ལས་ཁུངས་མཉམ་འབྲེལ་སྒོས་ཞིང་ལས་ཐོན་རྫས་བདེ་འཇགས་ལ་ཞིབ་བཤེར་བྱས།

ཞིང་ཆེན་ཞིང་ལས་ཞིང་སྡེ་ཐིང་གི《2025ལོའི་སྤྱི་ལོའི་ལོ་སར་དང་དཔྱིད་གསར་སྐབས་ཀྱི་ཞིང་ལས་ཐོན་རྫས་སྤུས་ཚད་བདེ་འཇགས་ལྟ་སྐུལ་ལས་དོན་ལེགས་པོར་སྒྲུབ་པའི་སྐོར་གྱི་བརྡ་ཐོ》ཡི་བླང་བྱ་ལག་བསྟར་གཏིང་ཟབ་བྱས་ཤིང་། ལོ་སར་སྐབས་སུ་མང་ཚོགས་ཀྱིས་ཅ་ལག་ཉོ་བར་ཁག་ཐེག་ཡོད་ཕྱིར། མདོ་ལ་རྫོང་ཞིང་ཕྱུགས་ཆུ་བེད་དང་ཚན་རྩལ་ཅུ་ཡིས་རྫོང་ཁྲོམ་ར་ལྟ་སྐུལ་ཅུ་དང་། རྫོང་ཕྱོགས་བསྡུས་ཁྲིམས་འཛིན་ཅུ་དང་མཉམ་འབྲེལ་སྒོས་མྱུར་དུ་ཞིང་ལས་ཐོན་རྫས་ཀྱི་སྤུས་ཚད་ཞིབ་བཤེར་ལས་དོན་སྤེལ།

ཐེངས་འདིའི་མཉམ་འབྲེལ་ཞིབ་བཤེར་ནི་སྡོམ་པའི་ཉིན3ལ་བྱས་ཤིང་། གཙོ་བོ་ཞིང་ལས་ཐོན་རྫས་ཐོན་སྐྱེད་ཁེ་ལས་དང་ཆེད་ལས་མཉམ་ལས་ཁང་། “ཆས་གསུམ་རྟགས་གཅིག”ཁས་ལེན་ཐོབ་པའི་ཐོན་རྫས་ནི་དམིགས་ཡུལ་གཙོ་བོ་རུ་བྱས། དེའི་ནང་སྔོ་ཚལ་དང་ཤིང་ཏོག ཤ སྒོ་ང་སོགས་དུས་ཆེན་རིང་ཧ་ཅང་བྲིན་པའི་ཞིང་ཕྱུགས་ཐོན་རྫས་ལ་ཞིབ་བཤེར་བྱས། ལས་དོན་མི་སྣ་དག་རྫོང་ཁོངས་ཀྱི་ཞིང་ཕྱུགས་ཐོན་རྫས་ཐོན་སྐྱེད་རྟེན་གཞི་དང་ཞིང་ཚོང་ཁྲོམ་ར། སྒོ་རྩིས་ཚོང་ཁང་སོགས་འདུས་གནས་ལ་སྐོང་འཐེན་ཞིབ་བཤེར་བྱས། ཞིབ་བཤེར་བརྒྱུད་རིམ་ཁྲོད་ལས་དོན་མི་སྣས་འབྲེལ་ཡོད་ཚད་གཞི་དང་སྒྲིག་སྲོལ་ལྟར་ནན་ཏན་གྱིས་ལག་ལེན་བྱས་ནས་ཚན་རིག་རང་བཞིན་དང་འཐུས་ཚབ་རང་བཞིན་ལ་ཁག་ཐེག་བྱས། དུས་མཚུངས་སུ་ཞིང་ལས་ཐོན་སྐྱེད་ཀྱི་ཡིག་ཚགས་ཟིན་ཐོ་དང་ཞིང་སྨན་བེད་སྤྱོད་ཟིན་ཐོ། ཁས་ལེན་ཚད་ལོངས་དཔང་ཡིག་ཕྱེ་བ་སོགས་ཀྱི་གནས་ཚུལ་ལ་ཞིབ་བཤེར་བྱས་ཤིང་། ཐོན་སྐྱེད་གཉེར་སྐྱོང་བྱེད་པོ་ལ་བདེ་འཇགས་ཐོན་སྐྱེད་དྲིལ་སྒྲོག་གསོ་སྦྱོང་དང་ལག་རྩལ་མཛུབ་ཁྲིད་བྱས། ཐེངས་འདིར་ཁག་ཐེངས10ལ་ཞིབ་བཤེར་བྱས་ཤིང་འབྲེལ་ཡོད་དཔྱད་ཆས་ཀྱིས་ཞིབ་བཤེར་བརྒྱུད་ཚད་ལོངས་ཚད100%ཡིན།

