མཚོ་བྱང་ཁུལ་མི་དམངས་སྲིད་གཞུང་དང་ཀྲུང་གོ་ཞིང་ལས་འཕེལ་རྒྱས་དངུལ་ཁང་མཚོ་སྔོན་ཡན་ལག་དངུལ་ཁང་གིས་འཐབ་ཇུས་མཉམ་ལས་ཀྱི་བཞུགས་མོལ་ཚོགས་འདུ་འཚོགས།

མཚོ་བྱང་ཁུལ་མི་དམངས་སྲིད་གཞུང་དང་ཀྲུང་གོ་ཞིང་ལས་འཕེལ་རྒྱས་དངུལ་ཁང་མཚོ་སྔོན་ཡན་ལག་དངུལ་ཁང་གིས་འཐབ་ཇུས་མཉམ་ལས་ཀྱི་བཞུགས་མོལ་ཚོགས་འདུ་འཚོགས།

   ཟླ3པའི་ཚེས24ཉིན། ཀྲུང་གོ་ཞིང་ལས་འཕེལ་རྒྱས་དངུལ་ཁང་མཚོ་སྔོན་ཞིང་ཆེན་ཡན་ལག་དངུལ་ཁང་གི་ཧང་ཀྲང་གཞོན་པ་ཝང་ཉིང་འཁོར་དང་བཅས་པ་མཚོ་བྱང་ཁུལ་དུ་བསྐྱོད་དེ་བརྟག་ཞིབ་གནང་ལ། སྔར་བས་འབྲེལ་འདྲིས་གཏིང་ཟབ་དང་འཐབ་ཇུས་མཉམ་ལས་ལ་ཁྱོན་ཡོངས་ནས་སྐུལ་འདེད་གཏོང་བར་དམིགས་ནས་བཞུགས་མོལ་བརྗེ་རེས་བྱས།  ཁུལ་དཔོན་གཞོན་པ་དབྱིན་མའོ་ཝུན་ཚོགས་འདུར་སླེབས་ནས་གསུང་བཤད་གནང་ཞིང་། ཁུལ་འཕེལ་སྒྱུར་ཨུ་ལྷན་དང་ནོར་སྲིད། བཟོ་ལས་དང་ཆ་འཕྲིན་ཅན་ཅུས། འགྲིམ་འགྲུལ། ཞིང་ཕྱུགས། རྒྱལ་ཁབ་མ་འཇོག་སོགས་སྡེ་ཁག་གི་འགན་འཁུར་བློ་མཐུན་གཙོ་བོ་ཚོགས་འདུར་ཞུགས།

   བཞུགས་མོལ་ཚོགས་འདུའི་ཐོག  ཝང་ཉིང་གིས་ཞིང་ཆེན་ཞིང་ལས་འཕེལ་རྒྱས་དངུལ་ཁང་གི་དངུལ་བུན་སྲིད་ཇུས་དང་རྒྱབ་སྐྱོར་ཁྱབ་ཁོངས། འཁོར་རྒྱུག་བྱེད་སྟངས་སོགས་ཐད་ཀྱི་གནས་ཚུལ་ངོ་སྤྲོད་གནང་བར་མ་ཟད། མཚོ་བྱང་ཁུལ་སྲིད་གཞུང་གིས་ཞིང་ཆེན་ཞིང་ལས་འཕེལ་རྒྱས་དངུལ་ཁང་ལ་སྔར་ནས་ད་བར་དུ་རྒྱབ་སྐྱོར་དང་རོགས་རམ་གནང་བར་ཐུགས་རྗེ་ཆེ་ཞུས་པ་དང་། ཁོང་གིས་མཚོ་བྱང་ཁུལ་གྱི་གསར་བརྗེའི་རིག་གནས་ཀྱི་ནང་དོན་གཏིང་ཟབ་པ་དང་། སྐྱེ་ཁམས་ཡུལ་སྐོར་ཐོན་ཁུངས་ཕུན་སུམ་ཚོགས་པ། མཐོ་སྒང་ཕྱུགས་ལས་ཀྱི་ཁྱད་ཆོས་མངོན་གསལ་དོད་པ་བཅས་ཀྱི་ཐོག་ནས་བྱ་གཞག་སོ་སོ་འཕེལ་རྒྱས་གཏོང་བར་མདུན་ལམ་ཆེན་པོ་ལྡན་ལ། ཞིང་ཆེན་ཞིང་ལས་འཕེལ་རྒྱས་དངུལ་ཁང་གིས་མཐོན་པོ་སྒང་གི་སྐྱེ་ཁམས་ཡུལ་སྐོར་གསར་བརྗེའི་ཞིབ་འཇུག་སློབ་སྦྱོང་རྟེན་གཞིའི་ལས་གཞི་མཉམ་ལས་འཇུག་སྒོར་བྱས་ཏེ། EODམ་དངུལ་བསྡུ་སྒྲིལ་བྱེད་སྟངས་མཚོ་བྱང་དུ་སྔོན་ལ་ཚོད་ལྟ་བྱ་རྒྱུར་སྐུལ་འདེད་གཏོང་བ་དང་། འབྲེལ་གཏུག་སྦྲེལ་མཐུད་སྔར་བས་དམ་ཟབ་ཀྱིས་རིམ་པ་དེ་བས་གཏིང་ཟབ་པ་དང་ཁྱབ་ཁོངས་དེ་བས་ཆེ་བའི་ལས་སྒོའི་མཉམ་ལས་འཚོལ་ཞིབ་ཧུར་ཐག་བྱས་ཏེ། མཚོ་བྱང་གི་དཔལ་འབྱོར་དང་སྤྱི་ཚོགས་སྤུས་ཚད་མཐོན་པོའི་སྒོ་ནས་འཕེལ་རྒྱས་ཡོང་རྒྱུར་རོགས་རམ་བྱ་རྒྱུ་ཡིན་པར་བསྟན།

