མདོ་ལ་རྫོང་གིས་དཔྱིད་དུས་ཀྱི་ས་བོན་ལེགས་པོར་སྦས་ནས་སྟོན་གྱི་འབྲས་བཟང་རབ་ཏུ་སྨིན་པར་སྟ་གོན་བྱས།

དཔྱིད་རྨོ་དུས་ཚིགས་ལ་འཁེལ་བའི་སྐབས་འདིར། མདོ་ལ་རྫོང་གིས་རྫོང་ཨུ་དང་རྫོང་སྲིད་གཞུང་གི“ཞིང་གསུམ”བཀོད་སྒྲིག་ལས་དོན་མཐའ་གཅིག་ཏུ་ལག་བསྟར་བྱས་ཤིང་། “སྔོན་ལ་འཆར་འགོད་དང་སྔོན་ལ་བཀོད་སྒྲིག སྔོན་ལ་འགུལ་སྐྱོད”། “འཛིན་པ་ལྔ་དང་སྐུལ་འདེད་ལྔ”ཡི་ཆེད་དོན་བྱ་སྤྱོད་འཛིན་བྱེད་དུ་བྱས་ནས་དཔྱིད་དུས་ཀྱི་ཞིང་ལས་ཐོན་སྐྱེད་གོ་རིམ་ལྡན་པའི་ངང་ཁྱོན་ཡོངས་ནས་སྐུལ་འདེད་བཏང་།

དྲིལ་སྒྲོག་དམ་འཛིན་སྒོས་ཐུན་མོང་ངོས་འཛིན་ལ་སྐུལ་འདེད་བཏང་ནས་དཔྱིད་རྨོས་ཆིག་ཤུགས་གཅིག་ཏུ་བསྒྲིལ། ཞིང་ལས་འཕྲུལ་ཆས་ཀྱི་ལག་རྩལ་པས་གྲུབ་པའི་ཆེད་དོན་ཞབས་ཞུའི་རུ་དཔུང་བཙུགས་ཡོད་ལ། “སྒྲོག་འགྲེལ་གཉིས་དང་སྐུལ་འདེད་བཞི”ཡི་བྱེད་སྒོ་ལ་སྦྱར་ནས་སྡེ་བ་དང་ཁྱིམ་ཚང་དུ“དཔྱིད་རྨོ་ཞབས་ཞུ་ཁྱིམ་ཚང་ཀུན་ལ་བསྐྱོད་པའི”བྱ་སྤྱོད་སྤེལ། རྨོ་ཞིང་གི“འབྲུ་མིན་ཅན”གྱི་བཅོས་སྐྱོང་སྲིད་ཇུས་དང་། ལྗང་མདོག་ཟས་རིགས་ཚད་ལྡན་ཐོན་སྐྱེད་གཙོ་གནད་དུ་བཟུང་ནས་སྒྲིག་འགྲེལ་བྱས་ཤིང་། དུས་མཚུངས་སུ་གནོད་འབུའི་ལྗང་མདོག་འགོག་སྡོམ་ལག་རྩལ་རྒྱ་ཁྱབ་ཏུ་བཏང་སྟེ་རྒྱལ་ཡོངས་ལྗང་མདོག་ཟས་རིགས་མ་རྒྱུའི་རྟེན་གཞི་བསྐྲུན་པར་རྨང་གཞི་བཞག

དམིགས་འབེན་དམ་འཛིན་སྒོས་དོན་འཁྱོལ་ལ་སྐུལ་འདེད་བཏང་ནས་ཐོན་སྐྱེད་ཀྱི་རྨང་གཞི་བརྟན་པོར་བཏང་། འབྲུ་སྣུམ་ཐོན་སྐྱེད་འགན་འཁྲི་ཚན་རིག་དང་མཐུན་པའི་དབྱེ་བགོ་བྱས་ཤིང་། འབྲུ་རིགས་འདེབས་གསོ་ཁུལ་མུའུ་ཁྲི2.09（དམིགས་འབེན་ཐོན་ཚད་ཏུན་ཁྲི0.42）དང་། སྣུམ་རྒྱུ་འདེབས་འཛུགས་རྒྱ་ཁྱོན་མུའུ་ཁྲི1.55（དམིགས་འབེན་ཐོན་ཚད་ཏུན་ཁྲི0.15） སྔོ་ཚལ་འདེབས་འཛུགས་རྒྱ་ཁྱོན་མུའུ་ཁྲི0.04（དམིགས་འབེན་ཐོན་ཚད་ཏུན་ཁྲི0.04） གཏན་འཁེལ་བྱས་ནས“ཡུལ་གྲོང་གིས་རྒྱ་ཁྱོན་ཁག་ཐེག་དང་ལག་རྩལ་གྱིས་ཐོན་ཚད་ཁག་ཐེག”བྱེད་པའི་འགན་གཙང་ལེན་ཟུང་གི་འགན་འཁྲིའི་ལམ་ལུགས་བཙུགས།

གྲབས་གསོག་དམ་འཛིན་དང་འགན་སྲུང་ལ་སྐུལ་འདེད་བཏང་ནས་ཞིང་ལས་མ་རྩའི་མཁོ་འདོན་གེགས་མེད་དུ་བྱས། “སྲིད་གཞུང་གྲབས་གསོག+ཁྲོམ་རའི་མཁོ་འདོན”གྱི་འགན་སྲུང་མ་ལག་བཙུགས། ད་ལྟ་ལུད་རྫས་ཏུན203དང་། ནས་དང་པད་ཁ་སོགས་སོན་བཟང་ཏུན16གྲབས་གསོག་བྱས་ཡོད། 2025ལོའི་ས་བོན་ལས་གྲྭ་སོགས་ཀྱི་ལས་གཞི་བརྒྱུད་སྐྱེ་ལྡན་ལུད་ཏུན500དང་། ཞིང་སྨན་ཧྲིན602 ནས་ཀྱི་ས་བོན་ཏུན33ཉོ་བཞིན་ཡོད། ཞིང་ལས་མ་རྩའི་མཁོ་འདོན་གཟའ་འཁོར་གྱི་བཀོད་གཏོང་ལམ་སྲོལ་བཙུགས་ཡོད། ད་ལྟ་ཞིང་ལས་མ་རྩའི་གཏོང་འདྲེན་གྲབས་གསོག་ལས་དོན་ཡོངས་སུ་འགྲུབ་སྟེ་རང་རྫོང་གི་དཔྱིད་རྨོ་དགོས་མཁོ་ཡོངས་སུ་སྐོང་ཐུབ།