ཧན་ཀྲིན་གྱིས་དབྱིན་ཇི་ཧུའེ་ཧྥིན་སྡེ་ཚོགས་ཀྱི་ཀྲུའུ་ཞི་ཏུའུ་ཅཱ་ཆིས་ལ་མཇལ་འཕྲད་གནང་།
ཟླ4ཚེས2ཉིན། རྒྱལ་ཁབ་ཀྱི་ཀྲུའུ་ཞི་གཞོན་པ་ཧན་ཀྲིན་གྱིས་པེ་ཅིང་དུ་དབྱིན་ཇི་ཧུའེ་ཧྥིན་སྡེ་ཚོགས་ཀྱི་ཀྲུའུ་ཞི་ཏུའུ་ཅཱ་ཆིས་ལ་མཇལ་འཕྲད་གནང་།
ཧན་ཀྲིན་གྱིས་བསྟན་དོན། གཟའ་འཁོར་སྔོན་མར་ཀྲུའུ་ཞི་ཞི་ཅིན་ཕིང་གིས་ཧུའེ་ཧྥིན་ཚུད་པའི་རྒྱལ་སྤྱིའི་བཟོ་ཚོང་ལས་རིགས་ཀྱི་འཐུས་མིར་མཇལ་འཕྲད་གནང་བ་དང་། ཀྲུང་གོར་ཡོད་པའི་ཕྱི་རྒྱལ་གྱི་དངུལ་གཏོང་ཁེ་ལས་ཀྱིས་ཀྲུང་གོའི་བཅོས་སྒྱུར་སྒོ་འབྱེད་དང་གསར་གཏོད་ལ་དགེ་མཚན་ལྡན་པའི་བྱས་རྗེས་བཞག་པར་ཚད་མཐོའི་ཁས་ལེན་གནང་པ་མ་ཟད། ཀྲུང་གོའི་སྒོ་འབྱེད་རྒྱ་སྔར་ལས་ཆེ་རུ་འགྲོ་ངེས་ཡིན་པ་ནན་བཤད་གནང་། དེང་སྐབས་ཀྱི་འཛམ་གླིང་ལ་ངེས་གཏན་མིན་པའི་རང་བཞིན་གྱིས་ཁེངས་ཡོད་པས། ཀྲུང་གོས་བློ་བརྟན་འགྱུར་མེད་ཀྱིས་ཆུ་ཚད་མཐོ་བས་ཕྱི་ཕྱོགས་སུ་སྒོ་འབྱེད་རྒྱུར་སྐུལ་འདེད་གཏོང་བ་དང་། ཕྱོགས་མང་རིང་ལུགས་ལ་རྒྱབ་སྐྱོར་བརྟན་པོ་བྱེད་ཀྱིན་ཡོད། ཀྲུང་གོ་དང་དབྱིན་ཇིའི་འབྲེལ་བ་སྐྱོན་བྲལ་དང་བརྟན་བརླིང་ངང་འཕེལ་རྒྱས་འགྲོ་བ་དེ་ཕྱོགས་གཉིས་ལ་ཕན་པ་ཡོད་པར་མ་ཟད། འཛམ་གླིང་གི་ངེས་གཏན་རང་བཞིན་ཡང་ཆེ་རུ་འགྲོ་ངེས་རེད། ཧུའེ་ཧྥིན་སྡེ་ཚོགས་ཀྱིས་ཀྲུང་གོ་རུ་མུ་མཐུད་དུ་དངུལ་གཏོང་བྱ་བ་གཏིང་ཟབ་སྤེལ་ནས། ཀྲུང་གོ་དང་དབྱིན་ཇི། ཀྲུང་གོ་དང་ཡོ་རོབ་འབྲེལ་བའི་འཕེལ་རྒྱས་ལ་བྱས་རྗེས་འཇོག་དགོས།
ཏུའུ་ཅཱ་ཆིས་ཀྱིས་བསྟན་དོན། ཀྲུའུ་ཞི་ཞི་ཅིན་ཕིང་གིས་རྒྱལ་སྤྱིའི་བཟོ་ཚོང་ལས་རིགས་ཀྱི་འཐུས་མིར་མཇལ་འཕྲད་གནང་ནས། ཀྲུང་གོས་ཆུ་ཚད་མཐོ་བའི་ཕྱི་ཕྱོགས་སྒོ་འབྱེད་ལ་མུ་མཐུད་དུ་སྐུལ་འདེད་གཏོང་བའི་དགེ་མཚན་ལྡན་པའི་ཆ་འཕྲིན་གལ་ཆེན་བཏོན་པ་དང་རྒྱལ་སྤྱིའི་བཟོ་ཚོང་ལས་རིགས་ལ་སྐུལ་མ་ཆེན་པོ་ཐེབས་ཡོད། ཧུའེ་ཧྥིན་སྡེ་ཚོགས་ཀྱིས་ཀྲུང་གོའི་དཔལ་འབྱོར་འཕེལ་རྒྱས་ཀྱི་མདུན་ལྗོངས་ལ་ཡིད་ཆེས་ཀྱིས་ཁེངས་པ་དང་། དབྱིན་ཇི་དང་ཀྲུང་གོའི་འབྲེལ་བ་ཡུན་རིང་བརྟན་པོའི་ངང་འཕེལ་རྒྱས་འགྲོ་རྒྱུར་སྐུལ་འདེད་ཧུར་ཐག་གཏོང་འདོད་ཡོད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注