"དག་སྣང་མཚོ་བྱང"གི་ཡུལ་སྐོར་ལམ་ཐིག་འདི་རྒྱལ་ཡོངས་ཀྱི་འགྲིམ་འགྲུལ་མཉམ་འདྲེས་འཕེལ་རྒྱས་ཀྱི་དཔེ་མཚོན་ནང་བདམས་ཐོན་བྱུང་བ།

"དག་སྣང་མཚོ་བྱང"གི་ཡུལ་སྐོར་ལམ་ཐིག་འདི་རྒྱལ་ཡོངས་ཀྱི་འགྲིམ་འགྲུལ་མཉམ་འདྲེས་འཕེལ་རྒྱས་ཀྱི་དཔེ་མཚོན་ནང་བདམས་ཐོན་བྱུང་བ།

ཟླ11པའི་ཚེས12ཉིན། མཚོ་སྔོན་ཞིང་ཆེན་རིག་གནས་དང་ཡུལ་སྐོར་ཐིན་ནས་གཏམ་བཟང་བསྒྲགས་ཏེ། ཞིང་ཆེན་རིག་གནས་དང་ཡུལ་སྐོར་ཐིན་དང་། ཞིང་ཆེན་འགྲིམ་འགྲུལ་སྐྱེལ་འདྲེན་ཐིན་གྱིས་མཉམ་འབྲེལ་ཐོག་འོས་སྦྱོར་བྱས་པའི"དག་སྣང་མཚོ་བྱང"གི་ཡུལ་སྐོར་ལམ་ཐིག་དེ་རྒྱལ་ཡོངས་ཀྱི་འགྲིམ་འགྲུལ་སྐྱེལ་འདྲེན་དང་ཡུལ་སྐོར་མཉམ་འདྲེས་འཕེལ་རྒྱས་ཀྱི་དཔེ་མཚོན་གཉིས་པའི་ནང་བདམས་ཐོན་བྱུང་བ་དེས་མཚོ་སྔོན་གྱི་འགྲིམ་འགྲུལ་ཡུལ་སྐོར་མཉམ་འདྲེས་འཕེལ་རྒྱས་ལ་སྐུལ་འདེད་གཏོང་བ་དང་རིག་གནས་ཡུལ་སྐོར་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་རྒྱུར་དཔེ་སྟོན་སྣེ་ཁྲིད་ཀྱི་ནུས་པ་ཐོན་ཡོད།

"དག་སྣང་མཚོ་བྱང"གི་ཡུལ་སྐོར་ལམ་ཐིག་གི་མགོ་རྩོམ་ས་ནི་ཟི་ལིང་གྲོང་ཁྱེར་ཡིན་པ་དང་རྒྱལ་ལམ6པེ་ཅིང་ནས་བོད་ལྗོངས་བར་གྱི་མྱུར་བགྲོད་གཞུང་ལམ་ནས་རྒྱལ་ལམ315མཚོ་བྱང་བོད་རིགས་རང་སྐྱོང་ཁུལ་མདའ་བཞི་རྫོང་གི་ཞིང་ཆེན་ལམ310དང་ཞིང་ཆེན་ལམ209 རྒྱལ་ལམ213 ཞིང་ཆེན་ལམ302 རྒྱལ་ལམ6011སོགས་རྒྱལ་ཁབ་དང་ཞིང་ཆེན་རིམ་པའི་གཞུང་ལམ་སྦྲེལ་མཐུད་བྱས་པ་དང་མཚོ་བྱང་ཁུལ་གྱི་མངའ་ཁོངས་ཀྱི་མདའ་བཞི་རྫོང་དང་རྐང་ཚ་རྫོང། མདོ་ལ་རྫོང་། འཇུ་ལག་ཧུའེ་རིགས་རང་སྐྱོང་རྫོང་བཅས་ཀྱི་ཡུལ་སྐོར་ལྗོངས་ཁུལ་ཆེ་གྲས་ཁག་ཏུ་ཡུལ་སྐོར་ལམ་ཐིག་སྤུས་དག་ཆགས་ཡོད། ལམ་ཐིག་དེ་མྱུར་བགྲོད་གཞུང་ལམ་དང་རྒྱལ་ཁབ་དང་ཞིང་ཆེན་གྱི་གཙོ་ལམ་མཉམ་སྒྲིག་བྱས་པ་ལས་གྲུབ་པ་དང2022ལོར་དངོས་སུ་འཛུགས་སྐྲུན་ལེགས་གྲུབ་བྱུང་ལ་ཁྱོན་རིང་ཚད་སྤྱི་ལེ650ཙམ་ཡོད། "དག་སྣང་མཚོ་བྱང"གཙོ་བོར་བྱས་ཏེ"གསེར་མདོག་འཇུ་ལག"དང"ལྷ་ཡུལ་མདོ་ལ"། "བོད་མཁར་རྐང་ཚ"། "བདེ་བརྟན་མདའ་བཞི"བཅས་ཀྱི་ཆས་རྟགས་འཛུགས་སྐྲུན་བྱེད་ཤུགས་ཆེ་རུ་བཏང་ནས། ཝང་ལུའོ་པིན་རོལ་དབྱངས་རིག་གནས་ཡུལ་སྐོར་དུས་ཆེན་དང་འཇུ་ལག་ལོག་དཀར་མེ་ཏོག་རིག་གནས་ཡུལ་སྐོར་དུས་ཆེན། མཚོ་སྔོན་པོ་བསྐོར་བའི་རྒྱལ་སྤྱིའི་གཞུང་ལམ་ལྕགས་རྟ་འགྲན་སྡུར་སོགས་ཀྱི་བྱེད་སྒོ་རབ་དང་རིམ་པ་སྤེལ་བ་བརྒྱུད་ཁྱད་ལྡན་དུས་ཆེན་གྱི་བྱེད་སྒོའི་ཤུགས་རྐྱེན་ཐེབས་ཤུགས་ཆེ་རུ་བཏང་བ་དང"དག་སྣང་མཚོ་བྱང"གི་ཆས་རྟགས་ཀྱི་ཤུགས་རྐྱེན་ཐེབས་ཤུགས་རྒྱུན་མཐུད་ངང་ཆེ་རུ་བཏང་ཡོད།