མཚོ་སྔོན་གྱིས་སྟོན་དུས་སློབ་འགོ་ཚུགས་སྐབས་ལོག་ཆོས་ལ་ངོ་རྒོལ་བྱེད་པའི་དྲིལ་སྒྲོག་སློབ་གསོ་སློབ་རར་བསྐྱོད་པའི་བརྗོད་དོན་བྱ་འགུལ་སྤེལ།
ཉིན་བསྟུད་མའི་རིང་། ཞིང་ཆེན་ཏང་ཨུའི་སྲིད་ཁྲིམས་ཨུ་ཡོན་ལྷན་ཁང་གིས་ཟི་ལིང་གྲོང་ཁྱེར་རིག་གནས་ཡུལ་སྐོར་རྒྱང་སྒྲོག་བརྙན་འཕྲིན་ཅུའུ་དང་མཉམ་འབྲེལ་སྒོས་སྟོན་དུས་སློབ་འགོ་ཚུགས་སྐབས་ལོག་ཆོས་ལ་ངོ་རྒོལ་བྱེད་པའི་དྲིལ་སྒྲོག་སློབ་གསོ་སློབ་རར་བསྐྱོད་པའི་བརྗོད་དོན་བྱ་འགུལ་སྤེལ།
ཐེངས་འདིའི་བརྗོད་དོན་བྱ་འགུལ་དུས་རིམ་གཉིས་སུ་དབྱེ་ཡོད་དེ། དུས་རིམ་དང་པོའི་བྱ་འགུལ་དུ་ལོག་ཆོས་ལ་ངོ་རྒོལ་བྱེད་པའི་དྲིལ་སྒྲོག་སློབ་རར་བསྐྱོད་པའི་ན་ཆུང་གི་རི་མོ་འབྲི་བའི་བྱ་འགུལ་དང་། ལོག་ཆོས་ལ་ངོ་རྒོལ་བྱེད་པའི་དྲིལ་སྒྲོག་བརྗོད་དོན་སྐོར་གྱི་བརྙན་གཟུགས་ལ་ལྟ་བའི་བྱ་འགུལ་གཉིས་འདུས་ཡོད་ཅིང་། དུས་རིམ་གཉིས་པའི་བྱ་འགུལ་དུ་ལོག་ཆོས་ལ་ངོ་རྒོལ་བྱེད་པའི་དྲིལ་སྒྲོག་སློབ་རར་བསྐྱོད་པའི་བརྗོད་དོན་འཆད་ཁྲིད་བྱ་འགུལ་སོགས་བསྣན་ཡོད།
ལོག་ཆོས་ལ་ངོ་རྒོལ་བྱེད་པའི་དྲིལ་སྒྲོག་སློབ་རར་བསྐྱོད་པའི་ན་ཆུང་གི་རི་མོ་འབྲི་བའི་བྱ་འགུལ་ཁྲོད། ལས་བྱེད་མི་སྣས་ན་གཞོན་ལོ་ཆུང་ཚོར་ལོག་ཆོས་ཀྱི་ངོ་བོ་དང་། ཁྱད་རྟགས། གནོད་འཚེ་དང་། ལོག་ཆོས་ལ་ངོ་རྒོལ་བྱེད་པའི་འབྲེལ་ཡོད་ཤེས་བྱ་བཅས་ངོ་སྤྲོད་བྱས་ཤིང་། ན་གཞོན་ལོ་ཆུང་ཚོས་ལོག་ཆོས་ལ་ངོ་རྒོལ་བྱེད་པའི་རྒྱུན་སྤྱོད་ཤེས་བྱར་རྒྱུས་ལོན་ཅུང་ཙམ་བྱས་པ་དང་། ཁོ་ཚོས་ལོག་ཆོས་ལ་ཁ་གཏད་འཇལ་སྐབས་མི་ཉན་པ་དང་། མི་ལྟ་བ། མི་སྒྲོག་པ། ཟབ་ཞུགས་མི་བྱེད་པ་སོགས་བྱེད་དགོས་པ་དར་སྤེལ་བྱས། དེའི་རྗེས། རི་མོ་འབྲི་བར་ཞུགས་པའི་ན་གཞོན་ལོ་ཆུང་ཚོས་ཚོན་ལྡན་འབྲི་སྨྱུག་སྤྱད་དེ་ལོག་ཆོས་ལ་ངོ་རྒོལ་བྱེད་པའི་དྲིལ་སྒྲོག་རི་མོ་བྲིས་ཤིང་། སྒྱུ་རྩལ་གྱི་ཐབས་ལ་བརྟེན་ནས་ལོག་ཆོས་ལ་ངོ་རྒོལ་བྱེད་པའི་ལྟ་བ་བརྒྱུད་སྒྲོག་བྱས་པ་དང་། ལོག་ཆོས་ལ་ངོ་རྒོལ་བྱེད་པའི་འདུ་ཤེས་ཇེ་དྲག་ཏུ་བཏང་སྟེ། ལོག་ཆོས་ལ་བཀག་འགོག་བྱེད་པ་དང་ཡང་དག་པའི་སྒོ་ནས་ཁ་གཏད་འཇལ་བའི་ནུས་པ་མཐོར་འདེགས་བཏང་།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注