དབྱི་རག་གི་འཇིགས་སྐུལ་ངོ་རྒོལ་སྡེ་ཁག་གིས2024ལོར་འཇིགས་སྐུལ་ཉེས་ཅན70བསད།

དབྱི་རག་གི་འཇིགས་སྐུལ་ངོ་རྒོལ་སྡེ་ཁག་གིས་ཚེས9ཉིན་གསལ་སྒྲོག་སྤེལ་ཏེ། དབྱི་རག་གི་འཇིགས་སྐུལ་ངོ་རྒོལ་སྡེ་ཁག་གིས2024ལོར་བསྡོམས་པས་འཇིགས་སྐུལ་ངོ་རྒོལ་འགུལ་སྐྱོད་ཐེངས344སྤེལ་བ་དང་། འཇིགས་སྐུལ་ཉེས་ཅན70བསད་ཡོད་ལ། འཇིགས་སྐུལ་ཉེས་ཅན144འཛིན་བཟུང་བྱས་པར་མ་ཟད། འཇིགས་སྐུལ་རྩ་འཛུགས་ཀྱི་སྦས་སྐོང་བྱེད་ས310གཏོར་ཡོད་ཟེར།

གསལ་སྒྲོག་ལས་བཤད་རྒྱུར། དབྱི་རག་གི2024ལོའི་ཆེས་འབུར་དུ་ཐོན་པའི་འཇིགས་སྐུལ་ངོ་རྒོལ་གྱི་གྲུབ་འབྲས་ནི་དབྱི་རག་བྱང་ཕྱོགས་རི་ཁུལ་གྱི་འགུལ་སྐྱོད་ཅིག་གི་ཁྲོད་དབྱི་སི་ལན་རྒྱལ་ཁབ་ཅེས་པའི་ཐལ་སྤྱོད་རྩ་འཛུགས་ཀྱི་དབྱི་རག་ས་ཁུལ་གྱི་མགོ་བ་དང་མཐོ་རིམ་ཁོངས་མི་གཞན་པ་བརྒྱད་བསད་པ་དེ་ཡིན་ཟེར།