ཝུའུ་ཞའོ་ཅུན་གྱིས་མཚོ་བྱང་ཁུལ་གྱི་དབུལ་ཐར་མཁྲེགས་གཏོར་གྱི་གྲུབ་འབྲས་སྲ་བརྟན་དང་རྒྱ་སྐྱེད་དུ་གཏོང་བ་དང་གྲོང་གསེབ་དར་སྤེལ་གཉིས་ཕན་ཡོད་སྦྲེལ་མཐུད་བྱེད་པའི་བྱ་བར་རྟོག་ཞིབ་མཛུབ་སྟོན་བྱས་པ།
ཟླ7པའི་ཚེས9ཉིན། མཚོ་སྔོན་ཞིང་ཆེན་ཏང་ཨུའི་ཧྲུའུ་ཅི་གཞོན་པའམ་ཧྲིན་ཀྲང་ཝུའུ་ཞའོ་ཅུན་གྱིས་མཚོ་བྱང་བོད་རིགས་རང་སྐྱོང་ཁུལ་གྱི་དབུལ་ཐར་མཁྲེགས་གཏོར་གྱི་གྲུབ་འབྲས་སྲ་བརྟན་དང་རྒྱ་སྐྱེད་དུ་གཏོང་བ་དང་གྲོང་གསེབ་དར་སྤེལ་གཉིས་ཕན་ཡོད་སྦྲེལ་མཐུད་བྱེད་པའི་བྱ་བར་རྟོག་ཞིབ་བྱེད་སྐབས་ནན་གྱིས་བསྟན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཞིང་གསུམ་བྱ་བའི་སྐོར་གྱི་རྣམ་བཤད་གལ་ཆེན་དང་མཚོ་སྔོན་ལ་གཟིགས་ཞིབ་མཛད་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་གཏིང་ཟབ་དང་ལག་ལེན་མཐར་ཕྱིན་བྱེད་པ། ལས་སྒྲུབ་ལས་གཉེར་གྱི་ངར་སེམས་ཆེར་བསྐྱེད་པ། ལག་བསྟར་དམ་འཛིན་བྱེད་པའི་རྣམ་པ་གསར་པ་གྲུབ་པར་བྱེད་པ། དབུལ་ཐར་མཁྲེགས་གཏོར་གྱི་གྲུབ་འབྲས་སྲ་བརྟན་དང་རྒྱ་སྐྱེད་དུ་གཏོང་བ་དང་གྲོང་གསེབ་དར་སྤེལ་གཉིས་སྦྲེལ་མཐུད་བྱེད་པར་རྒྱུན་མཐུད་ངང་སྐུལ་འདེད་བཏང་སྟེ། ཐབས་བརྒྱ་ཇུས་སྟོང་གིས་ཞིང་བའི་ཡོང་སྒོ་ཇེ་མཐོར་གཏོང་བ་དང་ཕྱུག་པོར་བསྒྱུར་བའི་ལམ་བུ་རྒྱ་བསྐྱེད་པ་དང་། ཐབས་མང་མཉམ་སྤྱོད་ཀྱིས་མི་དམངས་ཀྱི་འཚོ་བའི་རྒྱུ་སྤུས་མཐོར་འདེགས་གཏོང་དགོས་ཟེར།
འཇུ་ལག་ཧུའེ་རིགས་རང་སྐྱོང་རྫོང་རྡོ་སྔོན་ལ་ཁ་གྲོང་རྡལ་བྲག་དམར་སྡེ་བ་དང་རྡོ་ནག་སྡེ་བ། སྲིབ་ཞིང་ཡུལ་ཚོ་མཚོ་ལུང་ཐང་སྡེ་བ། གྲེ་མ་ཡུལ་ཚོ་བྲག་དཀར་ལུང་བ་སྡེ་བ། འཇུ་ལག་རྫོང་དེང་རབས་ཞིང་ལས་ཚན་རྩལ་དཔེ་སྟོན་ར་བ་བཅས་སུ་ཝུའུ་ཞའོ་ཅུན་གྱིས་ཡུལ་དངོས་ནས་ས་འགུལ་གྱི་གནོད་འཚེའི་རྗེས་ཀྱི་བསྐྱར་འཛུགས་དང་མང་ཚོགས་ཀྱི་ཡོང་འཕར་ཕྱུག་སྒྱུར། ཡུལ་གཞན་གནས་སྤོར་གཅིག་བསྡུས་བཀོད་སྒྲིག་དང་གྲོང་གསེབ་སྦྲེལ་མཐུད་མ་དངུལ་ལས་གཞི་འཛུགས་སྐྲུན། གྲོང་གསེབ་དར་སྤེལ་ཐོན་ལས་འཕེལ་རྒྱས། རིག་གནས་ཡུལ་སྐོར་ལས་གཞི་འཛུགས་སྐྲུན་འཁོར་རྒྱུག་སོགས་ཀྱི་གནས་ཚུལ་ལ་རྟོག་ཞིབ་བྱས་པར་མ་ཟད། ཁྱིམ་ཚང་དུ་སོང་ནས་མང་ཚོགས་ལ་འཚམས་འདྲི་གནང་། ཁོས་ནན་གྱིས་བསྟན་དོན། འཕེལ་རྒྱས་ཀྱི་རྣམ་པ་སྤྱད་དེ་དབུལ་ཐར་མཁྲེགས་གཏོར་གྱི་གྲུབ་འབྲས་སྲ་བརྟན་དང་རྒྱ་སྐྱེད་དུ་གཏོང་རྒྱུ་རྒྱུན་འཁྱོངས་བྱེད་པ་དང་། ཐོན་ལས་དང་ལས་ཞུགས་རོགས་སྐྱོར་བྱེད་ཤུགས་རྒྱུན་མཐུད་ངང་ཇེ་ཆེར་གཏོང་བ། ཐོན་ལས་རོགས་སྐྱོར་གྱི་སྲིད་ཇུས་ལག་བསྟར་ནན་མོ་བྱེད་པ། ཁྱད་ལྡན་ཐོན་ཁུངས་ཀྱི་དགེ་མཚན་སྔོག་འདོན་ཟབ་མོ་བྱེད་པ། ས་གནས་ཀྱི་ཁྱད་ལྡན་ཐོན་རྫས་གོང་དུ་སྤེལ་བ། ཞིང་འབྲེལ་ཞིང་ཁྲིད་ཀྱི་ཁེ་ཕན་མཉམ་འབྲེལ་རྐྱེན་སྲོལ་འཐུས་ཚང་དུ་གཏོང་བ། སྦྲང་ཆར་འཆར་གཞི་དང་ཟུང་འབྲེལ་བྱས་པའི་ལས་ཞུགས་སྐུལ་སྤེལ་འགུལ་སྐྱོད་ལག་བསྟར་བཟང་བོ་བྱས་ནས། ཡོང་འཕར་ཕྱུག་སྒྱུར་གྱི་ནང་སྐྱེས་སྒུལ་ཤུགས་རྒྱུན་མཐུད་སྒོས་ཇེ་ཆེར་གཏོང་དགོས་ཟེར།
ཚེ་རིང་ཐར་གྱིས་མཉམ་དུ་རྟོག་ཞིབ་གནང་།
公众号 
抖音号 
快手号 