ཀྲུའུ་ཞི་ཞི་ཅིན་ཕིང་གི2025ལོའི་ལོ་གསར་ཤིས་ཚིག་ལ་ཚུར་སྣང་ཆེན་པོ་བྱུང་།

ཀྲུའུ་ཞི་ཞི་ཅིན་ཕིང་གི2025ལོའི་ལོ་གསར་ཤིས་ཚིག་གིས་མི་དམངས་དུང་ཕྱུར་མང་པོ་ཀྲུང་གོའི་ལུགས་ཀྱི་དེང་རབས་ཅན་གྱི་སྐྱོད་ལམ་གསར་པའི་སྟེང་བསྐྱོད་དེ། འབད་འབུངས་ལྷོད་མེད་བྱེད་ཀྱིན་པའི་སྟོབས་ཤུགས་ཆེན་པོ་གཅིག་སྡུད་བྱས་ཡོད། ཚང་མས་ཡིད་ཆེས་བརྟན་པོ་དང་རེ་བ་ཆེན་པོ་བཅངས་ནས། གོམ་ཞེང་བརྟན་པོ་སྤོ་བ་དང་བདེན་འཛིན་དངོས་གཉེར་བྱས་ཏེ། རྒྱལ་ཁབ་སྟོབས་ལྡན་འཛུགས་སྐྲུན་དང་མི་རིགས་བསྐྱར་དར་གྱི་རླབས་ཆེན་བྱ་གཞག་མུ་ནས་མུ་རུ་འཕེལ་རྒྱས་གཏོང་དགོས་ཟེར།

ཀྲུའུ་ཞི་ཞི་ཅིན་ཕིང་གིས་ཕུལ་བའི་ལོ་གསར་ཤིས་ཚིག་ནང་དུ། ང་ཚོས་བཅོས་སྒྱུར་སྒོ་འབྱེད་ཀྱི་དུས་རབས་ཀྱི་རླབས་རྒྱུན་དང་བསྟུན་ནས་གོམ་སྟབས་ཆེན་པོས་མདུན་སྐྱོད་བྱས་པ་ཡིན་ན། གཞི་ནས་ཀྲུང་གོའི་ལུགས་ཀྱི་དེང་རབས་ཅན་གྱིས་བཅོས་སྒྱུར་སྒོ་འབྱེད་ཁྲོད་སྔར་ལས་ཡངས་ཤིང་རྒྱ་ཆེ་བའི་མདུན་ལམ་བསྐྲུན་ཐུབ་ངེས་ཡིན་ཞེས་བསྟན་ཡོད། དེ་རིང་གི་ཀྲུང་གོར་བལྟས་ཚེ། ག་ས་གང་དུ་ལས་སྒྲུབ་ལས་སྐྲུན་གྱི་ཚ་རླབས་ཆེ་བའི་རྣམ་པ་ཞིག་ངང་གིས་རྒྱས་ཡོད། ཧྲིན་ཀྲིན་ཆན་ཧའེ་རུ། ལམ་ལུགས་གསར་གཏོད་ཀྱི་གྲུབ་འབྲས་བསྡོམས་འབོར880ལས་བརྒལ་བ་དང་། ལོ་གསར་པའི་ནང་དུ། ཧྲིན་ཀྲིན་དང་ཞང་ཀང་མཉམ་འདྲེས་འཕེལ་རྒྱས་ཟབ་སྤེལ་ལ་དམ་པོར་དམིགས་པའི་བཅོས་སྒྱུར་བྱེད་ཐབས་ཁག་དམ་འཛིན་བྱས་ཏེ་འཆར་འགོད་བྱེད་བཞིན་ཡོད། ཀན་ཀྲོའུ་རྒྱལ་སྤྱིའི་སྐམ་སའི་གྲུ་ཁ་རུ། ཀྲུང་གོ་དང་ཡོ་རོབ་གླིང་གི་འགྲུལ་སྐྱེལ་མེ་འཁོར་འགྲོ་འོང་གི་བྲེལ་བ་ཆེ་ཞིང་། ད་ལྟ་རྒྱལ་ཁབ25ཡི་གྲོང་ཁྱེར150ལ་འགྲུལ་སྐྱེལ་མེ་འཁོར་གཏོང་བཞིན་ཡོད།