དུས་མཉམ་དུ་ལས་དོན་མི་སྣས《ཞིང་སྨན་ཚད་བཀག་མིང་ཐོ》《སྲན་རིང་རྒྱུན་བཤེར་གནད་དོན་གྱི་ཞིང་སྨན་གསལ་ཐོ》《ཚད་ལོངས་དཔང་ཡིག་ལམ་ལུགས་ཀྱི་དོན་སྙིང་གལ་ཆེན》སོགས་དྲིལ་སྒྲོག་བརྡ་ཁྱབ་སྦྱར་ཞིང་། གཉེར་སྐྱོང་མཁན་དང་མང་ཚོགས་ལ《ཞིང་ལས་ཐོན་རྫས་སྤུས་ཚད་བདེ་འཇགས་བཅའ་ཁྲིམས》སོགས་དྲིལ་སྒྲོག་དཔྱད་ཡིག90ལྷག་གཤམ་སྤྲོད་བྱས། ཞིང་ལས་ཐོན་རྫས་ཀྱི་བདེ་འཇགས་དང་ཞིང་ལས་བེད་སྤྱོད་ཐོན་རྫས་འདེམ་ཉོ་སོགས་གནད་དོན་གསལ་འགྲེལ་བྱས་ཤིང་། ཐོན་སྐྱེད་གཉེར་སྐྱོང་བྱེད་པོ་ལ“ཚད་བཀག་ཞིང་སྨན”གྱི་ཤེས་བྱ་བསྒྲགས་ནས་མང་ཚོགས་ཀྱི་བདེ་འཇགས་དང་ཁྲིམས་ལུགས་འདུ་ཤེས་ནུས་ལྡན་མཐོ་རུ་བཏང་ལ་སྤྱི་ཚོགས་མཉམ་བཅོས་རྣམ་པ་ལེགས་པོ་ཆགས། གཞན་ཞིབ་བཤེར་ཚན་པ་སློབ་གྲྭའི་ཐད་འདོན་མཁོ་འཚོང་གནས་དང་ཚང་ལོངས་དཔང་ཡིག་གསར་ཕྱེ་ཁེ་ལས་ལ་སོང་ནས་ཐོན་སྐྱེད་ཡིག་ཚགས་དང་ཚད་ལོངས་ཡི་གེའི་ཚད་དང་ལྡན་མིན། བདེ་འཇགས་ཐོན་སྐྱེད་གནས་ཚུལ་ལ་ནན་ཏན་གྱིས་ཞིབ་བཤེར་བྱས་ཏེ་ཁྲོམ་རའི་ནང་བསྐྱོད་པའི་ཞིང་ལས་ཐོན་རྫས་ཀྱི་འབྱུང་རྩའི་སྤུས་ཀ་ལ་ཁག་ཐེག་ནུས་ལྡན་བྱས།

ཐེངས་འདིའི་མཉམ་འབྲེལ་ཞིབ་བཤེར་ལས་དོན་ནི་མདོ་ལ་རྫོང་གི་ཞིང་ལས་ཐོན་རྫས་ཀྱི་སྤུས་ཀ་ལ་ཁྱོན་ཡོངས་ཞིབ་བཤེར་ཐེངས་གཅིག་ཡིན་པ་མ་ཟད། ལྷག་ཏུ་སྡེ་ཚན་ཁག་མཐུན་སྦྱོར་མཉམ་ལས་དང་མང་ཚོགས་ཀྱི་ཟས་རིགས་བདེ་འཇགས་སྲུང་བའི་བྱེ་བྲག་ལག་ལེན་ཡིན། གོམ་སྟབས་རྗེས་མར་ང་ཚོས་མུ་མཐུད་དུ་ཞིང་ལས་ཐོན་རྫས་སྤུས་ཚད་བདེ་འཇགས་ཀྱི་ཞིབ་བཤེར་ནུས་ཤུགས་ལ་ཤུགས་བསྣན་ནས་རྫོང་ཡོངས་མི་དམངས་མང་ཚོགས་ཀྱིས“དུས་ཆེན་གཉིས”ཀྱི་རིང་བདེ་འཇགས་དང་ཡིད་རྟོན་རུང་བའི་ཞིང་ཕྱུགས་ཐོན་རྫས་བཟའ་ཐུབ་པར་ཁག་ཐེག་བྱེད།