ལའོ་ཏུང་ཁྲོན་གྱིས་རྒྱལ་ཁབ་རྩྭ་སྲིན་ཞིབ་འཇུག་ལྟེ་གནས་ཀྱི་དབུ་བཞུགས་ཚན་རིག་པ་ལིན་ཀྲན་ཞིས་འཁོར་དང་བཅས་པར་ཐུག་འཕྲད་བྱས།
ཟླ4པའི་ཚེས2ཉིན། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཧྲིན་ཀྲང་ལའོ་ཏུང་ཁྲོན་གྱིས་ཟི་ལིང་དུ་ཧྥུའུ་ཅན་ནགས་ཞིང་སློབ་ཆེན་གྱི་རྒྱལ་ཁབ་རྩྭ་སྲིན་བཟོ་སྐྲུན་ལག་རྩལ་ཞིབ་འཇུག་ལྟེ་གནས་ཀྱི་དབུ་བཞུགས་ཚན་རིག་པ་ལིན་ཀྲན་ཞིས་འཁོར་དང་བཅས་པར་ཐུག་འཕྲད་བྱས།
ལའོ་ཏུང་ཁྲོན་གྱིས་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་ཚབ་བྱས་ནས་ལིན་ཀྲན་ཞིས་འཁོར་དང་བཅས་པར་དགའ་བསུ་བྱས་པ་དང་། རྒྱལ་ཁབ་རྩྭ་སྲིན་ཞིབ་འཇུག་ལྟེ་གནས་ཀྱིས་མཚོ་སྔོན་གྱི་སྐྱེ་ཁམས་དཔལ་ཡོན་འཛུགས་སྐྲུན་དང་སྤུས་ཚད་མཐོ་བའི་འཕེལ་རྒྱས་ཐད་ཐུགས་ཁུར་རྒྱབ་སྐྱོར་བྱས་པར་བཀའ་དྲིན་ཞུས། ཁོས་བཤད་རྒྱུར། ལོ་ངོ་མང་པོའི་རིང་། ཞིབ་འཇུག་པ་ལིན་ཀྲན་ཞིས་དང་དེའི་ཚོགས་པས་གསར་གཏོད་བྱས་པའི་རྩྭ་སྲིན་ལག་རྩལ་ལས་གཞི་ཡིས་ནགས་སྲིན་གྱི་འགལ་བའི་འཛམ་གླིང་རིམ་པའི་དཀའ་གནད་ནུས་ལྡན་སྒོས་ཐག་གཅོད་བྱས་ནས། སྐྱེ་ཁམས་ཁོར་ཡུག་སྲུང་སྐྱོབ་དང་ཚན་རྩལ་དབུལ་སྐྱོར། ལག་རྩལ་རོགས་སྐྱོར་བཅས་ཀྱི་ཐད་དམིགས་བསལ་གྱི་བྱས་རྗེས་བཞག་ཡོད། མིག་སྔར། མཚོ་སྔོན་འདི་ཉིད་བློ་བརྟན་འགྱུར་མེད་སྒོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཛུབ་སྟོན་གནང་བའི་ཁ་ཕྱོགས་བརྒྱུད་དེ་གདེང་ཚོད་ཡོད་པའི་སྒོ་ནས་མདུན་སྐྱོད་བྱེད་ཀྱིན་ཡོད་ལ། འཕེལ་རྒྱས་ཀྱི་རྣམ་པ་གསར་བར་ཞབས་འདེགས་ཞུས་ནས་དེའི་ཁྲོད་འདྲེས་པར་བྱས་པ་དང་། ཆུ་ཚད་མཐོ་བའི་སྲུང་སྐྱོབ་དང་སྤུས་ཚད་མཐོ་བའི་འཕེལ་རྒྱས་གཅིག་འདོམས་བྱས་ཏེ། ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་སྔོན་ལག་ལེན་ལ་སྐུལ་འདེད་གཏོང་བར་གོམ་སྟབས་བརྟན་པོ་སྤོས་ཡོད། རྩྭ་སྲིན་ལག་རྩལ་ནང་འདྲེན་བྱས་པས། ང་ཚོས་སྐྱེ་ཁམས་དཔལ་ཡོན་གྱི་མཐོ་ས་བསྐྲུན་པ་དང་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་ཁུལ་འཛུགས་སྐྲུན་བྱེད་པར་འཕེལ་རྒྱས་ཀྱི་བསམ་ཕྱོགས་དང་ཐག་གཅོད་ཇུས་གཞི་གསར་བ་འདོན་སྤྲོད་བྱས། ཕྱོགས་གཉིས་ཀྱིས་མཐོ་སྒང་གི་རྩྭ་སྲིན་ལག་རྩལ་གསར་གཏོད་སྟེགས་བུ་མཉམ་དུ་བསྐྲུན་པ་དང་། རྩྭ་སྲིན་གྱི་སྐྱེ་ཁམས་རིན་ཐང་མངོན་འགྱུར་བྱེད་པའི་ཚོད་ལྟའི་གནས་མཉམ་དུ་བཏོད་པ། རྩྭ་སྲིན་ཐོན་ལས་མཉམ་འདྲེས་འཕེལ་རྒྱས་ཀྱི་རྣམ་པ་མཉམ་དུ་བསྐྲུན་པ་སོགས་ཀྱི་ཕྱོགས་ནས་ཐོན་ལས་དང་སློབ་སྦྱོང་ཞིབ་འཇུག་བཅས་ཀྱི་མཉམ་ལས་ཟབ་སྤེལ་བྱས་ཏེ། སྐྱེ་ཁམས་ཁོར་ཡུག་དང་གྲོང་གསེབ་དར་སྤེལ། ཐོན་ལས་འཕེལ་རྒྱས་བཅས་ལ་མུ་མཐུད་དུ་གསོན་ཤུགས་གསར་བ་སྣོན་པའི་རེ་བ་བྱེད་ཀྱིན་ཡོད་ཟེར།
ལིན་ཀྲན་ཞིས་ཀྱིས་རྩྭ་སྲིན་ལག་རྩལ་ཞིབ་འཇུག་གསར་སྤེལ་དང་། བེད་སྤྱོད་ཁྱབ་གདལ་གཏོང་བ། འཕེལ་རྒྱས་མདུན་ལྗོངས་སོགས་ཀྱི་གནས་ཚུལ་ངོ་སྤྲོད་བྱས། ཁོས་བསྟན་དོན། མཚོ་སྔོན་གྱི་སྐྱེ་ཁམས་ཆ་རྐྱེན་ལེགས་ཤིང་། ཐོན་ཁུངས་ཀྱི་དགེ་མཚན་འབུར་དུ་ཐོན་པ་དང་། རྩྭ་སྲིན་ལག་རྩལ་འཕེལ་རྒྱས་གཏོང་རིན་ཡོད་པས། རང་ངོས་ཀྱི་དགེ་མཚན་འདོན་སྤེལ་ལེགས་པོ་བྱས་ནས། རྩྭ་སྲིན་ལག་རྩལ་གྱིས་མཚོ་སྔོན་གྱི་སྐྱེ་ཁམས་སྲུང་སྐྱོབ་དང་སྤུས་ཚད་མཐོ་བའི་འཕེལ་རྒྱས་ལ་གཞོགས་འདེགས་གང་ལེགས་བྱེད་དགོས་ཟེར།
ཝང་ཏུང་ཧྥུན་འབྲེལ་ཡོད་བྱ་འགུལ་ལ་ཞུགས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注