2025ལོར་ང་ཚོས“ལོ་ལྔའི་འཆར་འགོད་བཅུ་བཞི་པའི”འཆར་འགོད་ཕྱོགས་ཡོངས་ནས་ཡོངས་འགྲུབ་བྱ་དགོས། ཀྲུའུ་ཞི་ཞི་ཅིན་ཕིང་གིས་ང་ཚོས་བློ་རྩེ་གཅིག་སྒྲིམ་སྒོས་སྤུས་ཚད་མཐོ་བའི་འཕེལ་རྒྱས་དམ་འཛིན་ཡག་པོ་བྱས་ཏེ། ཆུ་ཚད་མཐོ་བའི་ཚན་རྩལ་རང་སྟོབས་རང་སྤེལ་ལ་སྐུལ་འདེད་གཏོང་དགོས་ཞེས་གསུངས། ལུགས་གསར་གྱི་ལོ་གསར་པའི་མགོ་བརྩམས་པ་དང་བསྟུན་ནས། ཚན་རིག་ཞིབ་འཇུག་ཁང་ཆེ་གྲས་ཁག་དང་གཙོ་གནད་ཚོད་ལྟ་ཁང་ཁག་གི་གསར་གཏོད་ཀྱི་གསོན་ཤུགས་སྔར་ལས་འཕེལ་བ་དང་། རྨང་གཞིའི་ཞིབ་འཇུག་ནས་གྲུབ་འབྲས་ཚུལ་བསྒྱུར་བར་དུ། ཚན་རིག་ཞིབ་འཇུག་མི་སྣས་ནུས་ཤུགས་ཡོད་རྒུ་རྩལ་དུ་བཏོན་ནས་མཁྲེགས་གཏོར་བྱས་ཏེ། སྤུས་གསར་ཐོན་སྐྱེད་ནུས་ཤུགས་མྱུར་དུ་སྐྱེད་སྲིང་བྱེད་བཞིན་ཡོད།

ད་ལྟའི་ཀྲུང་གོ་ནི་ཕུགས་འདུན་བསྟུད་མར་མངོན་འགྱུར་བྱུང་བའི་ཀྲུང་གོ་ཞིག་དང་འབད་འཐབ་བྱེད་མཁན་དུང་ཕྱུར་མང་པོའི་ཕུགས་འདུན་མངོན་འགྱུར་བྱེད་པའི་གར་སྟེགས་ཤིག་ཡིན། གྲོང་ཁྱེར་ནས་གྲོང་གསེབ་བར་དམངས་ཚིས་འགན་སྲུང་ལ་སྐུལ་འདེད་ནུས་ལྡན་བཏང་བ་དང་། དམངས་ཕྱུག་ཐོན་ལས་འཕེལ་རྒྱས་དང་སྟོབས་ལྡན་དུ་འགྲོ་བཞིན་ཡོད་པས། མི་རྣམས་ཀྱིས་ལོ་གསར་པ་རེ་བས་བསུ་བཞིན་ཡོད།

ཀྲུའུ་ཞི་ཞི་ཅིན་ཕིང་གི་ལོ་སར་ཤིས་ཚིག་གིས་བཟོ་སྐྲུན་གཙོ་བོའི་ལས་ཡུལ་དང་སྐྱེ་ཁམས་སྲུང་སྐྱོབ་ཀྱི་འཐབ་ཕྱོགས་དང་པོའི་ལས་རིགས་སོ་སོའི་མི་རྣམས་ཀྱིས་རང་གི་ལས་རྐང་དངོས་ནས་རྐང་ཚུགས་པར་བྱས་ཏེ། འབད་འཐབ་ལ་བརྟེན་ནས་མཛེས་སྡུག་ལྡན་པའི་མ་འོངས་པ་བསྐྲུན་རྒྱུའི་ཐད་སྐུལ་ལྕག་ཆེན་པོ་ཐེབས་ཡོད།