མཚོ་སྔོན་ཞིང་ཆེན་གྱིས་ཟླ་དགུ་པ་དང་ཟླ་མཆོད་དུས་ཆེན་སྐབས་ཀྱི་རང་བྱུང་གནོད་འཚེ་དང་བདེ་འཇགས་ཐོན་སྐྱེད་གནས་བབ་ལ་གྲོས་མོལ་བྱས།
ཟླ8པའི་ཚེས29ཉིན། མཚོ་སྔོན་ཞིང་ཆེན་འཕྲལ་བསྟུན་ཨུ་ཡོན་ལྷན་ཁང་གཞུང་སྒྲུབ་ཁང་དང་ཞིང་ཆེན་བདེ་འཇགས་ཐོན་སྐྱེད་ཨུ་ཡོན་ལྷན་ཁང་གཞུང་སྒྲུབ་ཁང་། ཞིང་ཆེན་གནོད་སེལ་གནོད་འགོག་ཨུ་ཡོན་ལྷན་ཁང་གཞུང་སྒྲུབ་ཁང་། ཞིང་ཆེན་འཕྲལ་བསྟུན་དོ་དམ་ཐིན་བཅས་ཀྱིས་ཞིང་ཆེན་རང་བྱུང་ཐོན་ཁུངས་ཐིན་དང་ཞིང་ཆེན་སྡོད་ཁང་འཛུགས་སྐྲུན་ཐིན། ཞིང་ཆེན་འགྲིམ་འགྲུལ་སྐྱེལ་འདྲེན་ཐིན། ཞིང་ཆེན་ཆུ་བེད་ཐིན། ཞིང་ཆེན་རིག་གནས་ཡུལ་སྐོར་ཐིན་སོགས་ཁོངས་གཏོགས་སྡེ་ཁག་ཉེར་གཅིག་རྩ་འཛུགས་བྱས་ནས་ཟླ་དགུ་པ་དང་ཟླ་མཆོད་དུས་ཆེན་སྐབས་ཀྱི་རང་བྱུང་གནོད་འཚེ་དང་བདེ་འཇགས་ཐོན་སྐྱེད་ཐད་ཀྱི་གྲོས་མོལ་ཞིབ་གཅོད་བྱ་བ་སྤེལ་ནས། བདེ་འཇགས་ཐོན་སྐྱེད་དང་རང་བྱུང་གནོད་འཚེའི་ཉེན་ཁའི་གནས་བབ་ལ་ཕྱོགས་ཡོངས་ནས་དབྱེ་ཞིབ་བྱས་པ་དང་། འགོག་ཟོན་དང་ཁ་གཏད་བྱེད་ཐབས་ལ་ཞིབ་འཇུག་བྱས།
རྒྱུས་ལོན་བྱུང་བ་ལྟར་ན། ཟླ་བདུན་པའི་ཟླ་སྨད་དང་ཟླ་བརྒྱད་པའི་ཟླ་སྟོད་ཀྱི་ཆུ་ལོག་འགོག་པའི་གནད་འགག་གི་དུས་སྐབས་མཇུག་རྫོགས་ན་ཡང་། མཚོ་སྔོན་གྱི་དྲོད་གྲངས་མུ་མཐུད་དུ་མཐོ་བ་དང་། བལྟོས་རྒྱུག་དྲག་པོའི་ནམ་ཟླ་འབྱུང་ཉེན་ལ། དྲག་ཆར་འབབ་ཉེན་གྱི་ཁྱད་ཆོས་མངོན། མིག་སྔར། ཉེ་དུས་ས་ཁུལ་ཁག་ཅིག་ལ་དུས་ཐུང་ངུའི་དྲག་ཆར་ཆེན་པོ་བབས་པ་དང་། ས་ཁུལ་མང་ཆེ་ཤོས་ཀྱི་ས་ཆུའི་ཚད་ལོངས་ཚད་མཐོ་བའི་དབང་གིས། ཆུ་ལོག་དང་འདམ་རུད་སོགས་རང་བྱུང་གནོད་འཚེ་འབྱུང་སླ་བ་དང་། ཆུ་ལོག་འགོག་པའི་གནས་བབ་སྔར་བཞིན་དུ་ཛ་དྲག་ཆེ། ཟླ་དགུ་པ་ནི་ཐོན་སྐྱེད་བདག་གཉེར་གྱི་གནད་འགག་དུས་སྐབས་ཡིན་པ་དང་། མི་སྣ་དང་སྒྲིག་ཆས་ཀྱི་བྱ་བའི་འགན་ཁུར་ཧ་ཅང་ལྕི་ལ། དོན་རྐྱེན་འབྱུང་རྒྱུའི་ཉེན་ཁ་ཡང་ཇེ་ཆེར་སོང་ཡོད། དེ་དང་མཉམ་དུ། སློབ་འགོ་ཚུགས་པ་དང་ཟླ་མཆོད་དུས་ཆེན་ཐོན་ལ་ཉེ་བ་དང་། མི་དང་དངོས་ཟོག རླངས་འཁོར་རིམ་པ་བཞིན་ཇེ་མང་དུ་འགྲོ་བཞིན་ཡོད་པ་དང་། གཞུང་ལམ་འགྲིམ་འགྲུལ་དང་རིག་གནས་ཡུལ་སྐོར་ཁྱབ་ཁོངས་ཀྱི་བདེ་འཇགས་ཉེན་ཁ་འབྱུང་སླ།
