རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་སྒྲུབ་ཁང་གིས《དུས་རབས་གསར་པའི་ཀྲུང་གོའི་ཞིང་སྡེའི་གཞུང་ལམ་འཕེལ་རྒྱས》ཀྱི་དེབ་ཐེར་རྒྱབ་ཤ་དཀར་པོ་ཁྱབ་བསྒྲགས་བྱས།
ཚེས29ཉིན། རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་སྒྲུབ་ཁང་གིས《དུས་རབས་གསར་པའི་ཀྲུང་གོའི་ཞིང་སྡེའི་གཞུང་ལམ་འཕེལ་རྒྱས》ཀྱི་དེབ་ཐེར་རྒྱབ་ཤ་དཀར་པོ་ཁྱབ་བསྒྲགས་བྱས།
དེབ་ཐེར་རྒྱབ་ཤ་དཀར་པོའི་ནང་འགོ་བརྗོད་དང་མཇུག་བསྡུའི་གཏམ་ཕུད་ཁག་བདུན་ལ་དབྱེ་ཡོད་དེ། ཞིང་སྡེ་ལ་བདེ་སྐྱིད་བསྐྲུན་པ་དང་ཞིང་པར་ཕན་པ་ཐོབ་པའི་བདེ་སྐྱིད་ཀྱི་ལམ་བསྐྲུན་པ། ཞིང་སྡེའི་གཞུང་ལམ་མང་ཚོགས་ཀྱི་སྒོ་ཁར་ཐོན་པར་བྱེད་པ། ཞིང་སྡེའི་གཞུང་ལམ་བཅོས་སྐྱོང་སྔར་ལས་མཐུན་སྦྱོར་དང་ཚད་ལྡན། ནུས་མཐོ་བཅས་དང་། ཞིང་སྡེའི་གཞུང་ལམ་སྔར་ལས་སྐྱིད་པ་དང་བདེ་འཇགས། ཡུན་རིང་བརྟན་པ་བཅས་བྱས་ནས། ཞིང་སྡེ་ས་ཁུལ་གྱི“མི་ཡིས་ལོངས་སྤྱོད་ཐུབ་པ་དང་དངོས་པོ་གང་སར་ཤར་གཏོང་ཐུབ་པར”སྐུལ་འདེད་གཏོང་བ་དང་། བགྲོད་ལམ་ཤར་གཏོང་བྱས་ནས་ལས་རིགས་ཡོད་ཚད་དར་བ་དང་། ཞིང་པ་ཕྱུག་འགྱུར། གྲོང་གསེབ་མཛེས་སྡུག་ལྡན་པ་བཅས་ལ་སྐུལ་འདེད་བཏང་སྟེ། འཕེལ་རྒྱས་སུ་འགྲོ་བཞིན་པའི་རྒྱལ་ཁབ་ཀྱི་ཞིང་སྡེའི་འགྲིམ་འགྲུལ་འཕེལ་རྒྱས་གཏོང་ཆེད་ཀྲུང་གོའི་སྟོབས་ཤུགས་ཕུལ་ཡོད།
དེབ་ཐེར་རྒྱབ་ཤ་དཀར་པོའི་ནང་བསྟན་དོན། ཞིང་སྡེའི་གཞུང་ལམ་ནི་ཁྱབ་རྒྱ་ཆེས་ཆེ་བ་དང་། ཞབས་ཞུ་སྒྲུབ་མཁན་ཆེས་མང་པ། སྤྱི་ཕན་རང་བཞིན་ཆེས་དྲག་པ་བཅས་ཀྱི་འགྲིམ་འགྲུལ་རྨང་གཞིའི་སྒྲིག་བཀོད་ཅིག་ཡིན་པ་དང་། ཞིང་སྡེའི་ས་ཁུལ་གྱི་འགྲིམ་འགྲུལ་བྱ་ཐབས་གཙོ་བོ་དང་ཐ་ན་འགྲིམ་འགྲུལ་གྱི་བྱེད་ཐབས་གཅིག་པུར་གྱུར་ཡོད་པས། ཞིང་པ་ཕྱི་རུ་སྐྱོད་པར་ཞབས་ཞུ་སྒྲུབ་པ་དང་། དམངས་འཚོའི་བདེ་སྐྱིད་ཆེ་རུ་གཏོང་བ། མི་སྡོད་ཁོར་ཡུག་ཇེ་ལེགས་སུ་གཏོང་བ། ཞིང་ལས་དང་ཞིང་སྡེ་དེང་རབས་ཅན་ལ་སྐུལ་འདེད་གཏོང་བ་བཅས་ཀྱི་ཐད་ནུས་པ་གལ་ཆེན་ལྡན་ཡོད།
