ཟླ3པའི་ཚེས28ཉིན། མཚོ་བྱང་ཁུལ་གྱིས་ནུབ་མཚོ་གློག་བརྙན་ཟློས་གར་ཁང་དུ"མཚོ་བྱང་གི་གཏམ་རྒྱུད་ངས་བཤད"ཅེས་པའི་སྐྱེ་ཁམས་དཔལ་ཡོན་འཛུགས་སྐྲུན་གྱི་མཐོང་སྣང་སློབ་ཚན་གཅིག་སྡུད་འགྲེམས་འཁྲབ་བྱེད་སྒོ་སྤེལ་ནས"རིགས་པའི་གཞུང་ལུགས་སྒྲོག་འགྲེལ+སྒྱུ་རྩལ་འཁྲབ་སྟོན"གྱི་གསར་གཏོད་རྣམ་པ་བརྒྱུད་དུས་རབས་གསར་བའི་མཚོ་བྱང་གི་སྐྱེ་ཁམས་དཔལ་ཡོན་འཛུགས་སྐྲུན་གྱི་གཡུར་དུ་ཟའི་གྲུབ་འབྲས་མངོན་པར་བྱས། ཁུལ་ཨུའི་རྒྱུན་ཨུའམ་དྲིལ་སྒྲོག་པུའུ་ཡི་པུའུ་ཀྲང་ཀྲང་ཐའོ་བྱེད་སྒོར་སླེབས་པ་དང་འབྲེལ་དཔྱད་བརྗོད་གནང་།

ཐེངས་འདིའི་འགྲེམས་འཁྲབ་ནང"རིགས་པའི་གཞུང་ལུགས་ཀྱི་སློབ་ཚན+མཐོང་སྣང་སློབ་ཚན"གཉིས་མཉམ་འདྲེས་བྱེད་སྟངས་ཞིབ་ཚགས་བཏོད་དེ<<ལྗང་མདོག་གི་དབྱངས་རྟ--མདའ་བཞིའི་ཁེ་ཐུ་བྱེ་བཅོས་སྙིང་སྟོབས་ལ་ཕུལ་བའི་གླུ་གཞས>>དང<<རྫ་རིའི་ཁྲོད་ཀྱི་སྐལ་བཟང་མེ་ཏོག>>། <<ཚེ་གཅིག་ལ་ལས་གཅིག་སྒྲུབ>>། <<གསེར་ཉའི་དཔྱིད་དཔལ>>སོགས་ཐོག་མའི་གསར་རྩོམ་གྱི་མཐོང་སྣང་སློབ་ཚན་བཞི་བརྒྱུད། འཇུ་ལག་རྫོང་གི་གུག་ར་དོ་དམ་སྲུང་སྐྱོབ་ས་ཚིགས་དང་། མདོ་ལ་རྫོང་གི་ཆུ་འཁོར་བུད་མེད་དོ་དམ་སྲུང་སྐྱོབ་རུ་ཁག རྐང་ཚ་རྫོང་གི་མཚོ་སྔོན་པོ་གསེར་ཉ་སྲུང་སྐྱོབ། མདའ་བཞི་རྫོང་གི་ཁེ་ཐུ་བྱེ་བཅོས་སོགས་གསོན་ཉམས་ལྡན་པའི་གཏམ་རྒྱུད་རྩ་བར་འཛིན་པ་དང་། ཉེ་འགྲམ་གྱི་མི་སྣ་གཙོ་བོར་འཛིན་པ། ཉེ་འགྲམ་དུ་བྱུང་བའི་གཏམ་རྒྱུད་གཙོ་གནད་དུ་བཟུང་སྟེ། ཁོ་ཚོས་མདོ་ལ་རིང་མོ་དང་མཚོ་སྔོན་པོའི་སྐྱེ་ཁམས་བདེ་འཇགས་སྲུང་སྐྱོབ་བྱེད་པའི་གཏམ་རྒྱུད་བརྗོད་པ། མཚོ་བྱང་གི་རིགས་སོ་སོའི་ལས་བྱེད་པ་དང་མང་ཚོགས་ཀྱིས་སྐྱེ་ཁམས་དཔལ་ཡོན་འཛུགས་སྐྲུན་ཁྲོད་མངོན་པའི་ཁྱོན་ཡོངས་ཀྱི་འདུ་ཤེས་དང་འགན་འཁུར་གྱི་འདུ་ཤེས། ལེགས་སྐྱེས་འབུལ་བའི་སྙིང་སྟོབས་བཅས་མཚོན་པ་དང་། མཚོ་བྱང་ཁུལ་གྱི་སྐྱེ་ཁམས་ཁོར་ཡུག་སྲུང་སྐྱོབ་ལ་ཐོབ་པའི་གྲུབ་འབྲས་ཆེན་པོ་མངོན་པར་བྱས་ཏེ། ཁུལ་ཡོངས་ཀྱི་སྐྱེ་ཁམས་སློབ་གསོ་དང་གསར་བརྗེའི་ཉམས་ཞིབ་ལ་བསླབ་དེབ་གསོན་པོ་ཞིག་འདོན་སྤྲོད་བྱས་ཡོད། 

