གསར་འགོད་པས་ཆེས་མཐོའི་མི་དམངས་ཞིབ་དཔྱོད་ཁང་ནས་ཤེས་རྟོགས་བྱས་པར་གཞིགས་ན། ཞིབ་དཔྱོད་ལས་ཁུངས་ཀྱིས་ཁོར་ཡུག་སྦགས་བཙོག་གི་ཉེས་གསོག་སྣ་ཚོགས་ལ་ཁྲིམས་ལྟར་ཉེས་ཆད་ནན་མོ་བཅད་དེ། ད་ལོའི་ཟླ1པོ་ནས་ཟླ6པའི་བར་ཁོར་ཡུག་སྦགས་བཙོག་གི་ཉེས་གསོག་གྱོད་གཞི668དང་མི1597ཞུ་གཏུག་བྱས་པ་དང་། གྱོད་གཞི་ཐག་གཅོད་བྱེད་རིང་སླར་གསོ་རང་བཞིན་གྱི་ཁྲིམས་འཛིན་འདུ་ཤེས་དོན་འཁྱོལ་བྱས་ནས། སྐྱེ་ཁམས་ཁོར་ཡུག་བཅོས་སྐྱོང་མ་ལག་རྒྱུན་ཆད་མེད་པར་འཐུས་ཚང་དུ་གཏོང་བ་དང་སྐྱེ་ཁམས་ཁོར་ཡུག་གི་སྤུས་ཚད་རྒྱུན་ཆད་མེད་པར་ཇེ་ལེགས་སུ་འགྲོ་བར་སྐུལ་འདེད་བཏང་ཡོད།
ཞིབ་དཔྱོད་ལས་ཁུངས་ཀྱིས་གྱོད་གཞི་སྒྲུབ་སྐབས། མིག་སྔར་ཁོར་ཡུག་སྦགས་བཙོག་ཉེས་གསོག་གི་གནད་དོན་གསར་རྙིང་འདྲེས་ཡོད་པས། སྔར་བཞིན་ཕྱོགས་བསྡུས་ཀྱི་ཐབས་ཇུས་ལག་བསྟར་དང་བཅོས་སྐྱོང་གཏིང་ཟབ་བྱེད་དགོས་པ་ཤེས་རྟོགས་བྱུང་ཡོད། དཔེར་ན། ས་ཁུལ་ལས་བརྒལ་ནས་ཁྲིམས་འགལ་གྱིས་ཉེན་ཆེའི་ཟོག་རོ་ཐག་གཅོད་བྱས་པར་བཀག་སྡོམ་ཡང་ཡང་བྱས་ཀྱང་མཚམས་མི་ཆད་པ་དང་། ས་གནས་ཁ་ཤས་ཀྱི་ཐོན་སྐྱེད་དང་འཚོ་བའི་ཁྲོད་ཐོན་པའི་སྲ་གཟུགས་ཟོག་རོ་དང་ལྷག་པར་དུ་ཉེན་ཆེའི་ཟོག་རོ་ཉིན་རེ་བཞིན་ཇེ་མང་དུ་འགྲོ་བཞིན་ཡོད་པ། ཁེ་ལས་ཉུང་ཤས་ཀྱིས་རང་ཉིད་ཀྱི་ཐག་གཅོད་ནུས་པ་མི་འདང་བ་དང་ཐག་གཅོད་མ་གནས་ཚད་དྲགས་པའི་དབང་གིས་ཉེན་ཆེའི་ཟོག་རོ་ཁྲིམས་འགལ་གྱིས་ས་ཆ་གཞན་དང་ཐ་ན་ཞིང་ཆེན་གཞན་དུ་སྤོ་སྒྱུར་བྱས་ཏེ། ས་གནས་དེ་གའི་ས་རྒྱུ་དང་ཆུ་གཟུགས། མཁའ་རླུང་བཅས་ལ་སྦགས་བཙོག་བཟོས་ཡོད། གཞན་ཡང་སྲོལ་རྒྱུན་གྱི་སྦགས་བཙོག་ཆེ་བའི་ལས་རིགས་ཀྱིས་ཁྲིམས་འགལ་ངང་བཙོག་འབུད་བྱེད་པའི་གནད་དོན་སྔར་བཞིན་མངོན་གསལ་ཡིན། ལྷག་པར་དུ་མི་སྒེར་རེ་ཟུང་གིས་བཙུགས་པའི“ཁྲིམས་འགལ་བཟོ་གྲྭ”རེ་ཟུང་གིས་ལྟ་སྐུལ་དང་དོ་དམ་ལས་གཡོལ་ཐབས་བྱས་ཏེ། སྦགས་བཙོག་དངོས་པོ་ལྐོག་ཏུ་འབུད་པ་དང་ཐད་ཀར་ཕུད་པ་རེད།
ངོ་སྤྲོད་བྱས་པར་གཞིགས་ན། ཕྱོགས་གསུམ་པའི་ཁོར་ཡུག་སྲུང་སྐྱོང་ཞབས་ཞུའི་སྒྲིག་གཞི་རེ་ཟུང་གིས་སྦགས་བཙོག་གནས་ཚུལ་ངོ་མ་གསང་རོགས་བྱས་ཡོད། ཕྱོགས་གསུམ་པའི་ཁོར་ཡུག་སྲུང་སྐྱོང་ཞབས་ཞུའི་སྒྲིག་གཞིས་བཏོན་པའི་སྙན་ཞུ་དང་གྲངས་གཞི་ནི་སྦགས་བཙོག་གནས་ཚུལ་ཡང་དག་མཚོན་པ་དང་། ཁོར་ཡུག་དོ་དམ་དང་ཐབས་ཇུས་ལག་བསྟར་བྱེད་པའི་གཞི་རྩའི་གཞི་འཛིན་ས་ཞིག་ཡིན། དོགས་ཟོན་བྱེད་དགོས་པ་ཞིག་ནི། མིག་སྔར་ཞིབ་དཔྱད་ཚད་ལེན་ལས་ཁུངས་དང་བརྟག་དཔྱད་ཚད་ལེན་ལས་ཁུངས་རེ་ཟུང་ལ་ཁེ་ཕན་གྱི་བཙན་སྐུལ་ཐེབས་ནས་མི་བདེན་རྫུན་བཟོ་བྱས་ཏེ། སྙིགས་རྫས་ཐོན་པའི་གཙོ་གཞིས་བཟོས་ཟིན་པའམ་བཟོ་སྲིད་པའི་སྦགས་བཙོག་སྦས་གསང་ལ་རོགས་རམ་བྱེད་བཞིན་ཡོད།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注