མདོ་ལ་རྫོང་གིས་ནུས་མཐོ་སྟབས་བདེ་ཡི་སྲིད་དོན་ཁོར་ཡུག་ཧུར་ཐག་གིས་བསྐྲུན་པ།

མདོ་ལ་རྫོང་གིས་ནུས་མཐོ་སྟབས་བདེ་ཡི་སྲིད་དོན་ཁོར་ཡུག་ཧུར་ཐག་གིས་བསྐྲུན་པ།

ད་ལོ་ནས་བཟུང་། མདོ་ལ་རྫོང་གིས་སྲིད་དོན་ཁོར་ཡུག་ཇེ་ལེགས་སུ་གཏོང་བ་ནི་ཚོང་གཉེར་ཁོར་ཡུག་ལེགས་སྒྱུར་གྱི་འཇུ་བྱེད་གཙོ་བོ་རུ་བཟུང་ཞིང་། མི་དམངས་མང་ཚོགས་ཡིད་ཚིམས་པ་ནམ་ཡང་ཆེས་གཞི་རྩ་ཡི་འགོ་རྩོམ་ས་དང་འབབ་ས་རུ་བྱས། ཞིབ་མཆན་བྱེད་ཐབས་རྒྱུན་མཐུད་གསར་གཏོད་དང་ལས་དོན་གོམས་སྲོལ་བསྒྱུར་བ། ཞབས་ཞུའི་སྤུས་ཚད་མཐོ་རུ་བཏང་སྟེ་ཞིབ་མཆན་ནུས་ཆོད་མྱུར་བ་དང་ཞབས་ཞུ་རྣམ་འགྱུར་བཟང་བ། དམངས་ཀྱིས་དོན་དག་སྒྲུབ་པར་སྟབས་བདེ་བའི་ཚོང་གཉེར་ཁོར་ཡུག་ཧུར་ཐག་གིས་བསྐྲུན་ནས་དམངས་ཀྱི་ཡིད་ཚིམས་ཚད་མུ་མཐུད་མཐོ་རུ་བཏང་། 

སྲིད་དོན་ཞབས་ཞུ་ཡི་གཅིག་སྡུད་སྒྲུབ་གཉེར་ལ་རྒྱུན་མཐུད་སྐུལ་འདེད་བཏང་། སྡེ་ཁག18ཀྱི་སྲིད་དོན་ཞབས་ཞུའི་ལས་སྒོ་དོན་ཚན304སྔར་བས་ལེགས་སྒྱུར་བཏང་ཞིང་། རྒྱུ་ཆ75ལེགས་སྒྲིག་བྱས། མང་ཚོགས་ཀྱིས་དོན་དག་སྒྲུབ་པར“སྒོ་གཅིག་ལས་མི་འཛུལ་བ”དང“མང་ན་ཐེངས་གཅིག་ལས་མི་རྒྱུགས་པ”“ཐེངས་གཅིག་ལའང་རྒྱུགས་མི་དགོས་པ”ཡི་ཞབས་ཞུའི་རྩ་དོན་ཧུར་ཐག་གིས་མངོན་འགྱུར་བྱས། དྲ་ལམ་དོན་སྒྲུབ་ཚན་པ228དང་མྱུར་དུ་དོན་སྒྲུབ་ཚན་པ113 དོན་གཅིག་ཐེངས་གཅིག་ལ་སྒྲུབ་པ་ཡི་དོན་དག16 ཞིང་ཆེན་བརྒལ་ནས་མཉམ་སྒྲུབ་ཚན་པ82 ཚ་གནད་དོན་དག18 བརྡ་བཏང་ཁས་ལེན་ཚན་པ60 ཆད་པ་ཁ་སྐོང་གི་དོན་ཚན28 “ང་ཡིས་དམངས་དང་བརྒྱུད་རིམ་བསྐྱོད་པ”ཡི་གཙོ་གནད་དོན་ཚན76བསེད་བཀྲོལ་ལེགས་སྒྱུར་བཏང་། “ཡོངས་རྫོགས་དྲ་ལམ་ནས་གཉེར་བ་དང་། གཞན་ཡུལ་དུ་ཚབ་བསྡུ་ཚབ་གཉེར། ས་མང་མཉམ་སྒྲུབ”ཀྱི་ལས་དོན་བྱེད་སྟངས་ཧུར་ཐག་གིས་སྐུལ་འདེད་བཏང་སྟེ་ཁེ་ལས་དང་མང་ཚོགས་ལ་སྲིད་དོན་ཞབས་ཞུ་ཡུལ་གཞན་དུ་སྒྲུབ་པར་སྟབས་བདེ་བསྐྲུན། མིག་སྔའི་བར་དུ། རྫོང་སྲིད་དོན་ཞབས་ཞུ་ལྟེ་གནས་ཀྱིས་མང་ཚོགས་ཁྲི15.2སྣེ་ལེན་བྱས་ཤིང་། སྲིད་འཛིན་མཆན་འགོད་དང་སྤྱི་པའི་ཞབས་ཞུའི་དོན་དག་ཁྲི15.2སྒྲུབ་གཉེར་བྱས་ཤིང་སྒྲུབ་གཉེར་ཚད100%ཡིན། 

