གངས་ལྗོངས་མཐོ་སྒང་གི་ནམ་ཡང་འགྱུར་བ་མེད་པའི་དབྱངས་རྟ་ཞིག
བོད་ལྗོངས་སུ“ཇ་དང་ཚྭ་ནམ་ཡང་འབྲལ་ཐབས་མེད་པའི”མི་སེམས་འགུལ་བའི་གཏམ་རྒྱུད་དང་འཇའ་ཚོན་ལྟ་བུའི་བདེ་སྐྱིད་ཀྱི་སྙན་ངག་ཡོད་ལ། དེ་བས་ཀྱང་འགན་འཁྲི་གང་ཞིག་ཐོད་དུ་བླངས་ཤིང་བློ་སྤོབས་རུམ་གང་ཁོང་དུ་སྦས་ནས་རི་བོ་ཁྲི་སྟོང་གི་ཕ་རོལ་བརྒལ་བའི་སྙིང་སྟོབས་ཤིག་རྒྱུན་འཛིན་བྱས་ཡོད།
ཉེ་ཆར་གསར་འགོད་པ“གངས་ལྗོངས་མཐོ་སྒང་གི་རྣམ་པ་གསར་པ”ཞེས་པའི་བརྟག་ཞིབ་བཅར་འདྲི་ཚོགས་པ་དང་མཉམ་དུ་བོད་ལྗོངས་སུ་བསྐྱོད་དེ།ཏང་གི་སྲ་ཞིང་བརྟན་པའི་མགོ་ཁྲིད་འོག བོད་ལྗོངས་འདི་ཉིད་རྗེས་ལུས་ནས་ཡར་ཐོན་དང་།དབུལ་ཕོངས་ནས་འབྱོར་ཕྱུག བཀག་སྡོམ་ནས་སྒོ་འབྱེད་ཀྱི་ཕྱོགས་སུ་སྐྱོད་པའི་འགྱུར་ལྡོག་ཆེན་པོ་མངོན་སུམ་གྱིས་ཚོར་ཞིང་། མི་རིགས་ཁག་གི་བུ་ཕྲུག་ཚོས་གངས་ལྗོངས་མཐོ་སྒང་དུ་སྐད་གསང་མཐོན་པོས་བླངས་པའི་དུས་རབས་གསར་པའི་མཐུན་སྒྲིལ་གྱི་གཞས་དབྱངས་སྙན་མོར་ཡུལ་དངོས་ནས་ཉན་ཐུབ་པ་བྱུང་།
དབྱངས་རྟ་དེས་མི་དམངས་ལྟེ་བར་འཛིན་པའི་དྲོད་ཁོལ་ནམ་ཡང་བརྒྱུད་སྤྲོད་བྱས་དང་བྱེད་མུས་སུ་མཆིས། རྒྱལ་ཡོངས་ཀྱི་ས་བབ་ཆེས་མཐོ་བའི་ཞང་གི་ཁྱིམ་ཚང་ཚང་མར་དྲོད་རླངས་དང་གསོ་རླུང་མཁོ་འདོན་བྱས་ཡོད་པ་དང་། སློབ་གསོའི“འགན་ལེན་གསུམ”གྱི་ཚད་གཞི་རྒྱུན་མཐུད་ངང་མཐོར་འདེགས་བྱུང་ཞིང་།ནད་ཡམས་སྣ་ཚོགས་གཏན་དུ་རྩ་མེད་དུ་བཏང་བ་སོགས་དམངས་འཚོའི་དོན་དངོས་རེ་རེ་བཞིན་དོན་འཁྱོལ་ཞིབ་ཚགས་བྱས་ནས། གངས་ལྗོངས་མཐོ་སྒང་གི་བུ་ཕྲུག་ཚོར་རྟག་བརྟན་གྱི་བདེ་སྐྱིད་ཅིག་བསྐྲུན་ཡོད། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་བཏང་སྟེ། མི་རིགས་ཁག་གི་ལས་བྱེད་པས་རང་ཉིད་ཀྱི་མིག་ལ་གཅེས་སྤྲས་བྱེད་པ་བཞིན་མཐུན་སྒྲིལ་ལ་གཅེས་སྤྲས་བྱས་ཏེ། བསམ་བློ་གཅིག་ཏུ་འཁོར་བ་དང་སྟོབས་ཤུགས་གཅིག་ཏུ་སྒྲིལ་བའི་མཉམ་ཤུགས་ཆེན་པོ་ཆགས་པར་བྱེད་དགོས།
