ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཏང་ཙུའུ་གྲོས་ཚོགས་བསྡུས།

ཡོང་ཁུངས། གངས་ལྗོངས་མེ་ལོང་། རྩོམ་སྒྲིག་པ། གུ་རུ་སྐྱབས། 2025-01-05 12:43:42 ཀློག་གྲངས།1721

ཟླ1ཚེས3ཉིན། ཞིང་ཆེན་དམངས་འཐུས་ཚོགས་ཆེན་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་ཏང་ཙུའུ་གྲོས་ཚོགས་ཐེངས་སོ་དྲུག་པ་བསྡུས། གྲོས་ཚོགས་ལས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་གསུང་བཤད་གལ་ཆེན་གྱི་མཛུབ་སྟོན་དགོངས་དོན་དང་། ཀྲུང་དབྱང་ཆབ་སྲིད་ཅུའུ་ཡི་དམངས་གཙོ་འཚོ་བའི་གྲོས་ཚོགས་ཀྱི་དགོངས་དོན། ཞིང་ཆེན་རིམ་པའི་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་འགན་འཁུར་བློ་མཐུན་གྱི་གནས་ཚུལ་ཁྱབ་བསྒྲགས་ཚོགས་འདུ་བཅས་ཀྱི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས། ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཏང་ཙུའུ་ཧྲུའུ་ཅི། ཀྲུའུ་རིན་གཞོན་པ་ཝང་ལིས་མེན་གྱིས་གྲོས་ཚོགས་ལ་མགོ་འཛིན་བྱས། དབྱང་ཧྥིན་ཁྲུན་དང་། ཉི་མ་སྒྲོལ་མ། ཀྲང་ཧོང་ཡོན། ཝང་ཅིན་ཀྲའེ། ཁྲིན་ཏུང་ཁྲང་བཅས་གྲོས་ཚོགས་སུ་ཞུགས།

གྲོས་ཚོགས་ལས་བསྟན་དོན། ཀྲུང་དབྱང་ཆབ་སྲིད་ཅུའུ་ཡི་དམངས་གཙོ་འཚོ་བའི་གྲོས་ཚོགས་སྟེང་ཏང་ཡོངས་ལ་ཚད་གཞི་བཏོན་ནས་དཔེ་སྟོན་བྱས། ཀྲུང་གོ་གུང་ཁྲན་ཏང་གི་མི་རབས་ནས་མི་རབས་བར་གསར་གཏོད་བྱས་པའི་ལས་དོན་རྒྱུན་འཛིན་དང་འཕེལ་རྒྱས་གཏོང་བ་དང་། “ཞིང་གསུམ”བྱ་བ་ཡག་པོར་སྒྲུབ་པ། ཕྱོགས་ཡོངས་ནས་ཏང་འཛུགས་སྐྲུན་ལ་ཤུགས་སྣོན་པ། དེ་མིན་ཞང་ཀང་དང་ཨའོ་མིན་གྱིས་དུས་རབས་གསར་པའི“རྒྱལ་ཁབ་གཅིག་ལ་ལམ་ལུགས་གཉིས་ཀྱི”ལག་ལེན་གྱི་ལས་འགན་གལ་ཆེན་སྔར་ལས་ལེགས་པོར་འཁུར་བ་སོགས་ཀྱི་བླང་བྱ་གལ་ཆེན་ལ་དམིགས་ནས། དམངས་ཆེན་གྱི་བྱ་བའི་དོན་དངོས་དང་ཟུང་འབྲེལ་དམ་ཟབ་བྱས་ཏེ་ལག་བསྟར་དོན་འཁྱོལ་ནན་མོ་བྱ་དགོས།

གྲོས་ཚོགས་ལས་ནན་གྱིས་བསྟན་དོན། སྲོག་ཤིང་གི་དོན་སྙིང་དང་དགོངས་པའི་ངོ་བོ་ལ་གོ་བ་ཡང་དག་དང་ཁོང་དུ་ཆུད་པ་བླངས་ནས། འགན་འཁྲི་དོན་འཁྱོལ་བྱེད་ཤུགས་ཆེ་རུ་གཏོང་བ་རྒྱུན་འཁྱོངས་བྱས་ཏེ། ཏང་དོ་དམ་དང་ཏང་བཅོས་སྐྱོང་གི་འགན་འཁྲིའི་ཕྲེང་འབྲེལ་སྔར་ལས་སྲ་བརྟན་དུ་གཏོང་དགོས། ཚད་མཐོའི་མཐོང་ཆེན་དང་འཆར་འགོད་བཀོད་སྒྲིག་ནན་མོ་བྱས་ཏེ་བྱ་བའི་འཕེལ་རིམ་ཁོང་དུ་ཆུད་པ་དང་། ལོ་འཁོར་གྱི་དམངས་གཙོའི་འཚོ་བའི་གྲོས་ཚོགས་དང་རྩ་འཛུགས་ཀྱི་འཚོ་བའི་གྲོས་ཚོགས་གོ་རིམ་ལྡན་པའི་སྒོ་ནས་རྗེས་འདེད་ཡག་པོ་བྱེད་དགོས། གཞོགས་འདེགས་དམ་ཟབ་དང་མཉམ་ལས་བརྗེ་རེས་ལ་ཤུགས་བསྣན་ནས། ཞིང་ཆེན་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་གསུམ་པ་དང་རྒྱལ་ཡོངས་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་གསུམ་པའི་གྲ་སྒྲིག་དང་། རྩ་འཛུགས། ཞབས་ཞུ་འགན་སྲུང་བཅས་ཀྱི་བྱ་བ་དང་། དེ་མིན་རྫོང་དང་ཡུལ་ཚོའི་དམངས་འཐུས་ཚོགས་ཆེན་གྱི་སྐབས་བརྗེ་འདེམས་བསྐོའི་བྱ་བར་ཆེད་དོན་བརྟག་ཞིབ་བྱེད་པའི་འཆར་གཞི་དང་གྲ་སྒྲིག་སོགས་ལོ་འགོ་རྩོམ་པའི་གཙོ་གནད་བྱ་བ་སོ་སོ་ནུས་ལྡན་སྒོས་ལེགས་པོར་བསྒྲུབ་དགོས།

གྲོས་ཚོགས་སྟེང་ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི2025ལོའི་བཅོས་སྒྱུར་ཕྱོགས་ཡོངས་ནས་གཏིང་ཟབ་ཏུ་གཏོང་བའི་བྱ་བའི་གཙོ་གནད་སྐོར་གྱི་སྙན་ཞུར་ཉན།