སྲིད་དོན་ཞབས་ཞུ་ལ་གྲངས་ཀའི་ནུས་པ་སྩོལ་པར་རྒྱུན་མཐུད་སྐུལ་འདེད་བཏང་། གྲངས་ཀ་ཅན་དང་སྲིད་དོན་ཞབས་ཞུ་ཕན་ཚུན་མཉམ་འདྲེས་ཀྱི་འཕེལ་རྒྱས་འདུ་ཤེས་ལག་བསྟར་ཧུར་ཐག་བྱས། གཞི་གཅིག་ཅན་གྱི་སྲིད་དོན་ཞབས་ཞུའི་ལས་སྟེགས་ལ་བརྟེན་ནས་རིགས་སོ་སོའི་དྲ་སྟེང་དྲ་ཕྱི་ཡི་སྲིད་དོན་ཞབས་ཞུའི་དོན་གནད་ཆིག་སྒྲིལ་འབྲེལ་མཐུད་བྱས། གཙོ་བོ“ནུས་མཐོའི་དོན་དག་གཅིག་སྒྲུབ་པ”དང་འབྲེལ་བའི་སྲིད་དོན་ཞབས་ཞུའི་དོན་གནད་དང་། ཁེ་ལས་དང་མང་ཚོགས་ཀྱི་སྒྲུབ་མང་བའི་དོན་དག “12345”ཡི་སྲིད་དོན་ཞབས་ཞུའི་དམངས་བདེ་སྦྲེལ་ལམ་གྱི་ལྡོག་ལན་དོན་གནད་བཅས་འདུ། ཝུའུ་ཁོང་ཚྭ་མཚོ་ཚད་ཡོད་ཀུང་སི་དང་སྦྲེལ་མཐུད་ཧུར་ཐག་བྱས་ནས་རོགས་སྐྲུན་མ་རྩ་བརྩོན་ལེན་བྱས་ཤིང་། ལྟེ་གནས་དམངས་བདེ་ཞབས་ཞུ་ཁུལ་གྱི་རྨང་གཞི་སྒྲིག་བཀོད་ཇེ་ལེགས་སུ་བཏང་སྟེ། མང་ཚོགས་དང་ཁེ་ལས། ལྷག་པར་དུ་དབང་བོ་སྐྱོན་ཅན་དང་རྒན་པ། དམག་ལོག་དམག་མི་སོགས་ལ་སྟབས་བདེ་དང་མགྱོགས་མྱུར་གྱི་ཞབས་ཞུ་བྱས་ཏེ་སྲིད་དོན་ཞབས་ཞུ་ཡི“མཐའ་མའི་འགག་གནད”སྒྲོལ། མིག་སྔའི་བར་དུ། འགུལ་སྐྱོད་ལ་སྟབས་མི་བདེ་བའི་རྒན་པ་དང་དབང་བོ་སྐྱོན་ཅན་ལ་སྒོ་རྩའི་སྲིད་དོན་ཞབས་ཞུ་མི་ཐེངས1500ལྷག་ལ་བྱས། 

སྲིད་དོན་ཞབས་ཞུ་ཡི“བཟང་ངན་དཔྱད་འཇོག”རྒྱུན་མཐུད་ཀྱིས་སྤེལ། སྐད་འཕྲིན་ཚོགས་པ་དང“མཚོ་སྔོན་སྒྲུབ་གཉེར་སླ་མོ”ཡི་ཁ་པརApp སྒེའུ་ཁུང་རྩ་གཉིས་ཨང་བཤེར། LEDའཆར་ངོས་ཀྱི་འགྲིལ་གཏོང་། གླ་གཏོང་རླངས་འཁོར་ཀླད་ཀྱི་བརྡ་ཁྱབ། “བཟང་ངན་དཔྱད་འཇོག”གི་དྲིལ་སྒྲོག་རྒྱུ་ཆ་གནང་སྦྱིན། འཕྲེད་བྱང་འགེལ་བ་སོགས་ཀྱི་རྣམ་པ་བརྒྱུད་མང་ཚོགས་ལ་སྲིད་དོན་ཞབས་ཞུ་ཡི“བཟང་ངན་དཔྱད་འཇོག”དྲིལ་སྒྲོག་བྱས། མང་ཚོགས་རྣམས་སྒེའུ་ཁུང་ལས་དོན་མི་སྣ་ཡི་དྲང་གཞག་དཔྱད་འཇོག་ནང་ཞུགས་པར་ཁྲིད་སྟོན་ཧུར་ཐག་བྱས། སྒེའུ་ཁུང་ལས་དོན་མི་སྣ་ཡི་ཞབས་ཞུའི་འདུ་ཤེས་ཇེ་དྲག་དང་། ཁེ་ལས་དང་མང་ཚོགས་ཀྱི་རེ་འདུན་ལ་རྒྱུས་ལོན་བྱས་ནས་སྤྱི་ཚོགས་ལྟ་སྐུལ་དང་ལེན་དང་སྲིད་དོན་ཞབས་ཞུ་རྒྱུན་མཐུད་ཇེ་ལེགས་སུ་བཏང་ནས་བྱ་བའི་ནུས་ཕྱོད་མཐོ་རུ་བཏང་། མིག་སྔའི་བར་དུ། དཔྱད་འཇོག་པ་ཡི་ཡིག་ངོས་དཔྱད་འཇོག་ཧ་ཅང་ཡིད་ཚིམས་པ5019དང་ཡིག་ངོས་དཔྱད་འཇོག་ཡིད་ཚིམས་པ2127ཡིན།