གྲོས་མོལ་སྐབས་སུ། རང་ས་ཆའི་བདེ་འཇགས་ལ་སྲུང་སྐྱོབ་བྱེད་པའི་ཆབ་སྲིད་ཀྱི་འགན་འཁྲི་མཐའ་གཅིག་ཏུ་ཕྲག་ཏུ་ལེན་པ་དང་། ཚད་མཐའི་བསམ་བློ་དང་མུ་མཐའི་བསམ་བློ་ཇེ་དྲག་ཏུ་གཏོང་བ། སྡེ་ཁག་མང་པོ་དང་བཞུར་རྒྱུད་ཡོངས་ཀྱི་མཉམ་སྒྲིག་མཉམ་འཛིན་ཇེ་ཞིབ་ཏུ་བཏང་སྟེ། སྟོབས་ཤུགས་ཡོད་རྒུས་གནོད་འགོག་གནོད་སྐྱོབ་བྱ་བ་བཟང་བོར་བསྒྲུབ་དགོས། ཚན་རིག་དང་མཐུན་པ་དང་གནད་ལ་འཁེལ་བའི་སྒོ་ནས་ལྟ་ཞིབ་སྔོན་བརྡ་བྱ་བ་བཟང་བོར་བསྒྲུབ་པ་དང་། འཁོར་འགྲིལ་གྲོས་མོལ་དང་ཞིབ་འཇུག་བརྡར་གཅོད་ལ་ཤུགས་སྣོན་པ། དུས་ཐོག་ཏུ་སྔོན་བརྡ་བཀོད་གཏོང་བྱེད་པ། བྱེད་ཐབས་མཉམ་འབྲེལ་དང་གནོད་འཕྲད་ལན་འདེབས། འགན་ལེན་འགན་འཁྲི་ལམ་ལུགས་བཅས་ལག་བསྟར་ནན་མོ་བྱེད་དགོས། ཉེན་ཁར་གྲལ་བཤེར་བྱེད་པ་དང་། གཙོ་བོར་གཞུང་ལམ་འགྲིམ་འགྲུལ་སྐྱེལ་འདྲེན་དང་བཟོ་སྐྲུན་འཛུགས་སྐྲུན། རིག་གནས་ཡུལ་སྐོར། སློབ་རའི་བདེ་འཇགས། མེ་འགོག་མེ་གསོད། གཏེར་རི། ཉེན་ཁའི་རྫས་འགྱུར་དངོས་རྫས། བཟོ་ཚོང་དང་ས་གཤིས་གནོད་འཚེའི་ཉེན་ཁ་སོགས་ལས་རིགས་གཙོ་བོའི་ཁྱབ་ཁོངས་དང་ཡུལ་གནས་གཙོ་བོའི་བདེ་འཇགས་འགོག་ཟོན་དམ་འཛིན་བྱས་ནས། ཚོད་འཛིན་མི་ཐུབ་པ་དང་དོ་དམ་བྱེད་མི་ཐུབ་པའི་གནས་ཚུལ་འབྱུང་བར་བརྟན་འགོག་བྱེད་རྒྱུའི་རེ་བ་བཏོན།
དེ་དང་མཉམ་དུ། སྡེ་ཁག་སོ་སོས་ཟླ་དགུ་པ་དང་ཟླ་མཆོད་དུས་ཆེན་སྐབས་ཀྱི་བདེ་འཇགས་ཐོན་སྐྱེད་བྱ་བར་ཞིབ་འཇུག་ནན་མོ་བྱེད་པ་དང་། འགོག་ཟོན་འགན་འཁྲི་དང་བྱེད་ཐབས་རིམ་པ་བཞིན་གཞི་རིམ་དུ་ལག་བསྟར་བྱེད་དགོས། ཐོག་མཐའ་བར་གསུམ་དུ་འཕྲལ་བསྟུན་ལས་སྲུང་དང་ལྟ་ཞིབ་ཉེན་བརྡ། བཀོད་གཏོང་བཀོད་འདོམས། སྐོར་ཞིབ་ཉེན་སེལ་སོགས་ཀྱི་བྱ་བ་སྣ་ཚོགས་བཟང་བོར་བསྒྲུབ་ནས། མི་མང་པོ་ཤི་རྨས་མི་འབྱུང་བར་བྱེད་པའི་ཚད་མཐའ་བརྟན་སྲུང་བྱེད་དགོས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注