བརྟག་དཔྱད་མང་ཞིང་ཞིབ་འཇུག་ཉུང་བ་དང་གནས་ཚུལ་མང་ཞིང་དབྱེ་ཞིབ་ཉུང་བ། གྲོས་གཞི་བཏོན་པའི་གཏད་ཇུས་ཆེ་ལ་གསལ་པོ་མིན་པ་དང་དོན་གྱིས་སྟོང་བ་བཅས་འགོག་དགོས་ཤིང་། བརྟག་དཔྱད་ཞིབ་འཇུག་གི་སྙན་ཞུས་བརྟག་དཔྱད་ཞིབ་འཇུག་གི་འབྲས་བུའི་ཚབ་བྱས་ཏེ། གནད་དོན་དངོས་ཐག་མི་གཅོད་པ་འགོག་དགོས། 

   ཉེར་བཞི་པ། ལག་ལེན་ལ་རྫོགས་མཐའ་མེད་པས། གཞུང་ལུགས་གསར་གཏོད་ལའང་རྫོགས་མཐའ་མེད། མར་ཁེ་སི་རིང་ལུགས་ཀྲུང་གོ་ཅན་དང་དུས་རབས་ཅན་གྱི་ལེའུ་གསར་པ་མུ་མཐུད་དུ་འབྲི་རྒྱུ་ནི། དེང་སྐབས་ཀྲུང་གོའི་གུང་ཁྲན་ཏང་མིའི་གཟི་བརྗིད་ལྡན་པའི་ལོ་རྒྱུས་ཀྱི་འགན་འཁྲི་ཡིན། ལག་ལེན་རྨང་གཞིའི་ཐོག་གི་གཞུང་ལུགས་གསར་གཏོད་ལ་མུ་མཐུད་དུ་སྐུལ་འདེད་གཏོང་བར། ཐོག་མར་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་འཇིག་རྟེན་ལྟ་བ་དང་བརྟག་ཐབས་སྨྲ་བ་ཡང་དག་པར་ཁོང་དུ་ཆུད་ཅིང་། དེའི་ཁྲོད་ཁྱབ་པའི་ལངས་ཕྱོགས་དང་ལྟ་བ། བྱེད་ཐབས་བཅས་རྒྱུན་འཁྱོངས་ཡག་པོ་དང་བེད་སྤྱོད་ལེགས་པོ་བྱེད་དགོས། 

    —《ཞི་ཅིན་ཕིང་གི་གསུང་རྩོམ་འདེམ་ཀློག》པོད་དང་པོ་ལས།