ད་ལོའི་འབྲུ་རིགས་ཉོ་སྒྲུབ་བྱེད་ཚད་སྔོན་དཔག་བྱས་ན་རྒྱ་མ་དུང་ཕྱུར་བརྒྱད་སྟོང་བཞི་བརྒྱ་ཡས་མས་ལ་སླེབས་ཡོད་པ།

ལྷོ་ཕྱོགས་ས་ཁུལ་གྱི་ཆུ་འབྲས་ཉོ་སྒྲུབ་མཇུག་འགྲིལ་ཉེར་ཡོད་པ་དང་།　བྱང་ཤར་དང་ཧྭ་བྱང་ས་ཁུལ་གྱི་མ་རྨོས་ལོ་ཏོག་ཉོ་སྒྲུབ་དེ་དཔྱིད་གསར་དུས་ཆེན་གོང་དུ་ཞིང་ཁྱིམ་གྱི་འབྲུ་རིགས་ཕྱིར་ཚོང་མང་ཤོས་སུ་སླེབས་རྒྱུ་རེད།　ལྟ་ཞིབ་ཚད་ལེན་གྱི་གནས་ཚུལ་ལ་བལྟས་ན།　རིགས་སོ་སོའི་གཙོ་གཞི་ཉོ་འཚོང་ཇེ་འཁྲུག་ཏུ་ཕྱིན་པ་དང་།　བྱང་ཤར་ས་ཁུལ་གྱི་མ་རྨོས་ལོ་ཏོག་ལས་སྣོན་གཏིང་ཟབ་ཁེ་ལས་ཀྱི་ལས་མགོ་འཛུགས་ཚད90％ཡས་མས་སུ་རྒྱུན་འཁྱོངས་བྱས་ནས་གཞི་རྩའི་ཐོག་ཐོན་སྐྱེད་ཐེག་ཚད་སུ་སླེབས་ཡོད།　མ་རྨོས་ལོ་ཏོག་ཚོང་ཟོག་མཛོད་ཉར་བརྟན་རླིང་ངང་ཇེ་མང་དུ་ཕྱིན་ནས་དུས་མཉམ་ལས30％ཡན་འཕར་ཡོད།

ངོ་སྤྲོད་བྱས་པར་གཞིགས་ན།　ད་ལོའི་ལོ་ཧྲིལ་པོའི་འབྲུ་རིགས་ཉོ་སྒྲུབ་བྱེད་ཚད་ཆུ་ཚད་ཅུང་མཐོན་པོ་རྒྱུན་འཁྱོངས་བྱས་ཏེ།　ཚོང་ར་ཅན་གྱི་ཉོ་སྒྲུབ་དང་སྲིད་ཇུས་རང་བཞིན་གྱི་ཉོ་གསོག་གཅིག་གྱུར་འཆར་འགོད་བྱས་ཏེ།　ཞིང་ལས་དང་ཁེ་ལས་ལ་ཞབས་འདེགས་ཞུ་རྒྱུ་རྒྱུན་མཐུད་ངང་ལེགས་སྒྱུར་བྱས་་ཡོད།　ཞིང་པའི་འབྲུ་རིགས་ཕྱིར་ཚོང་གི་ཐབས་ལམ་ཤར་བགྲོད་དུ་བཏང་བས།　ད་ལོའི་འབྲུ་རིགས་ཉོ་སྒྲུབ་བྱེད་ཚད་སྔོན་དཔག་བྱས་ན་རྒྱ་མ་དུང་ཕྱུར8400ཡས་མས་ཡིན་པ་དང་།　བསྟུད་མར་ལོ་གཉིས་རིང་རྒྱ་མ་དུང་ཕྱུར8000ཡན་བརྒལ་ཡོད།

ཆུ་འབྲས་ཁྲོམ་རར་བཏོན་པ་ནས་བཟུང་།　སྔ་རྗེས་སུ་ཧོ་ནན་དང་ཅང་སུའུ་།　ཧེ་ལུང་ཅང་།　ཨན་ཧུའེ་བཅས་ཞིང་ཆེན་བཞི་རུ་ཉོ་སྒྲུབ་རིན་གོང་དམའ་ཤོས་ལག་བསྟར་བྱེད་པའི་སྔོན་ཇུས་ལག་བསྟར་བྱས་པ་དང་།　བསྡོམས་པས་ཉར་གསོག་མཛོད་ཁང228བཀོད་སྒྲིག་བྱས་པ་དང་།　སྤྱིའི་མཛོད་ཁང་གི་ཤོང་ཚད་ཏུན་ཁྲི1136ཡིན།　མིག་སྔར་ཉོ་སྒྲུབ་རིན་གོང་དམའ་ཤོས་ཀྱི་འབྲས་རྒྱ་མ་དུང་ཕྱུར100ལྷག་ཉོ་སྒྲུབ་བྱས་པས།　ཞིང་པའི་འབྲུ་རིགས་ཕྱིར་ཚོང་གི་དགོས་མཁོ་ཅུང་ལེགས་པོར་བསྐང་པ་དང་།　ཁྲོམ་རའི་སྔོན་དཔག་བརྟན་པོ་བྱུང་ཡོད།