འགྲེམས་འཁྲབ་མཇུག་སྒྲིལ་རྗེས། ཀྲང་ཐའོ་ཡིས་འགྲེམས་འཁྲབ་ནང་ཞུགས་པའི་མཐོང་སྣང་སློབ་ཚན་ལ་དཔྱད་བརྗོད་གནང་། འགྲེམས་འཁྲབ་ནང་ཞུགས་མཁན་ཚོས་དཀའ་སྤྱད་འབད་འཐབ་དང་ངོ་མཚར་བའི་མཚོན་ཚུལ་ལ་ཁས་ལེན་གང་ལེགས་གནང་བ་དང་། ཐེངས་འདིའི་འགྲེམས་འཁྲབ་བྱེད་སྒོའི་བརྗོད་བྱ་མངོན་གསལ་དོད་པ་དང་རྣམ་པ་གསར་རྐྱང་ཡིན་པས་དངོས་གནས་མི་སེམས་འགུལ་བ་ཞིག་ཡིན་པར་མ་ཟད། བསམ་བློའི་རང་བཞིན་དང་སྒྱུ་རྩལ་གྱི་རང་བཞིན། ཡིད་དབང་འགུག་ནུས་བཅས་ཆེན་པོ་ལྡན་ཡོད། མཐོང་སྣང་སློབ་ཚན་གྱི་སྤུས་ཚད་སྔར་བས་མཐོ་རུ་གཏོང་རྒྱུའི་ཐད་བླང་བྱ་ཞིབ་ཕྲ་བཏོན་པ་སྟེ། གཅིག་ནས་ཉམས་མྱོང་ཕྱོགས་བསྡོམས་ནན་ཏན་དང་མི་འདང་སར་བསམ་གཞིགས་གཏོང་བ། ལམ་སྲོལ་འདི་འཚོལ་ཞིབ་དང་འཐུས་ཚང་དུ་ཧུར་ཐག་གཏོང་བ། ཁུལ་དང་རྫོང་མཉམ་འགུལ་དང་སྤྱི་ཡོངས་ནས་སྐུལ་འདེད་གཏོང་བ། སྤྱི་ཚོགས་ཀྱི་ཕྱོགས་གང་ཅིའི་ཐད་ཀྱི་དགེ་མཚན་ལྡན་པའི་སྟོབས་ཤུགས་གཅིག་བསྡུས་བཅས་བྱས་ཏེ་མཐོང་སྣང་སློབ་ཚན་གསར་སྐྲུན་དང་། དཔེ་མཚོན་གལ་ཆེན་དྲིལ་སྒྲོག ཉམས་མྱོང་དྲིལ་སྒྲོག་བྱེད་ནུས་དང་ཆུ་ཚད་མཐོ་རུ་ཧུར་ཐག་གཏོང་དགོས། གཉིས་ནས་ཕན་ཚུན་སློབ་སྦྱོང་དང་སྐྱོན་སྤངས་དགེ་སྒྲུབ། དམིགས་ཡུལ་ཡོད་པའི་སྒོ་ནས་མཐོར་འདེགས་བཏང་སྟེ་གནད་སྨིན་འཐུས་ཚང་གི་མཐོང་སྣང་སློབ་ཚན་སྤུས་ལེགས་སུ་གཏོང་བ་དང་། ཁུལ་ཡོངས་ཀྱི"བསམ་བློ་ཆབ་སྲིད་ཀྱི་སློབ་ཚན་ཆེན་མོའི"ནང་དོན་ཕུན་སུམ་ཇེ་ཚོགས་སུ་གཏོང་བ། ཁུལ་ཡོངས་ཀྱི་བསམ་བློ་ཆབ་སྲིད་བྱ་བའི་སློབ་གསོ་དང་སྐྱེ་ཁམས་དཔལ་ཡོན་སློབ་གསོའི་གཞི་རྟེན་ཕུན་སུམ་ཇེ་ཚོགས་སུ་གཏོང་བ། མཚོ་བྱང་གི་སྙིང་སྟོབས་ཀྱི་བཙན་ས་སྐྲུན་པར་སྐུལ་འདེད་གཏོང་རོགས་བཅས་བྱེད་དགོས། གསུམ་ནས་ཁུལ་དང་རྫོང་གི་དྲིལ་སྒྲོག་སྡེ་ཁག་གིས་སྣེ་ཁྲིད་དང་སྤྱི་ཡོངས་དམ་འཛིན་གྱི་ནུས་པ་འདོན་སྤེལ་ཡག་པོ་བྱས་ཏེ་སྤྱི་ཡོངས་ནས"མཚོ་བྱང་གི་གཏམ་རྒྱུད་ངས་བཤད"ཅེས་པའི་བརྗོད་དོན་དྲིལ་སྒྲོག་བྱེད་སྒོའི་ཇུས་འགོད་བྱེད་ཤུགས་ཆེ་རུ་བཏང་ནས་བརྗོད་དོན་ཡག་པོ་དང་གཏམ་རྒྱུད་ཡག་པོ། བརྩམས་ཆོས་ཡག་པོ་བཅས་ཁག་གཅིག་ཤེས་རྟོགས་དང་གསོ་སྐྱོང་བྱ་རྒྱུར་དོ་སྣང་བྱས་ཏེ། བརྗོད་དོན་དྲིལ་སྒྲོག་བྱེད་སྒོར་ཕན་འབྲས་སྔར་ལས་ཆེ་བ་ཐོན་པར་བྱས་ནས་མཚོ་བྱང་ཤེས་རྟོགས་དང་། མཚོ་བྱང་ལ་དགའ་ཞེན། མཚོ་བྱང་དར་རྒྱས་བཅས་ཀྱི་རྣམ་པ་ཟབ་མོ་ཞིག་ཆགས་དགོས་ཟེར།

"འདི་ནི་འཁྲབ་སྟོན་མིན་པར་ང་ཚོའི་ཉིན་རེའི་འཚོ་བ་ཡིན།" མདོ་ལ་རིང་མོ་རྒྱལ་ཁབ་སྤྱི་གླིང་ཆུ་འཁོར་དོ་དམ་སྲུང་སྐྱོབ་ས་ཚིགས་ཀྱི་དོ་དམ་སྲུང་སྐྱོབ་པ་ཀྲང་ལི་ཕིང་གིས་དེ་ལྟར་བཤད། "ཐེངས་འདིའི་འགྲེམས་འཁྲབ་ཀྱིས་རྣམ་པ་གསར་རྐྱང་གི་ཐོག་ནས་མཚོ་བྱང་གི་སྐྱེ་ཁམས་དཔལ་ཡོན་གྱི་གཏམ་རྒྱུད་གསོན་ཉམས་ལྡན་པའི་ངང་མངོན་པར་བྱས་ཡོད། དེས་མི་སྔར་ལས་མང་བས་ང་ཚོའི་རྒྱུན་གཏན་གྱི་རི་སྐོར་ནགས་སྲུང་དང་རི་སྐྱེས་སྲོག་ཆགས་ལ་ལྟ་ཞིབ་ཚད་ལེན་བྱེད་པ། མེ་ཟོན་རྐུན་འགོག་གི་བྱ་བར་ཐད་ཀར་ཤེས་རྟོགས་ཐུབ་པ་དང་སྤྱི་དམངས་ཀྱིས་སྐྱེ་ཁམས་ཁོར་ཡུག་ལ་དོ་ཁུར་བྱེད་ཚད་དང་སྲུང་སྐྱོབ་ཀྱི་འདུ་ཤེས་ཇེ་ཟབ་ཏུ་བཏང་ནས། སྤྱི་ཚོགས་ཡོངས་ཐུན་མོང་ཐོག་སྐྱེ་ཁམས་དཔལ་ཡོན་འཛུགས་སྐྲུན་ནང་ཞུགས་པའི་མཉམ་ཤུགས་གཅིག་ཏུ་སྒྲིལ་ཐུབ"ཅེས་བཤད།

ཁུལ་རིག་གནས་ལུས་རྩལ་ཡུལ་སྐོར་རྒྱང་སྒྲོག་བརྙན་འཕྲིན་ཅུས་དང་རང་བྱུང་ཐོན་ཁུངས་ཅུས། ཞིང་ཕྱུགས་དང་ཚན་རྩལ་ཅུས། ནགས་རྩྭ་ཅུས། སྐྱེ་ཁམས་ཁོར་ཡུག་ཅུས་སོགས་སྡེ་ཁག་གི་ལས་བྱེད་ལས་བཟོ་བའི་འཐུས་མི་དང་། རྫོང་བཞིའི་དྲིལ་སྒྲོག་པུའུ་ཡི་འགན་འཁུར་བ། ཁུལ་ཐད་གཏོགས་དྲིལ་སྒྲོགཁོངས་གཏོགས་ཀྱི་ལས་བྱེད་ལས་བཟོ་བ་ཡོངས་བཅས་ཁྱོན་མི200ལྷག་ཙམ་བྱེད་སྒོར་ཞུགས།