དབྱངས་རྟ་དེ་ནི་མཐོ་སྒང་ལ་གཞི་ཚུགས་ནས་འགན་འཁྲི་ཕྲག་ཏུ་ལེན་པ་དང་ཧུར་ཐག་གསོལ་འབུལ་བྱེད་པའི་བརྟན་སྲུང་མཁན་དེ་དག་གི་དཔང་པོ་ཡིན། མཐོ་སྒང་དུ་ལས་ཀ་གཉེར་མཁན་ཞིག་ལ་མཚོན་ན་ཆེས་དཀོན་ཤོས་ནི་དབྱང་རླུང་དང་རྩ་ཆེ་ཤོས་ནི་སྙིང་སྟོབས་རེད། “འདི་གར་སླེབས་པ་ན་བོད་མི་ཡིན་པས། བློ་གཅིག་སེམས་གཅིག་གིས་བོད་ཀྱི་ལས་དོན་ཡག་པོ་སྒྲུབ་དགོས”ཞེས་སྐོར་དང་སྐོར་བྱས་ནས་ཡོང་བའི་བོད་སྐྱོར་ལས་བྱེད་པ་དང་ཤེས་ལྡན་མི་སྣ་དག་གིས་ལུས་སེམས་སྨྱུ་གུ་དང་རྔུལ་ཁྲག་སྣག་ཚ་བྱེད་ཅེས་པའི་བཤད་རྒྱུན་དེ་མུ་མཐའ་མེད་པའི་གངས་ལྗོངས་མཐོ་སྒང་དུ་བརྐོས་ཡོད་པ་རེད། བོད་སྐྱོར་ལས་བྱེད་པ་དང་ཤེས་ལྡན་མི་སྣས་བོད་ཀྱི་མི་རིགས་ཁག་གི་ལས་བྱེད་པ་དང་མང་ཚོགས་དང་མཐུན་སྒྲིལ་རྡོག་རྩ་གཅིག་སྒྲིལ་དང་ཕྱར་བ་གྲུ་འདེགས་བྱེད་ཀྱི་ཡོད།
དབྱངས་རྟ་དེས་ཐུན་མོང་ཐོག་དར་རྒྱས་གོང་འཕེལ་རྒྱུན་འཁྱོངས་བྱེད་པའི་སྟོབས་ཤུགས་བསྐྱེད་དང་སྐྱེད་མུས་སུ་མཆིས། གཞིས་ཀ་རྩེའི་རྒྱལ་རྩེའི་སྣམ་བུ་འཐག་རྩལ་དེ་རྒྱལ་སྤྱིའི་གར་སྟེགས་སྟེང་བུད་དེ་བོད་ཁྱིམ་བུ་ཕྲུག་ཚོའི་མཛེས་སྡུག་ལྡན་པའི་རི་མོ་གསར་པ་བྲིས་ཤིང་། ལྷོ་ཁའི་རྒྱ་ཚའི་འཛམ་གླིང་ཐོག་གཞི་ཁྱོན་ཆེས་ཆེ་བའི་ལོ་ངོ་སྟོང་གི་སྟར་སྡོང་ནགས་ཚལ་གྱི་སྐྱེ་ཁམས་ཡུལ་སྐོར་ལ“ཕྱུག་འགྱུར་ཤིང་འབྲས”ཐོགས་ཡོད། ཆབ་མདོའི་སྨར་ཁམས་ཀྱི་རྒུན་ཆང་ཤེལ་དམ་ལ་རི་ཁུག་གི“མུ་ཏིག་ནག་པོ”ཞེས་གྲགས་པ་ཕྱོགས་ཡོངས་ལ་ཁྱབ་པ་སོགས་ཡུལ་བབ་དང་བསྟུན་ནས་ཁྱད་ལྡན་ཐོན་ལས་གསར་དུ་བཏོད་པས། བོད་ལྗོངས་འཕེལ་རྒྱས་ཀྱི་ནང་ངོས་སྒུལ་ཤུགས་མངོན་གསལ་དོད་པོས་ཆེ་རུ་ཕྱིན་པ་དང་དཔལ་འབྱོར་ཐད་སྔ་ན་མེད་པའི་གསོན་ཤུགས་ཀྱིས་བརྟས་ཡོད།
ཉོན་དང་། མི་རིགས་མཐུན་སྒྲིལ་ཡར་ཐོན་གྱི་གླུ་དབྱངས་སྙན་མོ་ཞིག་གངས་ལྗོངས་མཐོ་སྒང་དུ་གྲག་བཞིན་མཆིས།
ད་ལྟའི་བོད་ལྗོངས་ཀྱི་ངོ་མཚར་ནི་མི་རིགས་ཁག་གིས་མཉམ་དུ་བཏོད་པ་ཞིག་ཡིན་ལ། དུས་རབས་གསར་པར་བདེ་སྐྱིད་དང་མཛེས་སྡུག་ལྡན་པའི་བོད་ལྗོངས་གསར་པའང་མི་རིགས་ཁག་གི་མི་དམངས་ཀྱིས་གཏོད་བཞིན་ཡོད། སང་ཉིན། སྔར་ལས་མཛེས་སྡུག་ལྡན་པར་འགྱུར་ངེས་ཡིན།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注