མིག་སྔའི་བར་དུ།　རྒྱལ་ཡོངས་སུ་འབྲུ་རིགས་འཕྲལ་བསྟུན་འགན་སྲུང་ཁེ་ལས་ཁྲི6.8ཡོད་པ་དང་།　འབྲུ་རིགས་དང་སྣུམ་རིགས་འཕྲལ་བསྟུན་གྱི་ཉིན་རེའི་ལས་སྣོན་ནུས་པ་ཏུན་ཁྲི170ལྷག་ཡོད་པས།　འབྲུ་རིགས་འཕྲལ་བསྟུན་འགན་སྲུང་ནུས་པ་བརྟན་རླིང་ངང་མཐོ་རུ་ཕྱིན་ཡོད།

འབྲུ་རིགས་སྤུས་ལེགས་ཀྱི་ལས་གཞི་འཛུགས་སྐྲུན་ལ་གྲུབ་འབྲས་མངོན་གསལ་དོད་པོ་ཐོབ་ཡོད།　2021ལོར་ནོར་སྲིད་པུའུ་དང་རྒྱལ་ཁབ་འབྲུ་རིགས་དངོས་ཟོག་གྲབས་གསོག་ཅུའུ་ཡིས་མཉམ་འབྲེལ་ཐོག《སྤུས་ལེགས་འབྲུ་རིགས་ལས་གཞིར་སྐུལ་འདེད་གཏིང་ཟབ་བྱ་རྒྱུའི་སྐོར་གྱི་བསམ་འཆར》པར་འགྲེམས་བྱས་ནས།　འབྲུ་རིགས་ལྗང་མདོག་མཛོད་ཉར་དང་།　རིགས་སྣའི་སྤུས་ཀ་སྤུས་རྟགས་སོགས་ཀྱི“མཐོར་འདེགས་བྱ་སྤྱོད་ཆེན་པོ་དྲུག”ལ་དམིགས་ཡོད།　“མཐོར་འདེགས་བྱ་སྤྱོད་ཆེན་པོ་དྲུག”ལག་བསྟར་བྱས་ཚུན།　ནོར་སྲིད་མ་དངུལ་སྒོར་དུང་ཕྱུར350ལྷག་གཅིག་གྱུར་འཆར་འགོད་བྱས་པ་དང་།　སྤུས་ལེགས་འབྲུ་སྣུམ་གྱི་ཚད་གཞིའི་མ་ལག་རིམ་བཞིན་འཐུས་ཚང་དུ་ཕྱིན་ལ།　འབྲུ་རིགས་སྤུས་ཚད་བདེ་འཇགས་ཞིབ་བཤེར་ལྟ་ཞིབ་ཚད་ལེན་མ་ལག་གི་ནུས་པ་ནུས་ལྡན་ངང་ཆེ་རུ་ཕྱིན་ཞིང་།　འབྲུ་རིགས་འཕྲུལ་འཁོར་སྒྲིག་ཆས་ལག་རྩལ་གསར་གཏོད་ལས་དོན་ལ་བརྟན་རླིང་ངང་སྐུལ་འདེད་བཏང་བ་དང་།　འབྲུ་རིགས་འཕྲལ་སྡོམ་འགན་སྲུང་མ་ལག་སྔར་བས་འཐུས་ཚང་དུ་ཕྱིན་ནས།　འབྲུ་རིགས་གྲོན་ཆུང་དང་གྱོང་གུན་ཉུང་གཏོང་དང་སྐྱོན་བྲལ་འཛད་སྤྱོད་ཐད་ཕན་འབྲས་མངོན་གསལ་དོད་པོ་ཐོན་ཡོད།　2023ལོར་གཅིག་གྱུར་འབྲུ་རིགས་ཁེ་ལས་ཀྱི་བཟོ་ལས་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར་ཁྲི4.16མངོན་འགྱུར་བྱུང་།　ས་གནས་ཁག་གིས་སྤུས་ལེགས་འབྲུ་རིགས་ས་ཁོངས་ཀྱི་སྤྱི་སྤྱོད་སྤུས་རྟགས40ཙམ་བཏོད་པ་དང་།　འཛད་སྤྱོད་པར་ཁྱད་ཆོས་ལྡན་པའི་སྤུས་ལེགས་འབྲུ་རིགས་དང་སྣུམ་རིགས་ཐོན་རྫས3800ལྷག་མུ་མཐུད་ངོ་སྤྲོད་བྱས་ཏེ།　ཁྲོམ་རའི་སྤུས་ལེགས་འབྲུ་རིགས་དང་སྣུམ་རིགས་ཐོན་རྫས་མཁོ་སྤྲོད་བྱེད་ཚད་ཏན་ཏིག་ངང་མཐོ་རུ་བཏང་ནས།　འབྲུ་རིགས་ཐོན་ལས་སྤུས་ཚད་མཐོ་བའི་འཕེལ་རྒྱས་ལ་མགྱོགས་མྱུར་ངང་སྐུལ་འདེད་བཏང་།