་བཟི་མེད་ཅུང་ཟད་བསིལ།  དུག་སྨུག་ཁྲག་མཁྲིས་མཆིན་པར་རྒྱས་པ་དང་།  གབ་ཚད་ཚད་རྙིང་རྩིབ་མར་ཞེན་པའི་ནད།  ཁྲག་རྙིང་སྟོད་བརྒྱངས་མཆིན་མཚེར་བར་ཁྲག་རྒྱས།  མཆིན་དྲིའི་ནད་ཀྱིས་རྩིབ་གཟེར་དབུགས་བཀག་པ།  ལྷེན་སྣའི་མཚམས་སྒྲིལ་ཁོག་པ་སྟོང་སྦོས་བྱེད།  མདོར་ན་ཕོ་མཆིན་སྨུག་པོའི་ནད་དང་ནི།  ཁྱད་པར་མཆིན་ཁྲག་མཆིན་ཚད་ནད་ལ་ཕན།  ཐུན་ཚད་ན་ཚོད་ལུས་སྟོབས་བཟི་སོགས་སྦྱོར།