དེབ་ཐེར་རྒྱབ་ཤ་དཀར་པོའི་ནང་བསྟན་དོན། ཀྲུང་གོ་གུང་ཁྲན་ཏང་གིས་ཀྲུང་གོ་མི་དམངས་ལ་མཐུན་སྒྲིལ་སྣེ་ཁྲིད་བྱས་ནས་ལག་སྟོང་ཁྱིམ་འཛུགས་དང་དཀའ་སྤྱད་ལས་སྐྲུན་བྱས་ཏེ། སྲིད་གཞུང་གིས་གཙོ་ཁྲིད་དང་མི་རྩ་བར་འཛིན་པ། བཅོས་སྒྱུར་གསར་སྐྲུན། ཡུལ་བབ་དང་བསྟུན་པ་བཅས་རྒྱུན་འཁྱོངས་བྱས་ཏེ། དཔལ་འབྱོར་སྤྱི་ཚོགས་འཕེལ་རྒྱས་ལ་ཚོད་འཛིན་ཐེབས་པའི་འགྲིམ་འགྲུལ་གྱི་དཀའ་གནད་སེལ་རྒྱུར་ཤུགས་བསྣན་པ་དང་། ཞིང་སྡེའི་གཞུང་ལམ་དེ“བསྐྱོད་ཐུབ་པ”ནས“ཡག་པོ་བསྐྱོད་པའི”བར་གྱི་རྒྱུན་མཐུད་འཕེལ་རྒྱས་ལ་སྐུལ་འདེད་བཏང་ཡོད།
དེབ་ཐེར་རྒྱབ་ཤ་དཀར་པོའི་ནང་ཀྲུང་གུང་ཏང་གི་ཚོགས་ཆེན་ཐེངས་བཅོ་བརྒྱད་པའི་ཚུན་ལ། ཀྲུང་གོའི་ཞིང་སྡེའི་གཞུང་ལམ་འཕེལ་རྒྱས་དུས་མཚམས་གསར་པ་ཞིག་ཏུ་སླེབས་ཡོད། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི“སྔར་ལས་ལྷག་པའི་སྒོ་ནས་ཞིང་སྡེའི་གཞུང་ལམ་འཛུགས་སྐྲུན་ཡག་པོ་དང་། དོ་དམ་ཡག་པོ། བདག་སྐྱོང་ཡག་པོ། གཉེར་སྐྱོང་ཡག་པོ་བཅས་བྱེད་དགོས”ཞེས་པའི་མཛུབ་སྟོན་གལ་ཆེན་གྱི་སྣེ་ཁྲིད་འོག ལམ་ལུགས་གསར་སྐྲུན་དང་སྲིད་ཇུས་འཐུས་ཚང་དུ་གཏོང་བ། བརྒྱུད་རིམ་ལྡན་པའི་ཇུས་འགོད། གནད་འཁེལ་ཇུས་འདོན་བཅས་བྱས་པ་བརྒྱུད། ཞིང་སྡེའི་གཞུང་ལམ་སྤུས་ཚད་མཐོ་བའི་འཕེལ་རྒྱས་ལ་རྒྱུན་མཐུད་ངང་སྐུལ་འདེད་བཏང་བས། ཞིང་སྡེའི་གཞུང་ལམ་གྱི་ཁྱབ་རྒྱ་དང་། ཤར་གཏོང་ཐུབ་ཚད། དོ་དམ་དང་བདག་སྐྱོང་ཆུ་ཚད། ཞབས་ཞུའི་ནུས་པ། བདེ་འཇགས་ཀྱི་མཉེན་ཤུགས་བཅས་མངོན་གསལ་སྒོས་ཆེ་རུ་ཕྱིན་ཡོད།
དེབ་ཐེར་རྒྱབ་ཤ་དཀར་པོའི་ནང་བསྟན་དོན། ཀྲུང་གོས་རྒྱལ་ཁབ་ཀྱི་གནས་ཚུལ་དང་འཚམ་པའི་ཞིང་སྡེའི་གཞུང་ལམ་འཕེལ་རྒྱས་ཀྱི་བགྲོད་ལམ་ཐོག་བསྐྱོད་པ་མ་ཟད། འཛམ་གླིང་དབུལ་པོ་ཉུང་གཏོང་གི་ལས་དོན་འཕེལ་རྒྱས་ལ་ཀྲུང་གོའི་བློ་གྲོས་དང་ཀྲུང་གོའི་ཇུས་གཞི་ཕུལ་ཡོད།
དེབ་ཐེར་རྒྱབ་ཤ་དཀར་པོའི་ནང་བསྟན་དོན། ཀྲུང་གོས་སྒོ་འབྱེད་དང་མཉམ་ལས། མཉམ་རྒྱལ་བཅས་ཀྱི་འདུ་ཤེས་རྒྱུན་འཁྱོངས་བྱས་ཏེ། ཞིང་སྡེའི་གཞུང་ལམ་ཁྱབ་ཁོངས་ཐད་རྒྱལ་ཁབ་སོ་སོ་དང་བརྗེ་རེས་མཉམ་ལས་བྱ་རྒྱུར་ཤུགས་སྣོན་པ་དང་། ཞིང་སྡེའི་གཞུང་ལམ་འཕེལ་རྒྱས་ཀྱི་རྣམ་པ་གསར་པ་དང་ཐབས་ལམ་གསར་པ་མཉམ་དུ་འཚོལ་ཞིབ་བྱས་ཏེ། འཛམ་གླིང་གི་ཞིང་སྡེའི་གཞུང་ལམ་དང་དབུལ་པོ་ཉུང་གཏོང་གི་ལས་དོན་ཆེད་བློ་གྲོས་དང་སྟོབས་ཤུགས་མུ་མཐུད་དུ་ཕུལ་ནས། མིའི་རིགས་ཀྱི་ལས་སྐལ་གཅིག་མཐུན་ཚོགས་པའི་མཛེས་སྡུག་ལྡན་པའི་འཆར་གཞི་ཞིག་མཉམ་དུ་འདིང་རྒྱུ་རེད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注