མཚོ་སྔོན་དུ་སྡོད་པའི་རྒྱལ་ཡོངས་དམངས་ཆེན་གྱི་འཐུས་མིའི་གྲོས་འཆར་དང་གྲོས་གཞི་གྲ་སྒྲིག་བྱ་བའི་བཞུགས་མོལ་ཚོགས་འདུ་བསྡུས།

གྲོས་ཚོགས་ལས་ཚྭ་མཚོའི་ཐོན་ལས་སྤུས་ཚད་མཐོ་བའི་འཕེལ་རྒྱས་དང་།   ཙོང་ཆུའི་བཞུར་རྒྱུད་ཀྱི་སྐྱེ་ཁམས་སྲུང་སྐྱོབ།    རྨ་འབྲི་རྫ་གསུམ་འབྱུང་ཡུལ་གྱི་གཙོ་གནད་སྐྱེ་ཁམས་ནུས་ཁུལ་སྲུང་སྐྱོབ།    རྒྱལ་ཁབ་རིམ་པའི་རྨ་ཙོང་རིག་གནས་སྐྱེ་ཁམས་སྲུང་སྐྱོབ་ཚོད་ལྟའི་ཁུལ་འཛུགས་པ།    བཟོ་སྐྲུན་ལས་རིགས་གཞི་གྲངས་ཅན་གྱི་ཚུལ་སྒྱུར་ལ་སྐུལ་འདེད་གཏོང་བ།    “ཤར་གྲངས་ནུབ་གསོག”བཟོ་སྐྲུན། མཚོ་སྔོན་པོའི་ཆུ་གནས་འཕར་བ་དང་རྩྭ་ར་བསྣུབས་པ་སོགས་ཐད་ཀྱི་གྲོས་གཞི་དང་གྲོས་འཆར་འདེམས་པའི་ཐད་གྲོས་བསྡུར་བྱས་ཏེ་བསམ་ཚུལ་བརྗེ་རེས་བྱས།

གྲོས་ཚོགས་སྟེང་ད་ལོའི་གྲོས་གཞིའི་རྒྱུ་ཆ་དེ་ཞིང་ཆེན་ཏང་ཨུའི་བླང་བྱ་དང་དམ་པོར་བསྟུན་པ་དང་། མང་ཚོགས་ཀྱི་རེ་འདུན་ལ་དམ་པོར་དམིགས་ནས་ཁྱབ་ཁོངས་གསར་པ་རྒྱ་བསྐྱེད་པ་དང་སྤུས་ཚད་གསར་པ་མཐོ་རུ་ཕྱིན་ཡོད།  གྲོས་ཚོགས་ལས་ནན་གྱིས་བསྟན་དོན།   ཏང་ཀྲུང་དབྱང་གི་ཐབས་ཇུས་བཀོད་སྒྲིག་ལ་དམིགས་ཏེ། ཁྱོན་ཡོངས་ཀྱི་ཁྲོད་ནས་མཚོ་སྔོན་ལ་ཞིབ་འཇུག་བྱེད་པའི་སྲིད་ཇུས་ཀྱི་བར་སྟོང་བརྩོན་ལེན་བྱ་དགོས།     རྒྱལ་ཁབ་ཀྱི་པུའུ་ཨུ་དང་འབྲེལ་གཏུག་སྦྲེལ་མཐུད་བྱེད་པར་རང་འགུལ་སྒོས་ཤུགས་བསྣན་ནས། སྲིད་ཇུས་དང་ལམ་ལུགས་ཀྱི་ངོས་ནས་རང་ཞིང་གི་འཕེལ་རྒྱས་ཁྲོད་ཀྱི་དཀའ་ངལ་དང་གནད་དོན་ཐག་གཅོད་བྱ་རྒྱུ་གཙོ་གནད་དུ་བཟུང་ནས་སྐུལ་འདེད་གཏོང་དགོས།   ལེགས་སྒྲིག་ཕུན་སུམ་ཇེ་ཚོགས་སུ་གཏོང་བ་དང་།    ལེགས་སྒྲིག་ནན་མོ་བྱས་ནས་གནད་དོན་གྱི་འགོ་རྩོམ་ས་ཡང་དག་འཚོལ་བ་དང་།    འཐུས་མིའི་གྲོས་གཞི་དང་གྲོས་འགོའི་སྤུས་ཚད་མཐོ་རུ་གཏོང་བ།    སྲིད་ཇུས་ཀྱི“ཕན་བདེ”དང་མ་དངུལ་གྱི་རྒྱབ་སྐྱོར་མང་ཙམ་བརྩོན་ལེན་བྱེད་དགོས།     རིམ་པ་ཚང་མར་ལྟ་རྟོག་དམ་ཟབ་བྱས་ནས་བྱ་བ་རེ་རེ་ཏན་ཏིག་གིས་བསྒྲུབས་ཏེ།“ཚོགས་པ་ཆུང་ཆུང་གིས་ནུས་པ་ཆེན་པོ་འདོན་དགོས་པ་དང་ཞིང་ཆེན་ཆུང་ཆུང་གིས་གྲུབ་འབྲས་ཆེན་པོ་ལེན་པར”བརྩོན་ལེན་བྱས་ནས།    མཚོ་སྔོན་འཕེལ་རྒྱས་ལ་བློ་གྲོས་དང་སྟོབས་ཤུགས་སྔར་ལས་ལེགས་པོས་བྱས་རྗེས་འཇོག་པ་དང་། མཚོ་སྔོན་གྱི་འཐུས་མི་ཚོགས་པའི་སྣང་བརྙན་བཟང་པོ་བསྐྲུན་དགོས།