   དབྱིན་མའོ་ཝུན་གྱིས་ཝང་ཉིང་འཁོར་དང་བཅས་པར་སྤྲོ་སེམས་འཁོལ་བའི་དགའ་བསུ་ཞུས་པ་དང་། ཞིང་ཆེན་དང་ཁུལ་གྱི་ཞིང་ལས་འཕེལ་རྒྱས་དངུལ་ཁང་གིས་དུས་ཡུན་རིང་པོའི་ནང་མཚོ་བྱང་ཁུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཐུགས་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ་ཞུས། ཁོང་གིས་མཚོ་བྱང་ཁུལ་གྱིས“243”འཕེལ་རྒྱས་ཀྱི་བཀོད་པ་མགྱོགས་མྱུར་ངང་འཛུགས་སྐྲུན་བྱེད་པ་དང་། “མཚོ་བྱང་ལྔ”འཛུགས་སྐྲུན་ལ་ནུས་ཤུགས་ཡོད་རྒུས་སྐུལ་འདེད་གཏོང་བ། ལྷག་པར་དུ་འགྲིམ་འགྲུལ་དང་ཡུལ་སྐོར་མཉམ་འདྲེས་ཚོད་ལྟ་དང་། མཛེས་སྡུག་ལྡན་པའི་གྲོང་གསེབ་འཛུགས་སྐྲུན། སྐྱེ་ཁམས་ཡུལ་སྐོར་དཔེ་སྟོན་ཁུལ་གཏོད་པ། གྲོང་གསེབ་དར་སྤེལ་གྱི“འགུལ་སྐྱོད་ཆེན་པོ་བརྒྱད”སོགས་གཙོ་གནད་བྱ་བ་དང་གཙོ་གནད་ལས་གཞི་ཁག་ཅིག་ལ་སྐུལ་འདེད་གཏིང་ཟབ་གཏོང་བ་བཅས་བྱས་ནས་དཔལ་འབྱོར་དང་སྤྱི་ཚོགས་འཕེལ་རྒྱས་བརྟན་པོ་ཡོང་བའི་རྨང་གཞི་ཟམ་མི་ཆད་པར་བརྟན་དུ་གཏོང་བ་དང་། སྒུལ་ནུས་རྒྱུན་ཆད་མེད་པར་གསོག་འཇོག་བྱེད་བཞིན་ཡོད།   ཞིང་ཆེན་ཞིང་ལས་འཕེལ་རྒྱས་དངུལ་ཁང་གིས་མཚོ་བྱང་ལ་མུ་མཐུད་དུ་དོ་ཁུར་བྱས་ཏེ། གྲོང་ཁྱེར་དང་གྲོང་གསེབ་འཛུགས་སྐྲུན། གྲོང་གསེབ་དར་སྤེལ།  སྐྱེ་ཁམས་ཡུལ་སྐོར། རྨང་གཞིའི་སྒྲིག་བཀོད་འཛུགས་སྐྲུན་སོགས་ཁྱབ་ཁོངས་ལ་དམིགས་ནས་དངུལ་རྩའི་རྒྱབ་སྐྱོར་བྱེད་ཤུགས་སྔར་བས་ཆེ་རུ་གཏོང་བ་དང་། འཐབ་ཇུས་མཉམ་ལས་ཀྱི་གྲུབ་འབྲས་རྒྱུན་ཆད་མེད་པར་ཆེ་རུ་བཏང་ནས་གཉིས་ཕན་གཉིས་རྒྱལ་ཡོང་རྒྱུར་སྐུལ་འདེད་གཏོང་དགོས་པར་བསྟན།

   བཞུགས་མོལ་བརྗེ་རེས་སྐབས་སུ། འབྲེལ་ཡོད་སྡེ་ཁག་གིས་མཐོན་པོ་སྒང་སྐྱེ་ཁམས་ཡུལ་སྐོར་དང་གསར་བརྗེའི་ཞིབ་འཇུག་སློབ་སྦྱོང་རྟེན་གཞིའི་ལས་གཞི། ནུབ་མཚོའི་འགྲིམ་འགྲུལ་དང་ཡུལ་སྐོར་མཉམ་འདྲེས་ཕྱོགས་བསྡུས་ཞབས་ཞུའི་ལས་གཞི། 2023ལོའི་ལས་གཞིའི་མ་དངུལ་བསྡུ་སྒྲིལ་གསལ་ཐོ་དང་མ་དངུལ་བསྡུ་སྒྲིལ་གྱི་འཆར་གཞི་བཅས་ངོ་སྤྲོད་ཞིབ་ཕྲ་བྱས་པ་དང་། ཚོགས་ཞུགས་མི་སྣས་སྲིད་ཇུས་རང་བཞིན་གྱི་དངུལ་རྩའི་ཡོ་བྱད་ཀྱིས་མཚོ་བྱང་ཁུལ་གྱི་དཔལ་འབྱོར་སྤུས་ཚད་མཐོན་པོའི་སྒོ་ནས་འཕེལ་རྒྱས་གཏོང་བར་རོགས་སྐྱོར་བྱེད་པའི་ཐད་གཏམ་བཤད་སྤེལ།